సూపర్ స్టార్ రజినీకాంత్ అభిమానులు కొంత కాలంగా తీవ్ర నిరాశలో ఉన్నారు. రాజకీయ అరంగేట్రంపై రజినీ యుటర్న్ తీసుకోవడమే అందుకు ముఖ్య కారణం. తన వయసు, అనారోగ్యం, కరోనా పరిస్థితులను దృష్టిలో ఉంచుకుని ఆయన ఆ తీవ్ర నిర్ణయం తీసుకోక తప్పలేదు. మరోవైపు రజినీ నటిస్తున్న అన్నాత్తె సినిమా షూటింగ్ ఆగిపోవడం, ఆ సినిమా గురించి ఎలాంటి అప్డేట్ లేకపోవడం కూడా అభిమానులను నిరాశకు గురి చేస్తోంది.
ఐతే వారిలో మళ్లీ కొంత ఉత్సాహం తీసుకొచ్చే అప్డేట్ను అన్నాత్తె చిత్ర బృందం అందించింది. ఈ సినిమా రిలీజ్ డేట్ను నిర్మాణ సంస్థ సన్ పిక్చర్స్ అధికారికంగా ప్రకటించింది. దీపావళి కానుకగా నవంబరు 4న ఈ చిత్రం ప్రేక్షకుల ముందుకు రానుంది. రజినీ సినిమా అంటే తెలుగులోనూ బిగ్ రిలీజే ఉంటుంది కాబట్టి మన వాళ్లకూ ఇది ఆసక్తి రేకెత్తించే అప్డేటే.
టాలీవుడ్ మాత్రమే కాదు.. కోలీవుడ్, బాలీవుడ్ సైతం ఈ ఏడాది అత్యధిక అంచనాలతో రానున్న ఆర్ఆర్ఆర్ రిలీజ్ డేట్ను బట్టి తమ సినిమాల రిలీజ్ ప్లాన్ చేసుకోవాలనుకున్నాయి. ఆ చిత్రం అక్టోబరు 13న దసరా కానుకగా విడుదల కానున్నట్లు తేలడంతో కొన్ని గంటల్లోనే అన్నాత్తె రిలీజ్ డేట్ ప్రకటించింది సన్ పిక్చర్స్. తమిళులకు సంక్రాంతి తర్వాత అత్యంత ప్రీతిపాత్రమైన సీజన్ అంటే దీపావళే. ప్రతి ఏడాదీ ఆ సీజన్లో భారీ చిత్రాలు వస్తుంటాయి. కొన్నేళ్లుగా ఎక్కువగా విజయ్ దీపావళికి తన సినిమాను దించుతున్నాడు. ఈ సారి రజినీ ఆ పండక్కి బెర్త్ బుక్ చేసేశాడు.
అజిత్తో వీరం, వేదాళం, విశ్వాసం లాంటి బ్లాక్బస్టర్లు ఇచ్చిన శివ అన్నాత్తె చిత్రాన్ని రూపొందిస్తున్నాడు. కీర్తి సురేష్, మీనా, ఖుష్బు ఇందులో కీలక పాత్రలు పోషిస్తున్నారు. డి.ఇమాన్ సంగీతం అందిస్తున్నాడు. మరి కొన్ని రోజుల విరామం తర్వాత రజినీ ఈ సినిమా చిత్రీకరణలో పాల్గొనబోతున్నాడు.
This post was last modified on January 25, 2021 7:15 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…