భీమ్లా నాయక్ సంక్రాంతి రిలీజ్ విషయంలో అనుమానాలు పెట్టుకోవాల్సిన పనేమీ లేనట్లే. దిల్ రాజు అండ్ కో రంగంలోకి దిగినా చిత్ర బృందం తమ నిర్ణయాన్ని మార్చుకున్నట్లుగా కనిపించడం లేదు. జనవరి 12న రిలీజ్ పక్కా అని నొక్కి వక్కాణిస్తున్నారు సోషల్ మీడియాలో. ఎవరు ఎంత ఒత్తిడి తెచ్చినా నిర్ణయం మార్చుకోకూడదని భీమ్లా నాయక్ టీం ముందే నిర్ణయించుకోవడంతో ఆ చిత్రం సంక్రాంతి పోరుకు రెడీ అయిపోయింది.
ఆర్ఆర్ఆర్ విడుదలైన ఐదు రోజులకు, రాధేశ్యామ్ రావడానికి రెండు రోజుల ముందు.. అంటే జనవరి 12నే భీమ్లా నాయక్ థియేటర్లలోకి దిగనుంది. ఇందుకోసం థియేటర్ల బుకింగ్స్ కూడా దాదాపు పూర్తయినట్లు తెలుస్తోంది. ఈ చిత్రానికి సురేష్ ప్రొడక్షన్స్ నుంచి థియేటర్ల విషయంలో మంచి అండ లభిస్తున్నట్లు సమాచారం. ఇదిలా ఉంటే ఇంత పోటీలో వస్తున్నప్పటికీ.. భీమ్లా నాయక్కు బిజినెస్ బాగానే జరుగుతోందట.
రూ.95 కోట్ల దాకా భీమ్లా నాయక్ థియేట్రికల్ హక్కులు పలికినట్లు సమాచారం. నిజానికి ఈ సినిమాకు ఉన్న క్రేజ్ ప్రకారం చూస్తే థియేట్రికల్ బిజినెస్ ఈజీగా రూ.100 కోట్లు దాటిపోవాలి. కానీ ఆర్ఆర్ఆర్, రాధేశ్యామ్లతో పోటీ, పైగా థియేటర్లు తగ్గిపోతుండటం.. దీనికి తోడు ఏపీలో టికెట్ల రేట్ల విషయంలో సందిగ్ధత.. ఈ కారణాల వల్ల బిజినెస్ మీద ప్రభావం పడింది.
ఇన్ని ప్రతికూలతల మధ్య భీమ్లా నాయక్ రూ.90-95 కోట్ల మధ్య బిజినెస్ చేసిందంటే గొప్ప విషయమే అని చెప్పాలి. ఇందులో నైజాం హక్కులే రూ.40 కోట్ల దాకా పలికినట్లు తెలుస్తోంది. ఆంధ్రా, రాయలసీమలో రేట్లు కొంచెం తగ్గి రూ.60 కోట్లకు పైచిలుకు రేటు వచ్చింది. మామూలుగా చూస్తే రికవరీ ఈజీనే అనిపిస్తున్నప్పటికీ.. ఆర్ఆర్ఆర్ ఏ స్థాయిలో ప్రభంజనం సృష్టిస్తుందన్నదాన్ని బట్టి భీమ్లా నాయక్ బయ్యర్లు సేఫ్ జోన్లోకి రావడం, లాభాల బాట పట్టడం ఆధారపడి ఉంటుంది.
This post was last modified on November 22, 2021 9:57 am
ఇవాళ విడుదలవుతున్న సినిమాల్లో బాక్ అరణ్మయి 4 ఒకటి. మాములు తమిళ డబ్బింగ్ మూవీ అయితే ప్రత్యేకంగా చెప్పుకోనవసరం లేదు…
ఏపీలో సార్వత్రిక ఎన్నికలు అంటే..అసెంబ్లీ+పార్లమెంటు ఎన్నికలు ఈ నెల 13న జరగనున్నాయి. అయితే.. రాష్ట్రంలోని 175 అసెంబ్లీ నియోజకవర్గాల్లో కొన్ని…
మాములుగా ఒక వెబ్ సిరీస్ గురించి సినిమా ప్రేక్షకులు ఎదురు చూడటం తక్కువ. కానీ హీరామండి ఈ విషయంలో తన…
ఇవాళ హరిహర వీరమల్లు కొత్త టీజర్ రిలీజ్ చేసి ఇకపై దర్శకత్వ బాధ్యతలు జ్యోతికృష్ణ చూసుకుంటాడని అధికారికంగా ప్రకటించడం అభిమానుల్లో…
టీడీపీ అధినేత చంద్రబాబు ప్రస్తుతం రాష్ట్ర వ్యాప్తంగా పర్యటిస్తున్నారు. సార్వత్రిక ఎన్నికల నేపథ్యంలో ఆయన విస్తృతంగా ప్రచారం చేస్తున్నారు. అటు…
బండ్ల గణేష్ ఆలియాస్ బ్లేడ్ గణేష్. నిజమే ఈ కమేడియన్ పేరు వింటే మొదటగా గుర్తొచ్చేది 7 ఓ క్లాక్…