హర్షవర్ధన్ మంచి నటుడని అందరికీ తెలుసు. ఐతే అతడి ప్రతిభకు తగ్గ పాత్రలే పడకపోవడంతో నటుడిగా ఒక స్థాయికి మించి ఎదగలేకపోయాడు. కానీ అవకాశం వచ్చినపుడల్లా తనేంటో రుజువు చేసుకుంటూనే ఉన్నాడు. ఐతే హర్షలో మంచి రచయిత కూడా ఉన్న సంగతి చాలా ఆలస్యంగా ప్రపంచానికి తెలిసింది. ఇష్క్, గుండెజారి గల్లంతయ్యిందే లాంటి సినిమాల్లో అతను తన పెన్ పవర్ చూపించాడు. రచయితగా ప్రయాణం మొదలుపెట్టిన ప్రతి వ్యక్తికీ గమ్యం దర్శకత్వమే.
హర్షకు కూడా ఆ కల ఉంది. అతడికి ఇప్పటికే దర్శకుడిగా ఓ అవకాశం కూడా వచ్చింది. ‘గుడ్ బ్యాడ్ అగ్లీ’ పేరుతో చాలా ఏళ్ల కిందటే ఓ సినిమా మొదలుపెట్టాడు. పూర్తి చేశాడు. కృష్ణచైతన్య, శ్రీముఖి, హర్ష ఇందులో కీలక పాత్రలు పోషించాడు. దాని పాటలు, ఇతర ప్రోమోలు ఆసక్తికరంగానే అనిపించాయి. కానీ ఎందుకో ఈ చిత్రం విడుదలకే నోచుకోకుండా ఆగిపోయింది. ‘గూగ్లీ’ అంటూ పేరు మార్చినా సినిమా రాత మారలేదు.
దర్శకుడిగా తొలి సినిమాకు ఇలా జరిగాక కెరీర్ పుంజుకోవడం కష్టమే. కానీ కొన్నేళ్ల పాటు హర్ష చేసిన ప్రయత్నాలు ఫలించి ఇప్పుడు అతడికో మంచి అవకాశం దక్కింది. గత కొన్నేళ్లలో మంచి నటుడిగా గుర్తింపు సంపాదించిన సుధీర్ బాబుతో హర్షవర్ధన్ ఓ సినిమా చేయబోతున్నాడు. కొన్ని నెలల ముందే దీని గురించి అప్డేట్ వచ్చింది.
ఇప్పుడా సినిమా పట్టాలెక్కింది కూడా. ‘లవ్ స్టోరి’తో నిర్మాణ రంగంలోకి అడుగు పెట్టి వరుసగా చిత్రాలు నిర్మిస్తున్న ఏషియన్ సునీల్ నారంగ్ ఈ సినిమాను ప్రొడ్యూస్ చేస్తుండటం విశేషం. ఈ కాంబినేషన్ చూస్తే హర్షకు కచ్చితంగా మంచి అవకాశం దక్కినట్లే. దీన్ని అతనే మాత్రం ఉపయోగించుకుంటున్నాడన్నదే ప్రశ్న. రచయితగా అతను సత్తా చాటుకున్నది క్లాస్ లవ్ స్టోరీలతోనే. ప్రేమకథలను బాగా డీల్ చేయగలడని, వినోదం పండించగలడని రుజువైంది. సుధీర్ కూడా ఈ టైపు సినిమాలకు బాగా సూటవుతాడు. మరి హర్ష అతడితో ఎలాంటి సినిమాను డెలివర్ చేస్తాడో చూడాలి.
This post was last modified on December 21, 2021 1:34 pm
మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…