చరణ్-శంకర్ సినిమా కోసం ఇంట్రెస్టింగ్ టైటిల్!

‘ఆర్ఆర్ఆర్’ లాంటి భారీ బడ్జెట్ సినిమా తరువాత రామ్ చరణ్ తన తదుపరి చిత్రాన్ని శంకర్ దర్శకత్వంలో చేయబోతున్నారు. సెప్టెంబర్ 8న ఈ సినిమా పూజా కార్యక్రమాలు గ్రాండ్ గా నిర్వహించనున్నారు. రీసెంట్ గా ఈ సినిమా క్యాస్ట్ అండ్ క్రూతో ఓ ఫోటోషూట్ ను నిర్వహించారు. ఇదిలా ఉండగా.. ఇప్పుడు ఈ సినిమాకి సంబంధించిన ఓ ఆసక్తికర విషయం వెలుగులోకి వచ్చింది. ఈ సినిమాకి పవర్ ఫుల్ టైటిల్ పెట్టాలనుకుంటున్న శంకర్ ఓ పేరుని అనుకున్నారట.

అదేంటంటే.. ‘విశ్వంభర’. దీనికి అర్ధం భూమి. పొలిటికల్ థ్రిల్లర్ నేపథ్యంలో తెరకెక్కుతోన్న ఈ పాన్ ఇండియా సినిమాకి ‘విశ్వంభర’ అనే టైటిల్ యాప్ట్ అవుతుందని భావిస్తున్నారు. రామ్ చరణ్ కి కూడా టైటిల్ నచ్చిందట. దీంతో పాటు మరో రెండు, మూడు టైటిల్ అనుకుంటున్నారు. కానీ దాదాపుగా ఈ టైటిల్ నే ఫిక్స్ చేసే అవకాశాలు కనిపిస్తున్నాయి. కియారా అద్వానీ హీరోయిన్ గా నటిస్తోన్న ఈ సినిమాను దిల్ రాజు నిర్మిస్తున్నారు.

దిల్ రాజు బ్యానర్ లో తెరకెక్కుతోన్న 50వ సినిమా కావడంతో దీన్ని ఎంతో ప్రతిష్టాత్మకంగా నిర్మించబోతున్నారు. ఇక ఈ సినిమా కథ విషయంలో శంకర్ కి యంగ్ డైరెక్టర్ కార్తిక్ సుబ్బరాజ్ సహాయం చేస్తున్నట్లు సమాచారం. తమన్ సంగీతం అందిస్తోన్న ఈ సినిమా 2023లో ప్రేక్షకుల ముందుకు వచ్చే అవకాశం ఉంది. ప్రస్తుతం రామ్ చరణ్ నటించిన ‘ఆచార్య’, ‘ఆర్ఆర్ఆర్’ సినిమాలు విడుదలకు సిద్ధమవుతున్నాయి.