ఫూల్స్ డే సందర్భంగా సోషల్ మీడియాలో రకరకాల ట్రెండ్స్ నడుస్తున్నాయి. ఐతే తెలుగు సినీ అభిమానులు మాత్రం దర్శకుల ప్రసంగాల తాలూకు వీడియోలు, ఫొటోలు, మీమ్స్ పెట్టి ఫూల్స్ డేను సెలబ్రేట్ చేస్తున్నారు. మన ఇండస్ట్రీలో టాప్ స్టార్లు చేసిన కొన్ని సినిమాలు అంచనాలను అందుకోవడంలో దారుణంగా విఫలమయ్యాయి. బాక్సాఫీస్ దగ్గర ఘోర పరాభవం చవిచూశాయి.
ఐతే ఆయా సినిమాల ఆడియో, ప్రి రిలీజ్ ఈవెంట్లలో మాత్రం వాటి దర్శకులు తమ చిత్రాల గురించి ఓ రేంజిలో చెప్పుకున్నారు. అభిమానులకు ఎక్కడ లేని భరోసా ఇచ్చారు. వారిలో ఉత్కంఠ పెంచారు. అప్పటికే ఉన్న అంచనాలను వీరి మాటలు మరింత పెంచేశాయి. వీళ్ల మాటలు నమ్మి థియేటర్లకు వెళ్తే అక్కడ కనిపించిన బొమ్మ వేరు. ఒక్కసారిగా ఆశలన్నీ కూలిపోయాయి.
ఈ నేపథ్యంలో మన స్టార్ డైరెక్టర్ల ఒకప్పటి స్పీచ్‌ల తాలూకు స్క్రీన్ షాట్లు పెట్టి వ్యంగ్యంగా హ్యాపీ ఫూల్స్ డే అని హ్యాష్ ట్యాగ్స్ పెడుతున్నారు ఫ్యాన్స్. వాళ్లు ప్రధానంగా టార్గెట్ చేస్తున్నది త్రివిక్రమ్ శ్రీనివాస్, బోయపాటి శ్రీను లాంటి దర్శకులనే. ‘అజ్ఞాతవాసి’ సినిమాతో పవన్ అభిమానులకు త్రివిక్రమ్ ఎంత వేదన కలిగించాడో తెలిసిందే. ఆ సినిమా ప్రి రిలీజ్ ఈవెంట్లో ఆయన మాట్లాడుతూ.. ఈ చిత్రంలో పవన్ నట విశ్వరూపం చూస్తారని, సినిమా గొప్పగా ఉంటుందని అన్నాడు. కానీ తీరా చూస్తే ఆ సినిమాలో పవన్ నటన పేలవంగా కనిపించింది. సినిమా గురించైతే చెప్పాల్సిన పని లేదు.
ఇక ‘వినయ విధేయ రామ’ సినిమా గురించి బోయపాటి శ్రీను మాట్లాడుతూ.. అభిమానులు గుండెల మీద చెయ్యేసుకుని సినిమా చూడొచ్చన్నాడు. ఇక ‘స్పైడర్’ గురించి మురుగదాస్ చెబుతూ.. ఈ సినిమా బ్లాక్‌బస్టర్ అవుతుంది, లేదంటే నా తల తీసి మీ పాదాల దగ్గర పెడతా అనేశాడు మహేష్ అభిమానులతో. ఇక ‘రెబల్’ గురించి రాఘవ లారెన్స్ మాట్లాడుతూ.. మామూలు సినిమా తీస్తే ప్రభాస్ అభిమానులు ఒప్పుకోరని, వాళ్లకు హిట్ కాకుండా బ్లాక్‌బస్టర్ ఇవ్వబోతున్నానని అన్నాడు. మరోవైపు ‘శక్తి’ గురించి మెహర్ రమేష్.. ‘బ్రహ్మోత్సవం’ గురించి నటుడు నరేష్ ఇచ్చిన బిల్డప్పులను కూడా అభిమానులు గుర్తు చేస్తూ ఫూల్స్ డేను సెలబ్రేట్ చేస్తుండటం విశేషం
This post was last modified on April 2, 2021 6:39 am
వైసీపీ కీలక నేత, చంద్రగిరి మాజీ ఎమ్మెల్యే చెవిరెడ్డి భాస్కర రెడ్డి ఓ రేంజిలో న్యాయ పోరాటం చేస్తున్నారు. తిరుపతి…
వైసీపీ అధినేత జ‌గ‌న్ వ్య‌వ‌హార శైలి కేవలం ప్ర‌ధాన ప్ర‌తిప‌క్షం కోస‌మే ఆరాట‌ప‌డుతున్న‌ట్టు క‌నిపిస్తోందని అంటున్నారు ప‌రిశీల‌కులు. ప్ర‌స్తుతం ఆయ‌న‌కు…
ఏపీలో రిలీజ్ సినిమాల ప్రదర్శనలపై కూటమి సర్కారు సరికొత్త మార్గదర్శకాలను విడుదల చేసింది. ఇప్పటిదాకా రిలీజ్ అయ్యే దాదాపుగా అన్ని…
జనసేన అధినేత, ఏపీ డిప్యూటీ సీఎం పవన్ కల్యాణ్ ఏది చేసినా చాలా వెరైటీగా ఉంటుంది. ఇతర రాజకీయ నాయకులతో…
https://www.youtube.com/watch?v=V0ARlFc_ndE సంక్రాంతి పందెం కోళ్ళలో మొదటిది గేమ్ ఛేంజర్ ప్రేక్షకుల ముందుకు వచ్చేసింది. తుది తీర్పు ఏంటనేది తేలడానికి ఇంకొంచెం…
బ్రాండ్ ఏపీ ప్రారంభ‌మైంద‌ని సీఎం చంద్ర‌బాబు తెలిపారు. వైసీపీ విధ్వంసంతో అత‌లాకుత‌ల‌మైన రాష్ట్రాన్ని అన్ని విధాలా బాగు చేస్తున్నామ‌ని చెప్పారు.…