దిల్ రాజు ఎన్నాళ్ళకిలా !

‘పెళ్లి సందడి’ సినిమాతో డిస్ట్రిబ్యూటర్ గా సక్సెస్ కొట్టి అక్కడి నుండి నైజాం రాజు గా ఎదిగి దిల్ సినిమాతో నిర్మాతగా కేరీర్ మొదలు పెట్టాడు దిల్ రాజు. ఇప్పుడు స్టార్ నిర్మాతగా తెలుగు సినిమా ఇండస్ట్రీలో చక్రం తిప్పుతున్నాడు.

ప్రస్తుతం హిందీ, తమిళ్ లో కూడా నిర్మాతగా సినిమాలు తీస్తున్న దిల్ రాజు పై కొన్నేళ్లుగా ఓ కామెంట్ వినిపిస్తుంటుంది. కెరీర్ ఆరంభంలో టాలెంటెడ్ డైరెక్టర్స్ ని ఇండస్ట్రీకి పరిచయం చేసిన దిల్ రాజు ప్రస్తుతం కొత్త దర్శకులతో సినిమాలు చేయడం లేదనేది ఆ కామెంట్. 

తాజాగా ఓ చిన్న సినిమాతో ఆ కామెంట్ కి ఫుల్ స్టాప్ పెట్టాడు దిల్. తన ఫ్యామిలీ నుండి హర్షిత్ రెడ్డి , హన్శిత లను నిర్మాతలుగా పరిచయం చేస్తూ కాన్సెప్ట్ సినిమాలు తీసే ప్లాన్ చేసుకుంటున్నాడు. ఇందులో భాగంగా మరో బేనర్ స్టార్ట్ చేశారు రాజు. దిల్ రాజు ప్రొడక్షన్స్ అనే సబ్ బేనర్ స్టార్ట్ చేసి కొత్త దర్శకులను పరిచయం చేయబోతున్నాడు. 

ఈ బేనర్ నుండి కమెడియన్ వేణు టిల్లును మొదటి దర్శకుడిగా పరిచయం చేస్తున్నాడు. కమెడియన్ వేణు దర్శకత్వంలో దిల్ రాజు ప్రొడక్షన్స్ నుండి ‘బలగం’ అనే సినిమా రాబోతుంది. తాజాగా ఫస్ట్ లుక్ పోస్టర్ రిలీజ్ చేసి తన కొత్త బేనర్ లోగో కూడా లాంచ్ చేశారు రాజు. 

వేణును దర్శకుడిగా పరిచయం చేస్తూ దిల్ రాజు పోస్టర్ రిలీజ్ చేయగానే రాజు గారు ఎన్నాళ్లకెన్నాళ్ళకి కొత్త దర్శకుడితో సినిమా అంటూ సోషల్ మీడియా లో నెటిజన్లు మెచ్చుకుంటున్నారు. ఇకపై ఇదే కంటిన్యూ చేసి మళ్ళీ మునుపటిలా కొత్త వారిని ప్రోత్సహించాలని కోరుకుంటున్నారు. మరి దిల్ రాజు ప్రొడక్షన్స్, శ్రీ వేంకటేశ్వర క్రియేషన్స్ లా మొదట్లో అందించినట్టుగా ఉత్తమ సినిమాలను అందిస్తుందా  ? చూడాలి.