రాజమౌళి సినిమా అంటే తెలుగువారికే కాదు.. మన దేశంలోని ప్రతి ప్రేక్షకుడికీ ఆసక్తే. పైగా రామ్ చరణ్, ఎన్టీఆర్ లాంటి ఇద్దరు స్టార్ హీరోలతో సినిమా ప్లాన్ చేశాడు. అందుకే ‘ఆర్ఆర్ఆర్’ కోసం అందరూ క్యూరియస్గా ఎదురు చూస్తున్నారు. భారీ చిత్రాలన్నీ థియేటర్ల దగ్గర ఖర్చీఫులు వేస్తున్నా, జక్కన్న మాత్రం ఉలకకుండా పలకకుండా ఉన్నాడేంటబ్బా అని కూడా అనుకున్నారు. ఎట్టకేలకి ‘ఆర్ఆర్ఆర్’ రిలీజ్కి రాజమౌళి ముహూర్తం పెట్టాడు. మిగతా దర్శక నిర్మాతలందరికీ పెద్ద షాక్ ఇచ్చాడు.
వచ్చే జనవరి 7న తన సినిమాని రిలీజ్ చేస్తున్నట్లు రాజమౌళి ప్రకటించాడు. దాంతో ఒక్కసారిగా ఇండస్ట్రీలో గందరగోళం మొదలైంది. ఇప్పటికే సంక్రాంతి సీజన్లో రావడానికి సర్కారువారి పాట, భీమ్లానాయక్, రాధేశ్యామ్ చిత్రాలు రెడీగా ఉన్నాయి. సరిగ్గా వారం ముందు ‘ఆర్ఆర్ఆర్’ రాబోతోంది. అంటే ఈ సినిమాలు వచ్చేసరికి థియటర్స్ అన్నింటినీ జక్కన్న సినిమా ఆక్యుపై చేసి ఉంటుంది. మరి ఈ సినిమాల పరిస్థితి ఏంటి! అయినా సందు చూసుకుని వచ్చినా.. పోటీ మామూలుగా ఉండదు. ఇప్పటికే మహేష్, పవన్, ప్రభాస్ల సినిమాలు ఒకేసారి వస్తే ఎలా అని ఆలోచిస్తున్నవారిని మరింత కన్ఫ్యూజన్లో పడేసింది ‘ఆర్ఆర్ఆర్’ రిలీజ్ డేట్.
మరోవైపు ఆలియా భట్కి కూడా ఇది షాకే. బాలీవుడ్ మోస్ట్ అవైటెడ్ మూవీస్లో ఆమె నటించిన ‘గంగూబాయ్ కథియావాడి’ ఒకటి. ఎన్నో ఆటంకాలను ఎదుర్కొని ఎట్టకేలకు జనవరి 6న రావడానికి రెడీ అయ్యిందీ సినిమా. ఆ తర్వాతి రోజే ‘ఆర్ఆర్ఆర్’ వస్తే ఆమె సినిమాలే ఒకదానితో ఒకటి పోటీపడే పరిస్థితి. బాలీవుడ్ కదా, ఆలియాకే డిమాండ్ ఉంటుంది అనుకోడానికి లేదు. ఎందుకంటే అది రాజమౌళి సినిమా. ఇప్పటికే బాలీవుడ్లో ఆయన సినిమాకి చాలా ఫాలోయింగ్ ఉంది. కాబట్టి ‘గంగూబాయ్’కి గట్టి పోటీనే ఉంటుంది.
ఇంకో ఇంటరెస్టింగ్ విషయం ఏమిటంటే.. ఆర్ఆర్ఆర్, గంగూబాయి, ఈ రెండు చిత్రాలనూ పెన్ స్టూడియోస్ సంస్థే రిలీజ్ చేస్తోంది. అదీ ప్యాన్ ఇండియా స్థాయిలో. మొత్తానికి రాజమౌళి తీసుకున్న ఒక్క నిర్ణయం బాక్సాఫీస్ దగ్గర పెద్ద యుద్ధానికే తెర తీసింది. మరి ఆ టైమ్ వచ్చేసరికి ఎంతమంది మొండిగా బరిలోకి దిగుతారో, ఎంతమంది తర్వాత చూద్దాంలే అని తగ్గుతారో!
This post was last modified on October 2, 2021 7:12 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…