హాట్ స్టార్.. చరణ్ కి ఎంతిచ్చిందంటే..?

ప్రముఖ ఓటీటీ ప్లాట్ ఫామ్ డిస్నీ హాట్ స్టార్ ఇప్పుడు తెలుగు ప్రేక్షకులను సరికొత్త కంటెంట్ తో అలరించడానికి ప్రయత్నిస్తోంది. ప్రపంచవ్యాప్తంగా ఓటీటీల హవా నడుస్తుండంతో.. ఇప్పుడు ప్రాంతీయ భాషలపై కూడా ఫోకస్ పెడుతున్నాయి ఓటీటీ సంస్థలు. ఈ క్రమంలోనే తెలుగు కంటెంట్ పై దృష్టి పెట్టింది హాట్ స్టార్. తెలుగులో మరింత క్రేజ్ తెచ్చుకోవడానికి మెగాపవర్ రామ్ చరణ్ ను బ్రాండ్ అంబాసిడర్ గా నియమించింది.

తెలుగు రీజియన్ కు సంబంధించిన ప్రమోషనల్ కార్యక్రమాల్లో రామ్ చరణ్ పాల్గొనున్నారు. దీనికి గాను రామ్ చరణ్ కి ఎంత రెమ్యునరేషన్ ఇస్తున్నారనే విషయంలో ఓ క్లారిటీ వచ్చింది. ఈ ఎండోర్స్మెంట్ కి సంబంధించి రామ్ చరణ్ కు రూ.4 నుంచి రూ.5 కోట్ల రేంజ్ లో చెల్లిస్తున్నారట. ఒక తెలుగు స్టార్ కి ఈ రేంజ్ లో చెల్లించడమనేది విశేషమనే చెప్పాలి. చరణ్ కి ఉన్న క్రేజ్ తో హాట్ స్టార్ పాపులారిటీ పెరుగుతుందని భావిస్తున్నారు.

ఇక సినిమాల విషయానికొస్తే.. ప్రస్తుతం రామ్ చరణ్ ‘ఆర్ఆర్ఆర్’, ‘ఆచార్య’ సినిమాలను పూర్తి చేస్తున్నారు. ఈ రెండు సినిమాలు త్వరలోనే ప్రేక్షకుల ముందుకు రానున్నాయి. వీటి తరువాత శంకర్ దర్శకత్వంలో మరో సినిమా కమిట్ అయ్యారు. దానికి ‘విశ్వంభర’ అనే టైటిల్ అనుకుంటున్నారు. ఈ సినిమాలో చరణ్ కలెక్టర్ పాత్రలో కనిపించనున్నారట. భారీ బడ్జెట్ పాన్ ఇండియా సినిమాగా దీన్నితెరకెక్కించనున్నారు.