ఇది నిజంగా ఈ రోజుకు క్రేజీయెస్ట్ న్యూసే. సూపర్ స్టార్ మహేష్ బాబు హీరోగా నటించబోయే కొత్త సినిమాలో అతడికి దీటుగా నిలిచే ఓ బలమైన విలన్ కోసం త్రివిక్రమ్ వెతుకుతున్నట్లు కొన్ని రోజుల కిందటే వార్తలు రాగా.. ఇప్పుడా చిత్రంలో నందమూరి తారకరత్న ప్రతినాయకుడి పాత్రకు ఎంపికైనట్లుగా జోరుగా ప్రచారం సాగుతుండటం విశేషం. స్వయంగా తారకరత్ననే ఈ విషయాన్ని ధ్రువీకరించినట్లుగా చెబుతున్నారు.
ట్విట్టర్లో అతడి పేరిట ఉన్న అకౌంట్ నుంచి #ssmb28 అనే హ్యాష్ ట్యాగ్తో ఒక ట్వీట్ పడడమే ఈ ప్రచారానికి కారణం. అది వెరిఫైడ్ హ్యాండిల్ కాకపోయినా.. తారకరత్నదే అంటున్నారు. ఈ న్యూస్ బయటికి వచ్చినప్పటి నుంచి మహేష్ అభిమానుల్లో ఒకరకమైన ఆందోళన కనిపిస్తోంది. అందుక్కారణం తారకరత్న ట్రాక్ రికార్డే.
హీరోగా ఒకేసారి తొమ్మిది చిత్రాల ప్రారంభోత్సవంలో పాల్గొని ‘ఒకడో నంబర్ కుర్రాడు’ సినిమాతో చాలా ఘనంగా అరంగేట్రం చేసిన తారకరత్న.. 20 ఏళ్లలో ఒక్కటంటే ఒక్క సక్సెస్ కూడా అందుకోలేకపోయాడు. ఒక దశ దాటాక అతడి సినిమాలను జనాలు పట్టించుకోవడం మానేశారు. ఏవో చిన్నా చితకా సినిమాలు చేసుకుంటూ బండి లాగిస్తూ వస్తున్నాడు కానీ.. జనాలైతే అతడి గురించి ఆలోచించడం కూడా లేదు. ఇలాంటి దశలో తారకరత్న.. మహేష్ సినిమాలో, అది కూడా విలన్గా చేస్తున్నాడనే వార్త సూపర్ స్టార్ అభిమానులను ఉలిక్కి పడేలా చేసింది. మరి ఈ ప్రచారంలో ఎంత వరకు నిజం ఉందో చూడాలి.
హీరోగా, క్యారెక్టర్ ఆర్టిస్టుగా, విలన్గా తారకరత్న సక్సెస్ అందుకోని మాట వాస్తవమే అయినా.. అతను ఉత్తమ విలన్గా ‘అమరావతి’ చిత్రానికి నంది అవార్డు అందుకోవడం గమనార్హం. ఆ చిత్రంలో తారకరత్న బాగానే నటించాడు. ‘రాజా చెయ్యి వేస్తే’ సినిమాలో కూడా అతడి నటన పర్వాలేదనే అనిపిస్తుంది. ఒక నటుడి నుంచి బెస్ట్ పెర్ఫామెన్స్ రాబట్టుకోవడం దర్శకుడి చేతిలోనే ఉంటుంది. ‘అమరావతి’ సినిమాలో రవిబాబు.. తారకరత్న నుంచి ది బెస్ట్ తీసుకున్నాడు. మరి మహేష్ సినిమాలో తారకరత్న నటించడం నిజమే అయితే.. త్రివిక్రమ్ కూడా అతడి నుంచి ఉత్తమ నటన రాబట్టుకుంటాడనే ఆశిద్దాం.
This post was last modified on May 28, 2022 4:32 pm
నాని ది ప్యారడైజ్ షూటింగ్ చివరి ఘట్టానికి వచ్చేసింది. ఇంకో వారం పది రోజుల్లో గుమ్మడికాయ కొట్టేలా ఉన్నారు. కీర్తి…
దేశవ్యాప్తంగా ప్రస్తుతం ఉన్న పరిణామాలను గమనిస్తే.. ఉత్తరాది రాష్ట్రాల్లో ప్రధాన మంత్రి నరేంద్ర మోడీ ఇమేజ్కు యువత పెద్ద ఎత్తున…
సూపర్ స్టార్ కృష్ణ మనవడు జయకృష్ణ డెబ్యూ ఫలితం తేలిపోయింది. కుర్రాడి నటనకు కాసిన్ని ప్రశంసలు దక్కినప్పటికీ కంటెంట్ పరంగా…
త్వరలోనే ఏపీలో స్థానిక సంస్థల ఎన్నికలకు తెరదీయనున్నారు. సెప్టెంబరు-అక్టోబరు మధ్య మునిసిపాలిటీ… నవంబరు-డిసెంబరు మధ్య కార్పోరేషన్లు, జనవరిలో పంచాయతీ ఎన్నికలు…
శ్రీలంకతో జరగబోయే రెండు టెస్టుల సిరీస్ నుంచి బుమ్రా గాయం కారణంగా తప్పుకున్నాడు. అయితే అతని స్థానంలో సీనియర్ బౌలర్…
ప్రధాని నరేంద్ర మోదీ వీడియోను ఫేస్బుక్ నుంచి తొలగించిన వ్యవహారంపై కేంద్ర ప్రభుత్వం స్పందించింది. సోషల్ మీడియా దిగ్గజం మెటా…