బాయ్కాట్.. బాయ్కాట్.. కొన్ని నెలల నుంచి సోషల్ మీడియాలో బాగా ట్రెండ్ అవుతున్న మాట ఇది. కొంతమంది అదే పనిగా బాలీవుడ్ సినిమాలను టార్గెట్ చేస్తూ.. వాటిని బహిష్కరించాలని సోషల్ మీడియాలో పిలుపునివ్వడం.. ఆ చిత్రాల గురించి ప్రతికూల ప్రచారం చేయడం.. నెగెటివ్ టాక్ను స్ప్రెడ్ చేయడం చూస్తూనే ఉన్నాం.
లాల్ సింగ్ చడ్డా, షంషేరా లాంటి చిత్రాలపై ఈ ప్రభావం కొంత మేర పడిందన్నది వాస్తవం. దీంతో వీరిని చూసి బాలీవుడ్ భయపడే పరిస్థితి వచ్చింది. ఈ బ్యాచ్ను ఎలా డీల్ చేయాలో తెలియక బాలీవుడ్ పెద్దలు తలలు పట్టుకునే పరిస్థితి వచ్చింది. వారి భయం చూసి బాయ్కాట్ బ్యాచ్ మరింత రెచ్చిపోయి.. రిలీజవుతున్న ప్రతి సినిమానూ టార్గెట్ చేయడం మొదలుపెట్టింది. వాళ్లు లక్ష్యంగా చేసుకున్న కొత్త చిత్రం.. బ్రహ్మస్త్ర.
బాలీవుడ్లో నెపోటిజం బ్యాచ్ అంతా కలిసి చేస్తున్న సినిమా అని.. రణబీర్, ఆలియా గతంలో ఏవో కామెంట్లు చేశారని.. సినిమాలోని ఒక సన్నివేశంలో రణబీర్ చెప్పులేసుకుని గుడిలోకి వెళ్లాడని.. ఇలా ఏవేవో కారణాలు చెప్పి ఈ సినిమాను బాయ్కాట్ లిస్టులోకి చేర్చారు. రోజులు, వారాల తరబడి ఈ సినిమాను టార్గెట్ చేస్తూ ట్రెండ్ నడిపిస్తున్నారు. కానీ ఈ ప్రభావం సినిమా మీద పెద్దగా ఏమీ పడుతున్నట్లు కనిపించడం లేదు. బ్రహ్మాస్త్ర అడ్వాన్స్ బుకింగ్స్ మాంచి జోరు మీద నడుస్తున్నాయి.
ఇప్పటికే దేశవ్యాప్తంగా మల్టీప్లెక్స్ ఛైన్లలో 2 లక్షలకు పైగా టికెట్లు అమ్ముడయ్యాయి. అడ్వాన్స్ బుకింగ్స్ ద్వారా వసూళ్లు రూ.10 కోట్ల మార్కును కూడా దాటేశాయి. ఈ ట్రెండ్ చూస్తే బ్రహ్మాస్త్రకు వరల్డ్ వైడ్ తొలి రోజు రూ.25 కోట్లకు తక్కువ కాకుండా వసూళ్లు వచ్చేలా కనిపిస్తోంది. అంటే బాయ్కాట్ బ్యాచ్ అప్పీల్ను జనం ఏమాత్రం పట్టించుకోవట్లేదని.. ఆల్రెడీ బజ్ తక్కువగా ఉన్న సినిమా మీద ఇంకా నెగెటివిటీ పెంచడం తప్పితే.. ప్రేక్షకులు మెచ్చే సినిమాను ఏమీ చేయలేరనడానికి ఇది రుజువు. లైగర్ సినిమా విషయంలో కూడా ఎంత ప్రయత్నించినా విడుదలకు ముందు హైప్ను తగ్గించలేకపోయారు. సినిమా బాలేకపోవడంతోనే దాని గురించి నెగెటివిటీని స్ప్రెడ్ చేయగలిగారన్నది స్పష్టం.
This post was last modified on September 7, 2022 7:08 pm
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…
ఆంధ్రప్రదేశ్లో జనాభా పరంగా అగ్రస్థానంలో ఉండే కాపు కులస్థుల కోసం ఉద్యమించిన నాయకుడిగా వంగవీటి మోహనరంగా తర్వాత ఓ మోస్తరు…
ఎన్నికలు జరగబోతున్నపుడు అనుకోకుండా కొన్ని విషయాలు కీలకంగా మారి అధికార పక్షాలను తీవ్ర ఇబ్బందుల్లోకి నెట్టేస్తుంటాయి. అవి ఎన్నికల ఫలితాలనే…
భారీ నమ్మకంతో రోజుల తరబడి ప్రమోషన్లు చేసిన ఆ ఒక్కటి అడక్కుకి మిక్స్డ్ టాక్ కొనసాగుతోంది. మాములుగా ఇలాంటి సినిమాలకు…