Movie News

చిరు-మహేష్ ఫ్యాన్స్.. ఇది తగునా?

టాలీవుడ్లో ఫ్యాన్ వార్స్ రోజు రోజుకూ శ్రుతి మించిపోతున్నాయి. వాటి వల్ల ఎవరికీ ఏ నష్టం లేనపుడు సోషల్ మీడియాలో పడి ఎలా కొట్టుకున్నా ఓకే. కానీ ఈ వార్స్ వల్ల సినిమాలు దారుణంగా దెబ్బ తింటున్న విషయం స్పష్టంగా తెలుస్తోంది.

ఒక సినిమాకు యుఎస్‌లో ప్రిమియర్ మొదలు కావడం ఆలస్యం.. అదే పనిగా నెగెటివ్ టాక్ స్ప్రెడ్ చేయడానికి బ్యాచ్‌లు బ్యాచ్‌లుగా దిగిపోతున్నారు. సినిమా రిలీజ్ కంటే ముందే ఇంటర్నెల్ టాక్ పేరుతో నెగెటివ్ టాక్ మొదలైపోతోంది. బుకింగ్స్ విషయంలోనూ ట్రోలింగ్ ఓ రేంజిలో చేస్తున్నారు. ఇక రిలీజ్ తర్వాత టాక్ కొంచెం అటు ఇటుగా ఉంటే ఇక అంతే సంగతులు.

పర్వాలేదు అనుకునే సినిమాలను కూడా డిజాస్టర్ అంటూ విపరీతంగా నెగెటివ్ ప్రచారాలు చేస్తున్నారు. ఒక పెద్ద హీరో సినిమా రిలీజైతే.. వేరే హీరోల అభిమానులందరూ ఒక్కటైపోతున్నారు. ఈ టైంలో ఒక్కటయ్యే అభిమానులు.. వారి వారి హీరోల సినిమాలు రిలీజైనపుడు వేరే వైపు టర్న్ తీసుకుంటున్నారు.

‘ఆచార్య’ సినిమా రిలీజైనపుడు నాన్-మెగా హీరోల అభిమానులంతా కలిసి నెగెటివ్ టాక్ స్ప్రెడ్ చేయగా.. ఇప్పుడు మహేష్ సినిమా ‘సర్కారు వారి పాట’ రిలీజైతే మెగా అభిమానులు లీడ్ తీసుకోగా నందమూరి, ఇతర హీరోల అభిమానులు వారికి తోడయ్యారు. ఇక్కడ ఎవరికి ఎవరూ మిత్రులు కాదన్నది స్పష్టం. కానీ హీరోల పరంగా చూస్తే వారిలో వారికి ఎలాంటి గొడవలూ లేవు.

ముఖ్యంగా చిరు, మహేష్‌ల బంధం ఎలాంటిది.. ఒకరి గురించి ఒకరు ఎంత గొప్పగా మాట్లాడతారు అనే విషయం మరిచిపోతున్నారు అభిమానులు. ‘సరిలేరు నీకెవ్వరు’ ప్రి రిలీజ్ ఈవెంట్‌కు వచ్చిన చిరంజీవి.. మహేష్ గురించి ఎంత బాగా మాట్లాడాడో గుర్తుండే ఉంటుంది. ఆ తర్వాత కూడా వేరే సందర్భాల్లో మహేష్‌ను కొనియాడాడు చిరు.

మహేష్ తన కొడుకు లాంటి వాడని కూడా ఆయనన్నారు. ఇక చిరంజీవి గురించి మహేష్ ఎప్పుడూ ఒక రేంజిలో చెబుతుంటాడు. తాను పెద్ద స్టార్ అయ్యాక కూడా టాలీవుడ్లో ఒకటి నుంచి పది స్థానాలు చిరంజీవివే అని మహేష్ చేసిన కామెంట్ అప్పట్లో సెన్సేషన్ అయింది. ఇప్పుడైనా చిరు గురించి మహేష్ గొప్పగానే మాట్లాడతాడు.

చిరు మీద అభిమానంతో ‘ఆచార్య’కు మహేష్ వాయిస్ ఓవర్ ఇచ్చిన సంగతి గమనార్హం. అలాంటిది ఆ సినిమాకు నెగెటివ్ స్ప్రెడ్ చేసిన వాళ్లలో మహేష్ అభిమానులు ఉన్నారన్నది మెగా అభిమానుల నమ్మకం. అందుకే ఇప్పుడు వాళ్లు రివర్స్ ఎటాక్ చేస్తున్నారు. కానీ ఎవ్వరూ కూడా తమ హీరోల మధ్య ఉన్న స్నేహాన్ని, ఒకరిపై ఒకరు చూపించే ప్రేమను గుర్తు చేసుకోవట్లేదు.

This post was last modified on May 15, 2022 11:04 am

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

56 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

3 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

13 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago