ర‌జినీ సినిమా.. ఎట్ట‌కేల‌కు ఖాయ‌మైంది

సూప‌ర్ స్టార్ ర‌జినీకాంత్‌కు తెలుగులో క్రేజ్‌, ఫాలోయింగ్, మార్కెట్ త‌క్కువేమీ కాదు. ఇక్క‌డి స్టార్ల సినిమాల‌కు దీటుగా క్రేజ్ ఉండేది ర‌జినీ సినిమాల‌కు ఒక‌ప్పుడు. కానీ వ‌రుస‌గా పేల‌వ‌మైన సినిమాలు చేసి ఆ క్రేజ్‌ను చేజేతులా దెబ్బ తీసుకున్నాడు ర‌జినీ. తెలుగులో త‌న సినిమాల ప్ర‌మోష‌న్, మార్కెటింగ్ మీద స‌రిగా దృష్టిసారించ‌క‌పోవ‌డం కూడా ఆయ‌న క్రేజ్ కోల్పోవ‌డానికి కార‌ణం.

ర‌జినీ కొత్త చిత్రం అన్నాత్తె విషయంలోనూ ఇదే అల‌స‌త్వం కనిపించింది. దీపావ‌ళికి విడుద‌ల పెట్టుకుని ఇప్ప‌టిదాకా తెలుగు టైటిల్ ప్ర‌క‌టించ‌లేదు. ఏ ర‌క‌మైన ప్ర‌మోష‌న్ లేదు. అస‌లు ఈ చిత్రం న‌వంబ‌రు 4న తెలుగులో రిలీజ‌వుతుందో లేదో అన్న అనుమానాలు క‌లిగాయి. ఐతే ఆ సందేహాల‌కు తెర‌దించుతూ తెలుగు రిలీజ్ గురించి క్లారిటీ ఇచ్చేశారు. ఈ సినిమా తెలుగు హక్కుల అమ్మ‌కం పూర్త‌యింది.

ల‌వ్ స్టోరి సినిమాతో నిర్మాణంలోకి అడుగు పెట్టి.. ఆ త‌ర్వాత వ‌రుసబెట్టి ప్రాజెక్టులు అనౌన్స్ చేస్తున్న శ్రీ వెంక‌టేశ్వ‌ర ఎల్ ఎల్ పీ సంస్థ అన్నాత్తె చిత్రాన్ని తెలుగులో అందించ‌నుంది. దీని అధినేత సునీల్ నారంగ్ అన్నాత్తె తెలుగు హ‌క్కుల‌ను సొంతం చేసుకున్నారు. రూ.12 కోట్ల‌కు డీల్ తెగిన‌ట్లు చెబుతున్నారు. త‌మిళంతో పాటే తెలుగులోనూ ఒకేసారి ఈ చిత్రం విడుద‌ల కానుంది.

ఐతే విడుద‌ల‌కు 20 రోజులు మాత్ర‌మే స‌మ‌యం ఉండ‌గా డీల్ జ‌రిగిన నేప‌థ్యంలో ఇక డ‌బ్బింగ్ ప‌నులు చ‌క‌చ‌కా అవ‌గొట్టి.. ప్ర‌మోష‌న్లు జోరుగా చేసి సినిమాను కొంచెం పెద్ద స్థాయిలో రిలీజ్ చేయాల‌నుకుంటున్నారు. సునీల్ చేతిలో పెద్ద ఎత్తున‌ థియేట‌ర్లు ఉన్న నేప‌థ్యంలో సినిమా మంచి రేంజ్‌లోనే రిలీజ‌వుతుంద‌న‌డంలో సందేహం లేదు. మ‌రి ఈ చిత్రానికి తెలుగులో ఏ టైటిల్ ఖ‌రారు చేస్తార‌న్న‌ది ఆస‌క్తిక‌రం. త‌మిళ టైటిల్ అర్థ‌మే వ‌చ్చేలా అన్న‌య్య అని చిరంజీవి టైటిల్‌ను వాడేస్తారేమో చూడాలి.