Movie News

ధనుష్ పెద్ద షాకే ఇచ్చాడు

అసలే డబ్బింగ్ సినిమా. దానికి తోడు హఠాత్తుగా రిలీజ్ డేట్ ప్రకటించారు. అప్పటికప్పుడు అల్లు అరవింద్ రంగంలోకి దిగి నేను పంపిణి చేస్తానంటూ తమిళ ప్రొడ్యూసర్ కు అండగా నిలిచారు. ఇలాంటి పరిస్థితిలో దేనికైనా బజ్ రావడం అంత ఈజీ కాదు. ఆ పరిస్థితి ధనుష్ నేనే వస్తున్నాకు వచ్చింది. అతని అన్నయ్య సెల్వ రాఘవన్ దర్శకత్వంలో పదేళ్ల తర్వాత నటిస్తున్న మూవీ ఇది. పలుమార్లు వాయిదా పడుతూ వచ్చి ఇప్పుడు ఏకంగా మణిరత్నం పొన్నియన్ సెల్వన్ ని ఢీ కొట్టేందుకు రెడీ అవుతోంది. డేట్ చెప్పలేదు కానీ సెప్టెంబర్ 29 అని చెన్నై టాక్.

మరి ఇంత లో ప్రొఫైల్ లో వస్తున్నప్పుడు టీజర్ కట్ చాలా కీలకం. సెల్వ రాఘవన్ బృందం ఇక్కడే తమ అద్భుతమైన పనితనాన్ని చూపించింది. ఊహకందని కథతో ధనుష్ ని రెండు షేడ్స్ లో చూపిస్తూ ఆడియన్స్ కి షాక్ ఇవ్వబోతున్నట్టు కేవలం నిమిషంన్నర వీడియోతో క్లారిటీ ఇచ్చేశారు. హీరో విలన్ రెండూ తనే చేసినట్టు కనిపిస్తోంది. ఒకపక్క మధ్య తరగతి ఫ్యామిలీ మ్యాన్ గా, మరోవైపు అడవిలో బాణాలు గన్నులు పట్టుకుని తిరుగుతూ హత్యలు చేసేందుకు వెనుకాడని కోల్డ్ బ్లడెడ్ మర్డరర్ గా చాలా విచిత్రంగా క్యారెక్టర్స్ ని డిజైన్ చేశాడు సెల్వ.

మొత్తానికి అంచనాలు రేపడంలో టీజర్ సక్సెస్ అయ్యిందనే చెప్పాలి. ఇటీవలే వచ్చిన తిరు 100 కోట్ల సక్సెస్ తో ధనుష్ లో మంచి ఉత్సాహం కనిపిస్తోంది. తెలుగు వెర్షన్ సైతం బయ్యర్లకు లాభాలు ఇచ్చిందే. ఇప్పుడీ నేనే వస్తున్నా కనక హిట్టు కొడితే రఘువరన్ బిటెక్ టైంలో వచ్చిన యూత్ ఫాలోయింగ్ మళ్ళీ రికవర్ చేసుకోవచ్చు. మరి 29కి కట్టుబడతారా లేక ఒకవారం ముందు 23కే వస్తారా అనేది నిర్మాతలు తేల్చి చెప్పడం లేదు. యువన్ శంకర్ రాజా సంగీతం సమకూరుస్తున్న ఈ యాక్షన్ థ్రిల్లర్ లో ప్రభు, యోగిబాబు, తులసి తప్ప మిగిలిన క్యాస్టింగ్ అంతా అరవ బ్యాచే ఉంది.

This post was last modified on September 16, 2022 6:32 am

Share

Recent Posts

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

3 minutes ago

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

48 minutes ago

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

1 hour ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

1 hour ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

2 hours ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

2 hours ago