గత రెండు దశాబ్దాల్లో బాలీవుడ్ స్టార్ హీరోల్లో ఎక్కువగా రీమేక్ల్లో నటించింది ఎవరు అంటే మరో మాట లేకుండా సల్మాన్ ఖాన్ పేరు చెప్పేయొచ్చు. ఒక దశలో బాగా దెబ్బ తిన్న ఆయన కెరీర్ మళ్లీ గాడిన పడింది పోకిరి రీమేక్ వాంటెడ్తోనే అన్న సంగతి తెలిసిందే. ఆ తర్వాత సల్మాన్.. రెడీ, కిక్, బాడీ గార్డ్, జైహో లాంటి రీమేక్ సినిమాల్లో నటించాడు. కొంచెం గ్యాప్ తర్వాత సల్లూ భాయ్ మరో సౌత్ రీమేక్లో నటించబోతున్నాడన్నది తాజా సమాచారం.
ఈ సంక్రాంతికి తమిళ, తెలుగు భాషల్లో విడుదలై భారీగా వసూళ్లు రాబట్టిన విజయ్ సినిమా మాస్టర్ను హిందీలో సల్మాన్ హీరోగా రీమేక్ చేయడానికి సన్నాహాలు జరుగుతున్నట్లు బాలీవుడ్ మీడియా సమాచారం. ఈ చిత్రం హిందీలోకి వెళ్లబోతున్న విషయం ఇంతకముందే ఖరారైంది. హీరో ఎవరన్న దాని మీదే సస్పెన్స్ నడుస్తోంది.
ఐతే మాస్టర్ హిందీ రీమేక్ హక్కులు దక్కించుకున్న మురాద్ ఖేతాని, ఎండెమోల్ షైన్లు సల్మాన్తో నెల రోజులుగా ఈ సినిమా గురించి చర్చలు జరుపుతున్నట్లు బాలీవుడ్ మీడియా రిపోర్ట్ చేసింది. సల్మాన్కు బేసిక్ లైన్ నచ్చిందని, సినిమా చేయడానికి సుముఖత వ్యక్తం చేశాడని.. ఐతే ఉన్నదున్నట్లు సినిమా తీస్తే హిందీలో వర్కవుట్ కాదని.. హిందీ ప్రేక్షకుల అభిరుచికి తగ్గట్లు మార్పులు చేర్పులు చేయాలని సల్మాన్ సూచించాడట. పూర్తి స్క్రిప్టుతో వస్తే ఈ సినిమా చేసే విషయమై నిర్ణయం తీసుకుంటానని సల్మాన్ చెప్పినట్లు తెలుస్తోంది.
సల్మాన్ ఈ సినిమాను ఓకే చేస్తే.. విజయ్ సేతుపతి పాత్రకు కూడా ఓ పెద్ద హీరోనే తీసుకోవాలని నిర్మాతలు భావిస్తున్నారు. ఇంతకీ ఈ చిత్రానికి దర్శకుడు ఎవరన్నది మాత్రం ఇంకా ఏమీ ఖరారవ్వలేదు. సల్మాన్ కొత్త చిత్రం రాధె విడుదలకు సిద్ధంగా ఉండగా.. అంతిమ్ అనే మరో సినిమాలో నటిస్తున్నాడతను.
This post was last modified on April 4, 2021 10:39 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…