మెగాస్టార్ డైరెక్షన్ లో దర్శకేంద్రుడు!

దర్శకేంద్రుడు రాఘవేంద్రరావు ఇప్పటివరకు తెర వెనుక కనిపించారు. కానీ తొలిసారి నటుడిగా ప్రేక్షకులను అలరించడానికి సిద్ధమవుతున్నారు. గౌరీ రోనంకి డైరెక్ట్ చేస్తోన్న ‘పెళ్లి సందD’ సినిమాలో రాఘవేంద్రరావు వశిష్ట అనే సినిమాలో నటిస్తున్నారు. రీసెంట్ గా ఈ సినిమాలో ఆయన లుక్ ను రివీల్ చేస్తూ ఓ వీడియోను విడుదల చేశారు. ఇందులో రాఘవేంద్రరావుని స్టైలిష్ గెటప్ లో చూసిన ప్రేక్షకులు ఫిదా అయిపోయారు. సినీ తారలు సైతం రాఘవేంద్రరావుకి విషెస్ చెబుతూ సోషల్ మీడియాలో పోస్ట్ లు పెట్టారు.

మెగాస్టార్ చిరంజీవి కూడా నటుడిగా రాఘవేంద్రరావు వెండి తెర మీద కనిపిస్తే.. ఆ వెండితెర కూడా మురిసిపోతుందంటూ ట్విట్టర్ లో రాసుకొచ్చారు. ఇదిలా ఉండగా.. రాఘవేంద్రరావు నటుడిగా మారడంతో చిరంజీవిలో ఓ ఆలోచన వచ్చిందట. రాఘవేంద్రరావు ప్రధాన పాత్రలో మెగాస్టార్ ఓ సినిమా డైరెక్ట్ చేయాలనుకున్నారట. ఇదే విషయాన్ని రాఘవేంద్రరావుకి చెప్పారట.

ఈ విషయాలను స్వయంగా చిరంజీవి చెప్పుకొచ్చారు. రీసెంట్ కొందరు మీడియా సభ్యులతో ఇంటరాక్ట్ అయిన చిరు.. రాఘవేంద్రరావుతో జరిగిన సంభాషణను చెప్పుకొచ్చారు. చిరు తనను డైరెక్ట్ చేస్తానని చెప్పగానే.. రాఘవేంద్రరావు ‘నాకు ఇప్పుడే టెన్షన్ స్టార్ట్ అయింది’ అంటూ బదులిచ్చారట. నిజంగానే ఈ కాంబినేషన్ గనుక సెట్ అయితే సినీ అభిమానుల్లో మరింత ఉత్సాహం పెరుగుతుంది.