నందమూరి బాలకృష్ణ-బోయపాటి శ్రీనుల కాంబినేషన్ అంటే చాలు అభిమమానులకు పూనకాలు వచ్చేస్తాయి. బాలయ్య కెరీర్ స్లంప్లో ఉన్న టైంలో వీరి కలయికలో వచ్చిన తొలి చిత్రం సింహా అప్పట్లో పెద్ద బ్లాక్బస్టర్ అయింది. ఆ తర్వాత కొన్నేళ్లకు మళ్లీ ఈ ఇద్దరూ కలిసి చేసిన లెజెండ్ సైతం అదే స్థాయిలో విజయవంతం అయ్యింది. ఈ జోడీ ఇప్పుడు అఖండతో ప్రేక్షకుల ముందుకు వస్తోంది.
ఈ సినిమా ట్రైలర్, రిలీజ్ డేట్ కోసం అభిమానుల ఎదురుచూపులు ఎట్టకేలకు ఫలించాయి. ఆదివారం రాత్రి అఖండ ట్రైలర్ లాంచ్ అయింది. ఇందులోనే రిలీజ్ డేట్ కూడా ప్రకటించారు. అనుకున్నట్లే డిసెంబరు 2న సినిమా థియేటర్లలోకి దిగబోతోంది. ఏ సినిమాకైనా ట్రైలర్ చూస్తే దాని కథేంటో అర్థమైపోతుంది. అఖండ కూడా అందుకు మినహాయింపు కాదు.
అఖండ సైతం బాలయ్య-బోయపాటి కాంబినేషన్లో వచ్చిన గత రెండు చిత్రాల లైన్లోనే సాగబోతోందని అర్థమవుతోంది. వాటిలో, ఇందులో బాలయ్య ద్విపాత్రాభినయమే చేశాడు. ముందు వచ్చిన రెండు సినిమాలను గమనిస్తే.. ఒక ప్రాంతంలో విలన్ల అరాచకాలు అడ్డూ అదుపూ లేకుండా సాగిపోతుండటం.. అవి పతాక స్థాయికి చేరిన సమయానికి ఒక సేవియర్ లాగా రెండో బాలయ్య రంగంలోకి దిగడం.. ఈ లైన్ కనిపిస్తుంది.
అఖండ సైతం సరిగ్గా ఇదే లైన్లో నడిచేలా కనిపిస్తోంది. సింహా, లెజెండ్ చిత్రాల్లో ముందు కనిపించే యంగ్ బాలయ్య మామూలుగా ఉంటాడు. రెండో బాలయ్య గెటప్ డిఫరెంట్గా ఉంటుంది. అఖండలోనూ అంతే. కాకపోతే గత రెండు చిత్రాలతో పోలిస్తే ఈ పాత్ర, దాని గెటప్ మరింత డిఫరెంట్గా, వైబ్రంట్గా ఉండేలా చూసుకున్నాడు బోయపాటి. ఐతే రొటీన్ మాస్ అనిపిస్తున్నప్పటికీ.. అభిమానులకు, మాస్కు గూస్ బంప్స్ ఇచ్చే మూమెంట్స్, ఎలివేషన్లు, డైలాగులు, గ్రాండియర్కు మాత్రం అఖండలో లోటు లేనట్లే ఉంది. కాబట్టి ఈ సినిమా బాక్సాఫీస్ను షేక్ చేసేలాగే కనిపిస్తోంది.
This post was last modified on November 15, 2021 7:31 am
సినీ పరిశ్రమలో కాస్టింగ్ కౌచ్ లేదు అని చెప్పలేమని సీనియర్ దర్శక నిర్మాత తమ్మారెడ్డి భరద్వాజ స్పష్టం చేశారు. ఇటీవల…
బరామతి విమాన ప్రమాదంలో దుర్మరణం చెందిన మహారాష్ట్ర డిప్యూటీ ముఖ్యమంత్రి అజిత్ పవార్ స్థానాన్ని ఇప్పుడు ఆయన భార్య సునేత్ర…
తన సొంత నియోజకవర్గం కుప్పాన్ని ప్రయోగశాలగా మార్చనున్నట్టు సీఎం చంద్రబాబు తెలిపారు. తాజాగా శుక్రవారం రాత్రి తన నియోజకవర్గానికి వచ్చిన…
ఫోన్ ట్యాపింగ్ కేసు విచారణ విషయంలో తెలంగాణ మాజీ ముఖ్యమంత్రి కేసీఆర్ పంతం నెగ్గలేదు. తనను ఎర్రవెల్లిలోని తన ఫామ్…
రామ్ చరణ్ కొత్త సినిమా ‘పెద్ది’కి సెట్స్ మీదికి వెళ్లే సమయంలో రిలీజ్ డేట్ ఖరారు చేశారు. ఈ ఏడాది…
వీణవంకలో సమ్మక్క-సారలమ్మ జాతరలో మొక్కులు చెల్లించుకునేందుకు బీఆర్ఎస్ ఎమ్మెల్యే పాడి కౌశిక్ రెడ్డి తన కుటుంబ సభ్యులు, మహిళా సర్పంచ్…