బుల్లితెర కాలక్షేపానికి ఢోకా లేదు

ఈ వారం థియేటర్లో కొత్త రిలీజులు అరడజను పైనే ఉన్నాయి. స్ట్రెయిట్, డబ్బింగ్ అన్నీ కలిపి వాటి వాటి స్థాయిలో ప్రమోషన్లు చేసుకుని ఆడియన్స్ ని మెప్పించేందుకు రెడీ అయ్యాయి. అయితే అక్కడిదాకా వెళ్లకుండా ఇంట్లోనే ఉండి వినోదాన్ని కోరుకునే ఓటిటి ఫ్యాన్స్ కి కూడా ఏ ఢోకా లేకుండా బోలెడు ఎంటర్ టైన్మెంట్ ని అందుబాటులోకి తెచ్చారు. ఈ మధ్య ఓటిటిలో కూడా అయితే అతివృష్టి లేదా అనావృష్టిగా పరిస్థితి మారిపోయింది. కంటెంట్ చూస్తే మీకే అర్థమవుతుంది.

వరుణ్ తేజ్ కి మంచి కంబ్యాక్ గా నిలిచిన ‘కొరియన్ కనకరాజు’ కేవలం ఇరవై ఎనిమిది రోజుల విండోతో బుల్లితెరపైకి వచ్చేసింది. నెట్ ఫ్లిక్స్ మంచి మొత్తం ఇచ్చి కొనుగోలు చేసింది. యాభై కోట్ల దాకా గ్రాస్ వసూలు చేసిన ఈ హారర్ డ్రామాని అన్ని ప్రధాన భాషల్లో అందుబాటులో ఉంచారు. ఊహించని విధంగా సర్ప్రైజ్ హిట్టు కొట్టిన ‘డిసి’ని సన్ నెక్స్ట్ స్ట్రీమింగ్ చేస్తోంది. లోకేష్ కనగరాజ్, వామికా గబ్బి జంటగా నటించిన ఈ యాక్షన్ క్రైమ్ థ్రిల్లర్ తమిళంలో కంటే తెలుగులో బాగా ఆడింది.

మాధవన్ నటించిన రియల్ లైఫ్ బయోపిక్ ‘జిడిఎన్’ థియేటర్లలో ఆదరణకు నోచుకోలేదు. గొప్ప వ్యక్తి జీవిత కథే అయినప్పటికీ దాన్ని ప్రెజెంట్ చేసిన తీరు అంత మెప్పించేలా లేకపోవడంతో ప్యాన్ ఇండియా భాషల్లో ఫ్లాప్ అయ్యింది. అయితే విమర్శకులు ఈ మూవీని కొట్టి పారేయలేదు. ట్రై చేయొచ్చనే రికమండ్ చేశారు. తాప్సి నటించిన ‘గాంధారి’తో పాటు మలయాళం మూవీ ‘ఉన్మాదం’ రెండూ తెలుగు డబ్బింగ్ తో పాటు అందుబాటులోకి వచ్చాయి.

ఇవి కాకుండా ప్రకాష్ రాజ్ ప్రధాన పాత్రలో సుస్మిత కొణిదెల నిర్మించిన ‘జగమే సంగీతం’, బాలీవుడ్ నుంచి ‘ధమాల్ 4’ తో పాటు రెండు రోజుల క్రితం అన్నపూర్ణ సంస్థ నిర్మించిన ‘పళ్ళబురుసు’ గుట్టు చప్పుడు కాకుండా ఓటిటిలో వచ్చేశాయి. సో కావాల్సినంత ఓపిక తీరిక ఉండాలి కానీ కాలు కదిపే అవసరం లేకుండా ఇన్నేసి ఆప్షన్లు తెచ్చి పెట్టారు. అయినా థియేటర్లకు కాంపిటీషన్ అన్నట్టు ఓటిటిలు కూడా తమ రిలీజులకు శుక్రవారం కాకుండా ఇంకో రోజు స్ట్రీమింగ్ పెట్టుకుంటే బెటరేమో.