మనోళ్లకు మండాడి అంతెందుకు నచ్చింది

నిన్నటి తమిళ కమెడియన్ ఇప్పటి హీరో సూరి తెలుగు రాష్ట్రాల్లో థియేటర్లు తిరుగుతూ ఆశ్చర్యానికి గురవుతున్నాడు. కారణం ప్రతి చోటా హౌస్ ఫుల్ బోర్డులు స్వాగతం పలకడం. మన భాష ఒక్క అక్షరం రాకపోయినా టాలీవుడ్ జనాలు కురిపిస్తున్న ప్రేమకు ఫిదా అయిపోయి హైదరాబాద్ నుంచి వైజాగ్ వెళ్ళిపోయి అక్కడి అభిమానులతో సంతోషాన్ని పంచుకున్నాడు. సుహాస్ వెనకనే ఉంటూ అన్నీ దగ్గరుండి చూసుకుంటున్నాడు. వీటి తాలూకు వీడియోలు సోషల్ మీడియాలో తిరుగుతున్నాయి.

ట్రేడ్ టాక్ ప్రకారం మండాడి ఏపీ తెలంగాణలో సుమారు తొమ్మిది కోట్ల దాకా గ్రాస్ వసూలు చేసిందట. అఫీషియల్ నెంబర్లు అన్ని లాంగ్వేజెస్ కలిపి 65 కోట్లని వేసుకున్నారు కానీ విడిగా డబ్బింగ్ ఎంత చేసిందనేది రివీల్ కాలేదు. ఎలా చూసినా సూరి, సుహాస్ ఇమేజ్ కి ఇది చాలా పెద్ద నెంబర్. అందులోనూ మనకు రెగ్యులర్ గా టచ్ చేయని సముద్ర నేపధ్యాన్ని తీసుకోవడం కంటెంట్ పరంగా రిస్క్ అనిపించింది. కానీ ఆ అనుమానాలన్నీ పటాపంచలయ్యాయి.

మనోళ్లకు మండాడిలో అంతగా నచ్చడానికి కారణాలు ఏంటనేది చూస్తే ఇరుముడి తర్వాత క్లాస్ మాస్ ఇద్దరినీ సంతృప్తి పరిచిన పూర్తి స్థాయి సినిమా రాలేదు. పైగా ఎపిక్ ఫస్ట్ సెమిస్టర్ కనీసం యూత్ ని కూడా మెప్పించలేకపోగా సర్దార్ 2 మొదటి ఆటకే చాప చుట్టేశాడు. ఇక మహేంద్రగిరి వారాహి బండి అంతంత మాత్రంగానే వెళ్తోంది. ఈ కారణంగా ఇప్పటికీ చాలా చోట్ల ఇరుముడినే వేగంగా ఫుల్స్ కావడం నిన్న మొన్న కనిపించిన అరుదైన ఘట్టాలు. ఇదంతా మండాడికి అడ్వాంటేజ్ గా మారింది.

ఇదే దూకుడు ఇకపై ఉంటుందని చెప్పలేం. మంగళవారం బుకింగ్స్ చూస్తే మన దగ్గర మండాడి నెమ్మదించింది. ఈ వారం ఒకటి రెండు కాదు ఆరేడు కొత్త రిలీజులు ఉన్నాయి కాబట్టి వాటి టాక్ ని బట్టి మళ్ళీ పికప్ అవ్వడం, అవ్వకపోవడం ఆధారపడి ఉంటుంది. ఆల్రెడీ బ్రేక్ ఈవెన్ దాటేయడంతో మైత్రి డిస్ట్రిబ్యూటర్లు సంతోషంగా ఉన్నారు. ఇకపై సూరి నటించబోయే సినిమాలకు మన దగ్గర కూడా మార్కెట్ ఏర్పడిపోయింది కాబట్టి హక్కుల ధరలు కూడా పెరుగుతాయి.