కరోనా సినిమా ఇండస్ట్రీపై ఎంతగా ప్రభావం చూపిందో తెలిసిందే. అయితే సెకండ్ వేవ్ తరువాత థియేటర్లు తెరుచుకోవడంతో ఒక్కొక్కటిగా సినిమాలు ప్రేక్షకుల ముందుకు వస్తున్నాయి. అలా అని ఓటీటీని పక్కన పెట్టలేదు. సినిమాలు థియేటర్లలో విడుదలవుతున్నా.. సరైన వసూళ్లు మాత్రం రావడం లేదు. ఇప్పటికీ ఆడియన్స్ థియేటర్లకు రావడానికి భయపడుతున్నారు. అందుకే నిర్మాతలు ఇంకా ధైర్యం చేయలేకపోతున్నారు. ఆ కారణంగానే ‘టక్ జగదీష్’ లాంటి క్రేజీ ఫిల్మ్ ఓటీటీకి వెళ్లింది.
ఈ వారమే ‘టక్ జగదీష్’ సినిమా ఓటీటీలో విడుదల కాబోతుంది. అయితే అదే రోజున థియేటర్లలో ‘సీటీమార్’ సినిమా సందడి చేయబోతుంది. ఈ వారంలో విడుదలయ్యే పేరున్న సినిమాలు ఇవే. ఈ రెండు సినిమాల మధ్య పోటీ అనడం కంటే.. థియేటర్ ఓటీటీ మధ్య పోటీ అనడమే కరెక్ట్ అనిపిస్తుంది. ‘టక్ జగదీష్’ ఈ నెల 10న అమెజాన్ ప్రైమ్ లో వస్తోంది. నాని సినిమా అంటే అన్ని వర్గాల ప్రేక్షకులు ఆసక్తి చూపిస్తుంటారు. నిజానికి ‘టక్ జగదీష్’ అనేది థియేటర్లో విడుదల కావాల్సిన సినిమా.
కానీ పరిస్థితులు అనుకూలించకపోవడంతో ఓటీటీకి ఇవ్వాల్సి వచ్చింది. వినాయకచవితికి ఈ సినిమా వస్తుండడంతో పండగ హడావిడి మరింత ఎక్కువయ్యే సూచనలు కనిపిస్తున్నాయి. అయితే ఓటీటీలో ఈ సినిమాను ఎంతమంది చూశారనే రికార్డులు బయటకు రావు కానీ ఫ్యామిలీ ఆడియన్స్ అంతా ‘టక్ జగదీష్’ చూడడానికి ఇంట్రెస్ట్ చూపిస్తారు.
అదే రోజున వస్తున్న ‘సీటీమార్’ సినిమాపై మంచి అంచనాలు ఏర్పడ్డాయి. కబడ్డీ నేపథ్యంలో సాగే ఈ సినిమా ట్రైలర్, పాటలు ప్రేక్షకులను ఆకట్టుకున్నాయి. ఇది మంచి మాస్ సినిమా కాబట్టి ప్రేక్షకులు థియేటర్లకు వచ్చే ఛాన్స్ ఉంది. ఈ సినిమాకి మంచి కలెక్షన్స్ వస్తే గనుక మరిన్ని సినిమాలు థియేటర్లోకి వస్తాయి.
This post was last modified on September 6, 2021 11:25 am
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…