‘బాహుబలి’తో పోలిస్తే కంటెంట్ పరంగా ‘ఆర్ఆర్ఆర్’ వీక్ అనే చెప్పాలి. రాజమౌళి సినిమాలో చాలా కాలం తర్వాత చాలా లోపాలు వెతుకుతున్నది ఈ చిత్రానికే. ఓ వర్గం ప్రేక్షకులకు ఈ సినిమా నచ్చలేదు కూడా. ఐతేనేం బాక్సాఫీస్ దగ్గర ‘ఆర్ఆర్ఆర్’ ప్రభంజనమే సృష్ణిస్తోంది. ‘బాహుబలి-2’ రికార్డులను కూడా బద్దలు కొడుతూ ముందుకు దూసుకెళ్తోంది. రెండో వీకెండ్ అయ్యేసరికి ఈ చిత్రం వరల్డ్ వైడ్ దాదాపు రూ.900 కోట్ల కలెక్షన్లు రాబట్టడం విశేషం.
రెండో శనివారం ఉగాది సెలవు కావడం, తర్వాతి రోజు ఆదివారం కావడంతో ఈ రెండు రోజుల్లో తొలి వీకెండ్కు దీటుగా కలెక్షన్లు రాబట్టింది ‘ఆర్ఆర్ఆర్’. రెండో వారంలో ఈ దూకుడేంటి బాబోయ్ అని అందరూ తలలు పట్టుకున్నారు. టికెట్ల కోసం విపరీతమైన డిమాండ్ నెలకొంది ఈ రెండు రోజుల్లో. ఐతే వారాంతం అయ్యాక ‘ఆర్ఆర్ఆర్’ చల్లబడిపోతుందని అనుకున్నారు.
కానీ అలా ఏమీ జరగలేదు. అందుక్కారణం దిగి వచ్చిన టికెట్ల ధరలు.సోమవారం రెండు తెలుగు రాష్ట్రాల్లో మంచి ఆక్యుపెన్సీతోనే నడిచింది ‘ఆర్ఆర్ఆర్’. వీకెండ్తో పోలిస్తే కలెక్షన్లు తగ్గాయి కానీ.. డ్రాప్ మరీ ఎక్కువేమీ లేదు. ‘ఆర్ఆర్ఆర్’కు తొలి మూడు రోజులు భారీగా ఉన్న టికెట్ల ధరలను.. వీకెండ్ తర్వాత కొంత మేర తగ్గించారు. ఇప్పుడు రెండో వీకెండ్ అయ్యాక మరింతగా రేట్లు తగ్గాయి. సాధారణంగా వేరే సినిమాలకు ఏ స్థాయిలో ఉంటాయో ఈ చిత్రానికి కూడా అవే ధరలతో టికెట్లు అమ్ముతున్నారు.
దీంతో రేట్లు ఎక్కువ అని సినిమాకు దూరంగా ఉన్న ప్రేక్షకులు, ముఖ్యంగా ఫ్యామిలీ ఆడియన్స్ ఇప్పుడు థియేటర్లకు కదులుతున్నారు. రెండోసారి సినిమా చూడాలనుకున్న వాళ్లకు కూడా ఇప్పుడు పరిస్థితులు అనుకూలంగా ఉన్నాయి. దీని వల్లే ‘ఆర్ఆర్ఆర్’ ఆక్యుపెన్సీ పడిపోలేదు. చూస్తుంటే మూడో వీకెండ్ అయ్యే వరకు ‘ఆర్ఆర్ఆర్’ జోరు కొనసాగేలాగే కనిపిస్తోంది. వచ్చే వారం ‘బీస్ట్’, ‘కేజీఎఫ్-2’ సినిమాలు వచ్చాక కానీ ‘ఆర్ఆర్ఆర్’ థియేట్రికల్ రన్ ముగియకపోవచ్చు.
This post was last modified on April 5, 2022 8:15 pm
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…