పిక్ టాక్: నభా హాటెస్ట్ అవతార్

‘నన్ను దోచుకుందువటే’ సినిమాతో తెలుగు తెరకు పరిచయమైన కన్నడ భామ నభా నటేష్. తొలి చిత్రంలో పూర్తి సంప్రదాయ బద్ధంగా కనిపించిన ఈ భామ.. ఆ తర్వాత మాత్రం దానికి భిన్నమైన పాత్రలు, లుక్స్‌తో తన ఇమేజ్‌ను పూర్తిగా మార్చేసుకుంది. ముఖ్యంగా ‘ఇస్మార్ట్ శంకర్’ సినిమాలో నభా అందాల ప్రదర్శనతో కుర్రాళ్లకు ఎలా కాక పుట్టించిందో తెలిసిందే. ఈ సినిమా తర్వాత టాలీవుడ్లో ఫుల్ బిజీ అయిపోయిందీ భామ.

డిస్కో రాజా, సోలో బ్రతుకే సో బెటర్, అల్లుడు అదుర్స్, మాస్ట్రో.. ఇలా వరుసగా సినిమాలు చేసుకుపోతోంది. ‘అల్లుడు అదుర్స్’లో సూపర్ సెక్సీగా కనిపించిన ఈ భామ.. ‘మాస్ట్రో’లోనూ గ్లామర్ టచ్ ఉన్న క్యారెక్టరే చేస్తోంది. సినిమాల్లో చేసే అందాల విందుకు తోడు ఫొటో షూట్లతో కుర్రాళ్లను కవ్వించడం కూడా నభాకు బాగానే అలవాటు.

ఈ కోవలోనే నభా కొత్త షూట్ ఇప్పుడు ‘హాట్’ టాపిక్ అవుతోంది. నియోన్ బ్యాక్‌డ్రాప్‌లో ఎల్లో సూట్ వేసుకుని నభా చేసిన అందాల విందుకు రసిక ప్రియులు ఫిదా అయిపోతున్నారు. హాట్ లుక్స్‌కు తోడు.. నభా ఇచ్చిన ఎక్స్‌ప్రెషన్స్ కిరాక్ అనిపించేలా ఉన్నాయి. ఈ సూపర్ స్టైలిష్, హాట్ ఫొటో షూట్‌కు సంబంధించిన పిక్స్ ట్విట్టర్లోకి రావడం వైరల్ అయిపోయాయి.

ఇక నభా కెరీర్ విషయానికొస్తే ఆమె లేటెస్ట్ మూవీ ‘మాస్ట్రో’ ఇంకో రెండు వారాల్లోనే ప్రేక్షకుల ముందుకు వస్తుందంటున్నారు. స్వాతంత్ర్య దినోత్సవ కానుకగా ఈ చిత్రాన్ని హాట్ స్టార్ నేరుగా రిలీజ్ చేయబోతోంది. దీని మాతృక ‘అంధాదున్’లో రాధికా ఆప్టే చేసిన పాత్రలో నభా కనిపించనుంది. ఇందులో మరో గ్లామర్ తార తమన్నా కూడా నటిస్తోంది. ఆమె ముందు నభా తన ప్రత్యేకతను ఎలా చాటుకుంటుందో చూడాలి.