Movie News

నాగవంశీ మాటల వెనుక మర్మమేమిటో

జూనియర్ ఎన్టీఆర్ రాబోయే సినిమాల లైనప్ గురించి అభిమానులు, సోషల్ మీడియాలో గత మూడు నాలుగు రోజులుగా చర్చ జరుగుతూనే ఉంది. డ్రాగన్ షూటింగ్ పీక్స్ ఉన్న టైంలో హఠాత్తుగా అనిల్ రావిపూడి ప్రాజెక్టు ప్రకటించడం అందరినీ ఆశ్చర్యంతో కూడిన షాక్ కు గురి చేసింది. ఎందుకంటే త్రివిక్రమ్ శ్రీనివాస్ తో ప్లాన్ చేసుకున్న గాడ్ అఫ్ వార్ (ప్రచారంలో ఉన్న టైటిల్) వచ్చే సంవత్సరం ప్రారంభమవుతుందని ఎదురు చూస్తున్న టైంలో రావిపూడి కాంబో ఎవరి ఊహకు అందనిది.

నిన్న నిర్మాత నాగవంశీ మాట్లాడుతూ జూన్ లో డ్రాగన్ రిలీజయ్యాక మనది మొదలుపెడదామని నర్మగర్భంగా త్రివిక్రమ్ మూవీ గురించి హింట్ ఇచ్చారు. అంటే రెండు సమాంతరంగా షూటింగ్ జరుపుకుంటాయనే సంకేతం అందులో కనిపిస్తుందని కొందరు భావిస్తుండగా, లేదు రావిపూడికి ఇంకొంచెం టైం పట్టొచ్చనే ఉద్దేశంతోనే ఇలా కర్చీఫ్ వేశారని మరికొందరు, ఇలా ఎవరికి తోచిన రీతిలో వాళ్ళు విశ్లేషణ చేసుకుంటూ భాష్యాలు చెబుతున్నారు.

అయితే ఇప్పటికిప్పుడు దేని గురించి నిర్ధారణకు రాలేం. ఎందుకంటే డ్రాగన్ షూట్ ఇంకా జరుగుతోంది. ప్రశాంత్ నీల్ ఎప్పుడు తారక్ ని విముక్తుడిని చేస్తాడో ఇంకా తెలియదు. బహుశా ఫిబ్రవరి పట్టొచ్చని సమాచారం. ఈలోగా అనిల్ రావిపూడి జనవరి 12 విడుదల హడావిడి అయిపోయి ఉంటుంది కాబట్టి తారక్ స్క్రిప్ట్ పనులు వేగవంతం చేస్తారు. త్రివిక్రమ్ చేతిలో కూడా గాడ్ అఫ్ వార్ ఫుల్ బౌండ్ సిద్ధంగా ఉందని వినిపిస్తోంది కానీ ఇంకొన్ని కీలక మార్పులు అవసరం కావొచ్చని వినికిడి.

ఫైనల్ గా నాగవంశీ చెప్పాలనుకున్న సారాంశం ఒకటుంది. గాడ్ అఫ్ వార్ లేట్ అవ్వదు. త్రివిక్రమ్ చిరంజీవితో వేరే సినిమా చేస్తారని, లేదా ఇంకో హీరోతో చేతులు కలుపుతారని వస్తున్న వదంతులకు చెక్ పెట్టే ప్రయత్నం కొన్ని రోజుల క్రితం ఫోటో రూపంలో, నిన్న స్పీచ్ రూపంలో ఇచ్చేశారు. జూనియర్ మీద అభిమానంతోనే వార్ 2 హక్కులు కొన్న నాగవంశీ ఇప్పుడు తన నిర్మాణంలో జరిగే గాడ్ అఫ్ వార్ ని ఆలస్యం చేసే ఉద్దేశంలో లేరనే క్లారిటీ అయితే వచ్చేసింది. ఓపెనింగ్ కోసం వెయిట్ చేయడమే తరువాయి. 

This post was last modified on November 17, 2026 4:53 pm

Share

Recent Posts

జగన్ సైతాన్ సైన్యానికి పచ్చ రోగం తగ్గలేదు: షర్మిల

తమ ప్రత్యర్థి అయితే చాలు...టార్గెట్ చేయడం, వ్యక్తిత్వహననానికి పాల్పడడం వైసీపీ నేతలకు అలవాటే. నిండు శాసన సభలో అప్పటి ప్రతిపక్ష…

14 minutes ago

గర్ల్ ఫ్రెండ్ తో కలిసి ఆ రెస్టారెంట్ కు వెళ్ళిన రాహుల్ గాంధీ

రాజకీయ బాధ్యతల వల్ల పెళ్లి చేసుకోలేదని పలు సందర్భాల్లో సరదాగా వ్యాఖ్యానించిన కాంగ్రెస్ అధినేత రాహుల్ గాంధీ ఇప్పుడొక రహస్యాన్ని…

2 hours ago

కర్నూలులో ప్రధాని మోదీ తల్లికి ఆలయం

ప్రపంచంలోనే అత్యంత శక్తిమంతమైన దేశాధినేతల్లో భారత ప్రధాని నరేంద్ర మోదీ ఒకరు. దశాబ్దకాలంగా మోదీ ప్రపంచవ్యాప్తంగా ఖ్యాతి గడించారు. భారతదేశానికి…

4 hours ago

కోనసీమలో మళ్లీ గ్యాస్ లీక్… చెక్ ఎప్పుడు?

అంబేద్కర్ కోనసీమ జిల్లా మామిడికుదురు మండలంలో ఓఎన్జీసీ గ్యాస్ లీకైన ఘటన కలకలం రేపింది. తాడివారి మెరక వద్ద ఓఎన్‌జీసీ…

5 hours ago

టాటా గ్రూప్‌లో మళ్ళీ టేకోవర్ టెన్షన్

భారత పారిశ్రామిక రంగంలో ప్రత్యేక గుర్తింపు సంపాదించుకున్న టాటా గ్రూప్‌లో ఇప్పుడు పాలనా వ్యవహారాలు చర్చనీయాంశంగా మారాయి. సంస్థను ఎవరు…

6 hours ago

విశ్వ రహస్యంగా మారుతున్న రిలీజ్ వ్యవహారం

విశ్వంభర థియేటర్ హక్కులు మైత్రి సంస్థ కొన్నదని నిన్నంతా ప్రచారం జరిగింది. రెండు రోజుల క్రితం ఆర్టిస్టు ప్రవీణ్ తాను…

6 hours ago