నెల రోజుల ముందు కరోనా గురించి పట్టించుకున్న వాళ్లే లేరు. మళ్లీ కేసులు పెరుగుతున్నాయి అన్నా కూడా ఎవరిలోనూ పెద్దగా భయం కనిపించలేదు. గత ఏడాది ఇదే సమయానికి కొవిడ్ భయంతో వణికిపోయిన జనాలు.. ఆరు నెలలు గడిచాక వైరస్‌ను లైట్ తీసుకోవడం మొదలుపెట్టారు. లాక్ డౌన్ షరతులన్నీ పక్కకు పోయాయి. అన్ని కార్యకలాపాలూ యధావిధిగా నడవడం మొదలయ్యాయి. కరోనా కేసులు కూడా రోజు రోజుకూ తగ్గుతూ వెళ్లడంతో ఇక గండం గట్టెక్కినట్లే అనుకున్నారు. ఒక దశ దాటాక కరోనా గురించి చర్చే లేకపోయింది.
తెలుగు సినీ పరిశ్రమ పూర్తిగా కరోనా ప్రభావం నుంచి బయటపడి మునుపటి స్థాయిలో నడవడం మొదలైంది. షూటింగ్స్ జోరుగా సాగాయి. థియేటర్లలో సినిమాలు 100 శాతం ఆక్యుపెన్సీతో నడవడం మొదలయ్యాయి. ఇక ఇండస్ట్రీకి ఏ బాధా లేదనే అనుకున్నారంతా.
కానీ గత నెల రోజుల వ్యవధిలో మొత్తం కథ మారిపోయింది. కరోనా సెకండ్ వేవ్ ఉద్దృతి ఊహించని స్థాయికి చేరింది. కేసులు అనూహ్యంగా పెరిగిపోయాయి. గత ఏడాది పీక్ స్టేజ్ అనుకున్న దాన్ని మించిపోయి ఇప్పుడు కేసులు నమోదవుతున్నాయి. మరణాలు కూడా పెద్ద ఎత్తున సంభవిస్తున్నాయి. ఇక ఎప్పటికీ గత ఏడాది చూసిన కష్ట కాలం రాదనుకుంటే.. మళ్లీ అవే పరిస్థితులు దాదాపు కనిపిస్తున్నాయి. ప్రభుత్వం మళ్లీ లాక్ డౌన్ పెట్టకపోవచ్చు కానీ.. జనాలు జాగ్రత్త పడకుంటే, స్వీయ నియంత్రణ పాటించకుంటే దారుణాలు చూడక తప్పేట్లు లేదు.
ఈ నేపథ్యంలో త్వరలోనే థియేటర్లపై మళ్లీ ఆంక్షలు తప్పవంటున్నారు. షూటింగ్స్ సజావుగా సాగడమూ కష్టంగానే ఉంది. ప్రభుత్వం ఆదేశించడానికి ముందే పరిశ్రమ పెద్దలు దీని గురించి అంతర్గతంగా చర్చించి షూటింగ్స్ ఆపేయాలని చూస్తున్నారట. ఇప్పటికే కొన్ని పెద్ద చిత్రాల షూటింగ్స్‌కు తాత్కాలికంగా బ్రేక్ పడింది. ఇలా ఎవరికి వారు షూటింగ్స్ ఆపడం కష్టమని.. కాబట్టి ఇండస్ట్రీ తరఫున ఓ నిర్ణయం తీసుకుని, షూటింగ్స్ ఆపించేయాలని భావిస్తున్నారట. త్వరలోనే ఈ మేరకు నిర్ణయం వెలువడుతుందని అంటున్నారు.
This post was last modified on April 17, 2021 1:44 pm
కేంద్ర హోం శాఖ మంత్రి అమిత్ షా శనివారం రాత్రి ఏపీ పర్యటనకు వచ్చారు. ఈ సందర్భంగా ఆయనకు ఏపీ…
అవును… టీడీపీ పట్ల తెలంగాణకు ఇప్పటికీ ఆశ చావలేదు. రాష్ట్ర విభజన జరిగిన తర్వాత కూడా తెలంగాణలో టీడీపీకి పెద్దగా…
ప్రస్తుత రాజకీయాల్లో అధికారంలో ఉన్న పార్టీలదే రాజ్యం. విపక్ష పార్టీలకు కష్ట కాలం. అప్పటిదాకా అధికారంలో ఉండి… ఎన్నికల్లో ఓడిపోయి…
శంక‌ర్.. ఒక‌ప్పుడు ఈ పేరు చూసి కోట్ల‌మంది క‌ళ్లు మూసుకుని థియేట‌ర్ల‌కు వెళ్లిపోయేవారు. హీరోలు కథ విన‌కుండానే సినిమా ఒప్పేసుకునేవారు.…
యాదృచ్చికమో లేక కాకతాళీయమో చెప్పలేం కానీ హీరో రామ్ చరణ్, నిర్మాత దిల్ రాజు మధ్య కాంబో రెండుసార్లు ఒడిదుడుకులకు…
కలియుగ దైవం శ్రీవేంకటేశ్వర స్వామి వారి కంకర్యాలు, స్వామి వారిని దర్శించుకునేందుకు వచ్చే భక్తుల బాగోగులను పర్యవేక్షఇంచేందుకు ఏర్పాటైనదే తిరుమల తిరుపతి దేవస్థానం (టీటీడీ). ఏపీ ప్రభుత్వమే ఈ…