రక్షిత్ శెట్టి.. పరిచయం అక్కర్లేని పేరు. కన్నడలో మంచి పేరున్న ఈ యువ నటుడి గురించి బయటి రాష్ట్రాల వాళ్లకు కూడా తెలియడానికి కారణం రష్మిక మందన్నా. ఆమె తొలి చిత్రం ‘కిరిక్ పార్టీ’లో హీరో రక్షితే. ఆ సినిమా స్క్రిప్టులోనూ అతడి భాగస్వామ్యం ఉంది. ఆ చిత్ర నిర్మాత కూడా అతనే.
ఈ సినిమా చేస్తున్నపుడే రష్మిక, అతను ప్రేమలో పడటం.. వెంటనే నిశ్చితార్థం కూడా చేసుకోవడం.. రెండేళ్లు కలిసి సాగడం.. చివరికి ఇద్దరికీ సరిపోక నిశ్చితార్థం రద్దు చేసుకోవడం తెలిసిందే. ఐతే బయటి వాళ్లలో మాత్రం రక్షిత్కు రష్మిక ఎక్స్గా అతడికి గుర్తింపు కొనసాగుతుండొచ్చు కానీ.. కన్నడ పరిశ్రమలో మాత్రం రక్షిత్కు నటుడిగా, నిర్మాతగా మంచి పేరే ఉంది. ఒక మూసలో సినిమాలు తీస్తూ బాగా వెనుకబడ్డట్లు కనిపించే కన్నడ సినీ పరిశ్రమలో గత కొన్నేళ్లలో మంచి మార్పులు కనిపిస్తున్నాయి. ఆ మార్పులో రక్షిత్ కూడా భాగమే.
‘కిరిక్ పార్టీ’ తరహాలోనే అతను కొత్త తరహా సినిమాలతో సాగుతున్నాడు. తెలుగులోకి అనువాదం అయిన ‘అతడే శ్రీమన్నారాయణ’ కూడా ఇందులో భాగమే. ఇప్పుడు ‘777 చార్లీ’ పేరుతో మరో వినూత్న సినిమాతో ప్రేక్షకుల ముందుకు వస్తున్నాడు రక్షిత్. ఇది ఒక కుక్క చుట్టూ తిరిగే కథ కావడం విశేషం. ఆదరణ కోల్పోయి తిండి, తలదాచుకోవడానికి చోటు దొరక్క ఎలా పడితే అలా తిరిగేస్తున్న ఒక వీధి కుక్కను ఒక కుర్రాడు చేరదీశాక తలెత్తే పరిణామాల నేపథ్యంలో తెరకెక్కిన సినిమా ఇది.
ఈ రోజు రక్షిత్ పుట్టిన రోజు సందర్భంగా దీని టీజర్ రిలీజ్ చేశారు. ఇందులో టైటిల్ రోల్ కుక్కదే కావడం విశేషం. టీజర్ మొత్తం ఆ కుక్క చుట్టూనే తిరిగింది. తిండి కోసం ఆ కుక్క పడే కష్టాలను చూపించి, చివరగా ధర్మ అనే హీరో చార్లీని తీసుకెళ్తున్న దృశ్యం చూపించారు. ధర్మను చార్లీ కలిశాక జరిగే ఉత్కంఠభరిత ప్రయాణమే ఈ సినిమా అని సంకేతాలు ఇచ్చారు. రక్షితే నిర్మిస్తున్న ఈ చిత్రాన్ని కిరణ్ రాజ్ రూపొందిస్తున్నాడు. ‘777 చార్లీ’ని కన్నడతో పాటు తెలుగు, తమిళం, హిందీ భాషల్లోనూ రిలీజ్ చేయబోతుండటం విశేషం.
This post was last modified on June 6, 2021 12:35 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…