షాకింగ్ : కన్నడ స్టార్ హీరో పరిస్థితి విషమం

కన్నడ ఫిల్మ్ ఇండస్ట్రీలో స్టార్ హీరోగా ఎదిగారు పునీత్ రాజ్ కుమార్. అక్కడ అభిమానులు ఆయన్ను ముద్దుగా పవర్ స్టార్ అని పిలుచుకుంటారు. ఫిజికల్ గా ఎంతో ఫిట్ గా ఉండే ఈ స్టార్ హీరో హార్ట్ ఎటాక్ తో హాస్పిటల్ లో జాయిన్ అవ్వడం అభిమానులను షాక్ కు గురిచేసింది. అందుతున్న సమాచారం ప్రకారం.. పునీత్ రాజ్ కుమార్ జిమ్ చేస్తుండగా.. మైల్డ్ హార్ట్ ఎటాక్ వచ్చిందట. వెంటనే ఆయన్ను బెంగుళూరులోని విక్రమ్ హాస్పిటల్ కి తరలించారు.

ప్రస్తుతం ఆయన పరిస్థితి విషమంగానే ఉందని వార్తలు వస్తున్నాయి. ఈ విషయం తెలుసుకున్న సెలబ్రిటీలు, ఫ్యాన్స్ సోషల్ మీడియా వేదికగా స్పందిస్తున్నారు. పునీత్ హెల్త్ స్టేటస్ పై అప్డేట్ ఇవ్వమంటూ రిక్వెస్ట్ చేస్తున్నారు. ప్రస్తుతం ఆయన్ను ఐసీయూలో ఉంచి ట్రీట్మెంట్ అందిస్తున్నట్లు తెలుస్తోంది. హాస్పిటల్ లో పునీత్ ఫ్యామిలీతో పాటు హీరో యష్, నటి శృతి, ముఖ్యమంత్రి బసవరాజ్ బొమ్మై ఉన్నట్లు సమాచారం.

ఇక సినిమాల విషయానికొస్తే.. పునీత్ చివరిగా సంతోష్ ఆనంద్రమ్ డైరెక్ట్ చేసిన ‘యువరత్న’ సినిమాలో కనిపించారు. ఏప్రిల్ 1న ఈ సినిమా విడుదలైంది. ప్రస్తుతం పునీత్.. ‘జేమ్స్’, ‘ద్విత్వ’ వంటి సినిమాల్లో నటిస్తున్నారు.