ఈ మధ్య మన హీరోలు వేస్తున్న ప్రభుత్వాధికారుల పాత్రలు అచ్చిరావడం లేదు. అందులోనూ అడ్మినిస్ట్రేషన్ కు సంబంధించిన క్యారెక్టర్లు చేదు ఫలితాలనే ఇచ్చాయి. ఇటీవలే రామారావు ఆన్ డ్యూటీలో డిప్యూటీ కలెక్టర్ కం ఎంఆర్ఓగా రవితేజ ఎన్ని సాహసాలు ఇన్వెస్టిగేషన్లు చేసినప్పటికీ కంటెంట్ వీక్ గా ఉండటం వల్ల జనం మెచ్చలేదు. గత ఏడాది డైరెక్ట్ ఓటిటిలో వచ్చిన టక్ జగదీష్ లో నాని విఆర్ఓగా నటించడం గుర్తుందిగా. అది థియేటర్లకు వచ్చి ఉంటే ఎలాంటి ఫలితాన్ని మూటగట్టుకునేదో ఈజీగా చెప్పొచ్చు.
ఇప్పుడు నితిన్ వంతు వచ్చింది. 12న విడుదల కాబోతున్న మాచర్ల నియోజకవర్గంలో తను కలెక్టర్ గా నటిస్తున్న సంగతి తెలిసిందే. అసలు ఎన్నికలే లేకుండా యునానిమస్ గా గెలుస్తూ ఆధిపత్యం చెలాయిస్తున్న విలన్ కు చెక్ పెట్టే పాత్రలో నితిన్ ని ఊర మాస్ గా చూపించబోతున్నాడు దర్శకుడు ఎంఎస్ రాజశేఖర్ రెడ్డి. రాజకీయాలకు సంబంధించి తన పాత ట్వీట్ల వల్ల చిక్కుల్లో పడ్డ ఈ డెబ్యూ డైరెక్టర్ సినిమాలోనూ ఏవైనా పొలిటికల్ సెటైర్లు పెట్టాడానే ఆసక్తి ప్రేక్షకుల్లో లేకపోలేదు. అది బొమ్మ పడ్డాకే తెలుస్తుంది.
నిన్న వచ్చిన ట్రైలర్ ని ఎంటర్ టైన్మెంట్ ప్లస్ మాస్ యాక్షన్ ఉంటుందనేలా కట్ చేశారు. నితిన్ మాస్ యాంగిల్స్ ని ఎక్కువ రివీల్ చేశారు. ఈ మూడో ఆఫీసరైనా బాక్సాఫీస్ వద్ద గెలవడం చాలా అవసరం. అప్పుడెప్పుడో మోహన్ బాబు కలెక్టర్ గారు లాంటివి కమర్షియల్ గా బాగానే ఆడాయి. ఆ తర్వాత మా ఆవిడ కలెక్టర్, కలెక్టర్ గారి భార్యలాంటివి కొన్ని వచ్చాయి కానీ అవేవీ అంత ఇంపాక్ట్ చూపించలేదు. భీష్మ తర్వాత హిట్టు లేని నితిన్ కు ఈ మాచర్ల నియోజవర్గం మార్కెట్ పరంగా పెద్ద సక్సెస్ కావడం చాలా కీలకం
This post was last modified on July 31, 2022 11:25 am
ఇంకో పధ్నాలుగు రోజుల్లో విడుదల కాబోతున్న రామాయణ పార్ట్ 1 మీద దేశవ్యాప్తంగా అన్ని వర్గాల్లోనూ భారీ అంచనాలు నెలకొన్నాయి.…
స్థానిక ఎన్నిక‌ల సమ‌రంలో ఇప్ప‌టి వ‌ర‌కు జరిగింది 25 శాతం మాత్రమే!. మునిసిపాలిటీలు, మునిసిప‌ల్ కార్పొరే ష‌న్ల‌కు మాత్రమే ఎన్నిక‌ల…
విడాకుల కేసుల‌ను గ‌రిష్ఠంగా ఏడాదిలో ప‌రిష్క‌రించాల‌ని.. సుప్రీంకోర్టు గ‌తంలోనే దేశంలోని హైకోర్టుల‌కు ఆదేశాలు జారీ చేసింది. అంతేకాదు.. విడాకుల కేసులలో…
నిన్న మొన్న‌టి వ‌ర‌కు త‌మ‌కు కంచుకోట‌గా ఉంద‌ని భావించిన పుంగ‌నూరు నియోజ‌క‌వ‌ర్గం ఒక్క‌సారిగా యూట‌ర్న్ తీసుకుంది. మాజీ మంత్రి, వైసీపీ…
సూపర్ స్టార్ కృష్ణ కుటుంబం నుంచి వచ్చిన హీరోల్లో ఆయన తనయుడు మహేష్ బాబు మాత్రమే పెద్ద స్టార్ అయ్యాడు.…
తెలంగాణ‌లో పాల‌పిట్ట‌ల‌ను విక్ర‌యించే వారికి సీపీ స‌జ్జ‌నార్ గ‌ట్టి వార్నింగ్ ఇచ్చారు. పాల‌పిట్ట‌ల‌ను ప‌ట్టుకున్నా.. వాటిని బంధించినా చ‌ర్య‌లు త‌ప్ప‌వ‌ని…