బ్లాక్ బస్టర్ కాంతార ఓటిటి కోసం రోజుల తరబడి ఎదురు చూసిన అభిమానుల నిరీక్షణకు తెరవేస్తూ గురువారం నుంచి అమెజాన్ ప్రైమ్ లో స్ట్రీమింగ్ అవుతున్న సంగతి తెలిసిందే. అయితే అందులో చాలా కీలకమైన, సినిమా మొత్తానికి సోల్ గా చెప్పుకున్న వరాహ రూపం పాట స్థానంలో వేరొకటి ఉండటం ప్రేక్షకులను తీవ్ర అసంతృప్తికి గురి చేసింది. కారణం కాపీ రైట్ ఇష్యూ కింద తాయ్ కుద్దమ్ బ్రిడ్జ్ నిర్మాతలు వేసిన కోర్టు కేసు. తమ గీతాన్ని యథాతధంగా వాడుకుని కనీసం చెప్పలేదని, రిలీజయ్యాక కూడా క్రెడిట్స్ ఇవ్వలేదని చేసిన ఆరోపణల వల్ల దాన్ని వాడకూడదని ఆదేశాలు వచ్చాయి
ఆ కారణంగానే ఎందుకిచ్చిన రిస్క్ అని ప్రైమ్ టీమ్ ఆ సాంగ్ ని తీయించేసి కొత్తది పెట్టింది. ఇది నెగటివ్ ఫీడ్ బ్యాక్ కి దారి తీసింది. తాజాగా గతంలో ఇచ్చిన నిషేధం ఉత్తర్వులు చెల్లవని, ఫిర్యాదుదారులు చేసిన అభియోగంలో సరైన చట్టబద్దత లేదని చెబుతూ కేరళలోని కోజికోడ్ కోర్టు కొత్త జడ్జ్ మెంట్ ఇచ్చింది. దీంతో ఇప్పుడా వరాహ రూపాన్ని ఓటిటిలో వాడుకోవచ్చు. అయితే అదే రాష్ట్రంలోని పాలక్కడ్ న్యాయస్థానంలో ఈ వివాదం మీద మరో కేసు నడుస్తోంది. అది కూడా హోంబాలే ఫిలింస్ కు అనుకూలంగా వస్తే అన్ని అడ్డంకులు తొలగినట్టు అవుతుంది.
ఒక పాట తాలూకు ప్రభావం సినిమా మీద ఏ స్థాయిలో ఉంటుందో చెప్పడానికి ఇంత కన్నా ఉదాహరణ అక్కర్లేదేమో. రెండున్నర గంటల నిడివిని ఒక్క అయిదు నిముషాలు శాశించడం అరుదుగా జరుగుతుంది. అందులోనూ కాంతార లాంటి నేటివిటీ ప్రధానమైన చిత్రాలకు ఇది ఇంకా కీలకం. ఏదైతేనేం మొత్తానికి సమస్య పరిష్కారమయ్యింది. వ్యూస్ పరంగా ఓటిటిలోనూ ఇది రికార్డులు సాధిస్తుందన్న అంచనాలున్నాయి. అయితే కెజిఎఫ్ 2 మీద కూడా ఇదే తరహా హైప్ ఉన్నప్పుడు అది డిజిటల్ లో ఆర్ఆర్ఆర్ ని దాటలేకపోయింది. కనీసం ఇండియా వైడ్ అయినా కాంతార అది సాధిస్తుందేమో చూడాలి.
This post was last modified on November 25, 2022 10:03 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…