మెగాస్టార్ చిరంజీవి వెండితెర దర్శనం కోసం అభిమానులు చాలా కాలం నుంచి ఎదురు చూస్తున్నారు. సైరా తర్వాత చిరంజీవి సినిమా రిలీజై రెండేళ్లు దాటిపోయింది. ఆచార్య గత ఏడాదే విడుదల కావాల్సింది కానీ.. కరోనా పుణ్యమా అని వాయిదాల మీద వాయిదాలు పడి ఇప్పటికీ ప్రేక్షకుల ముందుకు రాలేదు.
దసరా అన్నారు.. దీపావళి.. క్రిస్మస్.. సంక్రాంతి అని ఊరించి ఊరించి చివరికి తీసుకెళ్లి ఈ చిత్రాన్ని ఫిబ్రవరి 4కు షెడ్యూల్ చేశారు. ఐతే ఈ డేట్ విషయంలో ముందు నుంచి అభిమానులు అసంతృప్తితో ఉన్నారు. తాజాగా సినిమాలో రామ్ చరణ్ చేసిన సిద్ధ పాత్రకు సంబంధించిన టీజర్ చూశాక అభిమానుల అసంతృప్తి ఇంకా పెరిగిపోతోంది. చివర్లో పులి, దాని పిల్లను చూపించి.. ఆ తర్వాత చిరు, చరణ్లను చూశాక వారి ఎగ్జైట్మెంట్ మామూలుగా లేదు.
సినిమా మీద ఉన్న అంచనాలను మరింత పెంచేలా, మెగా అభిమానులకు పూనకాలు తెప్పించేలా ఉందా షాట్. థియేటర్లలో కచ్చితంగా ఒక సెలబ్రేషన్ తీసుకొచ్చే మూవీలా కనిపిస్తోంది ఆచార్య. ఐతే ఇలాంటి సినిమాను అన్ సీజన్ అయిన ఫిబ్రవరిలో రిలీజ్ చేయడమే అభిమానులకు నచ్చట్లేదు. సంక్రాంతి కుదరకపోతే వేసవికి వెళ్లాల్సింది. లేదా క్రిస్మస్ బరిలో సినిమాను నిలపాల్సింది. ఆచార్య షూటింగ్ ఎప్పుడో అయిపోయిందన్నారు.
నెలల తరబడి పోస్ట్ ప్రొడక్షన్ చేయడానికి ఇదేమీ బాహుబలి, ఆర్ఆర్ఆర్, సైరా టైపు సినిమా కాదు. సాధ్యమైనంత త్వరగా ఆ పని కానిచ్చి పుష్ప వచ్చిన వారం తర్వాత క్రిస్మస్ రేసులో నిలిపితే సంక్రాంతి వరకు ఆచార్య సందడి చేసేదేమో. సంక్రాంతికి ఖాళీ లేదనుకుంటే.. సమ్మర్ సీజన్ ఆరంభంలో, అంటే మార్చి ద్వితీయార్ధంలో సినిమాను విడుదల చేయాల్సిందేమో. ఎటూ కాకుండా యూత్ అంతా చదువుల్లో బిజీగా ఉండే టైంలో, అన్ సీజన్లో సినిమాను రిలీజ్ చేయడమేంటనే అసంతృప్తి అభిమానుల నుంచి వ్యక్తమవుతోంది.
This post was last modified on November 28, 2021 8:10 pm
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…