Movie News

ఆకాశాన్ని అందుకున్న అమ్మాయి ప్రయాణం

ఈ వారం విడుదల కాబోతున్న వాటిలో ఎక్కువ ప్రామిసింగ్ గా కనిపిస్తున్న సినిమా ఆకాశంలో ఒక తార. స్వప్న సినిమా, గీత ఆర్ట్స్ సంయుక్త నిర్మాణంలో పవన్ సాధినేని దర్శకత్వంలో దుల్కర్ సల్మాన్, సాత్విక వీరవల్లి జంటగా ఈ మూవీని రూపొందించారు. నిన్న అల్లు అర్జున్ గెస్టుగా ప్రీ రిలీజ్ ఈవెంట్ చేసిన సంగతి తెలిసిందే. బయోపిక్ అయినప్పటికీ ఎమోషన్స్ ప్రధానంగా ఒక జంట మధ్య ప్రయాణాన్ని పెద్ద లక్ష్యానికి ముడిపెట్టి తీసిన వైనం విజువల్స్ లో కనిపించింది. ఇవాళ ట్రైలర్ వచ్చింది.

ఎక్కడో ఒక చిన్న పల్లెటూరిలో పుట్టిన అమ్మాయి కల్పన(సాత్విక వీరవల్లి) కి జీవితంలో ఎప్పటికైనా ఆస్ట్రోనాట్ (వ్యోమగామి) అవ్వాలనే గోల్ ఉంటుంది. స్కూల్ చదువు నుంచే అందరూ ఈ విషయంలో ఎగతాళి చేసినా కృష్ణ (దుల్కర్ సల్మాన్) ఒక్కడే ఆమెను ప్రోత్సహిస్తాడు. తీసుకెళ్లి స్పేస్ సెంటర్ లో ఈ ప్రాజెక్టు నిర్వహించే లీడర్ (శృతి హాసన్) దగ్గర చేరుస్తాడు. అయితే అనుకున్నంత అందంగా ఇదంతా సాగదు. ఎన్నో అవమానాలు, ప్రమాదాల తర్వాత ఏం జరిగిందనేది అసలు స్టోరీ.

స్టోరీ పరంగా గుట్టు దాచకుండా నీట్ గా ఉన్నదంతా చెప్పేశారు కాబట్టి ఎలాంటి సస్పెన్స్ లేదు. తెరమీద ట్రీట్ మెంట్ రూపంలో ఎలా చూపించారనేది ఆసక్తి రేపెలా ఉంది. దుల్కర్ సల్మాన్ ఎప్పటిలాగే ఒక మధ్యతరగతి యువకుడిగా పర్ఫెక్ట్ ఛాయస్ అనిపించుకోగా డెబ్యూ చేస్తున్న సాత్విక వీరవల్లికి నటనపరంగా మంచి ఫ్యూచర్ కనిపిస్తోంది. జివి ప్రకాష్ కుమార్ నేపధ్య సంగీతంతో పాటు క్యాస్టింగ్ లో భాగమైన సీనియర్లు దీనికి వేల్యూ యాడ్ చేయడం ఖాయమని చెప్పొచ్చు.

భావోద్వేగాల మీద నడిచే ఇలాంటి సినిమాలు ఫ్యామిలీ ఆడియన్స్ ని ఎక్కువగా టార్గెట్ చేసుకుంటాయి కాబట్టి ముందుగా ఆ కోణంలో చూసుకుంటే ట్రైలర్ పాస్ అయినట్టే. ప్రొడక్షన్ వాల్యూస్ నీట్ గా ఉన్నాయి. నవంబర్ 19,20 తేదీల్లో బాక్సాఫీస్ వద్ద పోటీ ఎక్కువగానే ఉంది. ఆకాశంలో ఒక తార వాటి మధ్య నెగ్గుకురావడం ఈజీనా కాదానేది కంటెంట్ ఎంత బాగా కనెక్ట్ అవుతుందనే దాని మీద ఆధారపడి ఉంటుంది. ట్రైలర్ టెస్టులో అయితే డిస్టింక్షన్ మార్కులు వచ్చాయి. అసలు పరీక్షే బాకీ.

This post was last modified on November 16, 2026 2:45 pm

Share

Recent Posts

తెలంగాణలో ఆత్మగౌరవ రాజకీయం

తెలంగాణలో కాంగ్రెస్, బీజేపీ నేతలపై బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ తీవ్రస్థాయిలో విమర్శలు గుప్పిస్తున్న సంగతి తెలిసిందే.…

34 minutes ago

టాలీవుడ్ చుట్టూ డబ్బింగ్ దండయాత్ర

ఒకప్పుడు తెలుగులో స్ట్రెయిట్ సినిమాలకు ధీటుగా తమిళ డబ్బింగులు ఆడేవి. వీటి ప్రభావం ఎంతగా ఉండేదంటే దెబ్బకు మన నిర్మాతలు…

38 minutes ago

ఓటిటి రియాక్షన్లు ఎందుకు తగ్గుతున్నాయి

కరోనా వచ్చి వెళ్ళిపోయిన ఒకటి రెండు సంవత్సరాలు ఓటిటిలో వచ్చే కంటెంట్, కొత్త సినిమాల గురించి సోషల్ మీడియాలో డిబేట్లు…

1 hour ago

బ్రేకులు లేకుండానే 463 కి.మీ. ప్రయాణం.. వందే భారత్ భద్రతపై ప్రశ్నలు..

భారతీయ రైల్వేలో ఆధునిక ప్రయాణానికి గుర్తింపుగా నిలుస్తున్న వందే భారత్ ఎక్స్‌ప్రెస్‌కు సంబంధించిన ఓ ఘటన ఇప్పుడు భద్రతా వ్యవస్థపై…

2 hours ago

తల్లి గర్భంలో ఉండగానే వెన్నుముక ఆపరేషన్

వైద్యరంగంలో సాంకేతిక పరిజ్ఞానం అభివృద్ధి చెందుతున్న కొద్దీ ఒకప్పుడు అసాధ్యమనుకున్న చికిత్సలు కూడా సాధ్యమవుతున్నాయి. ప్రాణాపాయ పరిస్థితుల్లో ఉన్న చిన్నారులకు…

3 hours ago

కొత్త శుక్రవారం… డబ్బింగ్ VS స్ట్రెయిట్

ఇంకో హాట్ క్లాష్ కు టాలీవుడ్ బాక్సాఫీస్ సిద్ధమవుతోంది. నవంబర్ మొదటి వారంలో రామాయణ పార్ట్ 1, సీన్ రెండు…

4 hours ago