రాజుగారికి రాములోరి అభయం దక్కుతుందా

యష్ ఇమేజ్ నమ్ముకుని టాక్సిక్ ని డిస్ట్రిబ్యూట్ చేసిన దిల్ రాజు దాని వల్ల ఎలాంటి ప్రయోజనం పొందలేదు. పైపెచ్చు ఏ ఏరియాలో బ్రేక్ ఈవెన్ కాకపోవడం తీవ్రంగా నిరాశ పరిచింది. అయితే కెవిఎన్ సంస్థతో ఆయన చేసుకున్న ఒప్పందాలు ఎక్కువగా బయటికి రాలేదు కానీ, టాక్సిక్ లో పార్ట్ నర్ గానూ ఉన్న యష్ రామాయణ హక్కులు ఇప్పిస్తానని హామీ ఇచ్చినట్టు వచ్చిన వార్త ఫిలిం నగర్ వర్గాల్లో బాగా తిరిగింది. కారణం అదేనని చెప్పలేం కానీ ఎట్టకేలకు ఆ విజువల్ గ్రాండియర్ రాజుగారి చేతికే వచ్చిందట.

నవంబర్ 4 ప్రీమియర్లతో మొదలుపెట్టి అయిదో తేదీ గ్రాండ్ రిలీజ్ ప్లాన్ చేస్తున్నట్టు సమాచారం. హిందీ తెలుగు వెర్షన్లను పెద్ద ఎత్తున విడుదల చేసేందుకు థియేటర్ అగ్రిమెంట్లు ఈ వారంలోనే మొదలైపోవచ్చని టాక్. టాక్సిక్ ఏదైతే చేదు జ్ఞాపకాలు మిగిల్చిందో వాటిని పోగొట్టే బాధ్యత రామాయణ తీసుకోవాలి. అయితే ఇక్కడ కొన్ని రిస్కులు లేకపోలేదు. రామాయణ మీద కింది స్థాయిలో అరివీర భయంకరమైన బజ్ లేదు. ఎలా ఉంటుందనే ఆసక్తి ఆడియన్స్ లో అయితే ఉంది.

ఓపెనింగ్స్ ఘనంగా రావాలంటే మొదటి వారంలోనే చూసి తీరాలని జనం ఫిక్స్ అయ్యేంత ఎగ్జైట్ మెంట్ సృష్టించాలి. టీమ్ అదే పనిలో ఉందట. ఇప్పటిదాకా చేసిన ప్రమోషన్లు ఒక ఎత్తు, ఇకపై మరో ఎత్తు అనిపించేలా పబ్లిసిటీ డిజైన్ చేశారని ముంబై రిపోర్ట్. కేవలం నార్త్ కే పరిమితం కాకుండా ఉత్తరాది రాష్ట్రాల ప్రధాన నగరాలూ అన్ని తిరిగి విస్తృత ప్రచారం చేయబోతున్నారు. బ్రహ్మాస్త్ర పార్ట్ 1కి ఈ స్ట్రాటజీ వాడిన కరణ్ జోహార్ ఆ సమయంలో మంచి ఫలితం అందుకున్నారు.

ఇప్పుడు రామాయణ కనక సూపర్ హిట్ టాక్ తెచ్చుకుంటే ఆటోమేటిక్ గా తర్వాత వచ్చే పార్ట్ 2కి విపరీతమైన హైప్ నెలకొంటుంది. రన్బీర్ కపూర్, సాయిపల్లవి, యష్, సన్నీ డియోల్, రకుల్ ప్రీత్ సింగ్, కాజల్ అగర్వాల్ లాంటి క్యాస్టింగ్ పబ్లిక్ లో అంచనాలు రేపుతోంది. అయితే ట్రైలర్ కు వచ్చిన మిక్స్డ్ రెస్పాన్స్ దృష్టిలో పెట్టుకుని త్వరలో మరో వెర్షన్ సిద్ధం చేస్తారని తెలిసింది. ఓవర్సీస్ మార్కెట్ లో గాడ్జిల్లా మైనస్ జీరో రూపంలో విపరీతమైన పోటీ ఉన్న నేపథ్యంలో రామాయణ టాక్ యునానిమస్ గా రావాల్సిందే.