ఇంకో నాలుగు రోజుల్లో రోమాంచకం విడుదల కానుంది. సుమంత్ ప్రభాస్ హీరోగా నటించిన ఈ సినిమాకు సందీప్ రెడ్డి వంగ నిర్మాతగా వ్యవహరించడంతో యూత్ లో కాసిన్ని అంచనాలైతే నెలకొన్నాయి. నిన్న జరిగిన ప్రీ రిలీజ్ ఈవెంట్ కి విజయ్ దేవరకొండ గెస్టుగా రావడం, చాలా విషయాలు పంచుకోవడం సోషల్ మీడియాలో బాగా రీచ్ తెచ్చుకున్నాయి. 8 వసంతాలు ఫేమ్ అనంతిక సనిల్ కుమార్ హీరోయిన్ గా నటించిన ఈ లవ్ ఎంటర్ కు వాసుకి వైభవ్ సంగీతం సమకూర్చారు.
ఒకరకంగా చెప్పాలంటే రోమాంచకంకు బాక్సాఫీస్ దగ్గర మంచి అవకాశం ఉంది. ఎందుకంటే ఇరుముడి ప్రభంజనం తర్వాత వచ్చిన సినిమాలేవీ నిలబడలేదు. క్లాసు మాస్ అందరికి అదొక్కటే ఛాయస్ అయిపోయింది. దానికి తగ్గట్టే రెండు వందల కోట్ల వైపు పరుగులు పెడుతోంది. టాక్సిక్ సంగతి మొదటి రోజే తేలిపోయింది. పది రోజులు టికెట్ హైక్స్ తీసుకున్న నిర్మాతలు దాన్ని అయిదు రోజులకే వదిలేయాల్సి వచ్చింది. నెగటివ్ ఇంపాక్ట్ ఆ స్థాయిలో ఉంది మరి.
సో కొత్త కంటెంట్ కోసం ఎదురు చూస్తున్న జనాలకు రోమాంచకం కనక సానుకూలంగా టాక్ తెచ్చుకుంటే మంచి వసూళ్లు రాబట్టుకోవచ్చు. స్వంత బ్యానర్ మీద తీసిన సినిమా కావడంతో సందీప్ వంగ బ్రదర్స్ ప్రత్యేక శ్రద్ధతో ప్రమోషన్లు చేస్తున్నారు. బోలెడు ఇంటర్వ్యూలు ఇచ్చారు. అవుట్ డోర్ పబ్లిసిటీ చేసుకున్నారు. దర్శకుడు వేణు గోపాల్ రెడ్డికి ప్రత్యేకంగా బ్రాండ్ లేకపోవడంతో తన పేరు మీదే మార్కెటింగ్ చేస్తున్నారు సందీప్ వంగ. నిన్న వేడుక అందులో భాగంగా జరిగిందే.
నెంబర్ పరంగా పోటీ అయితే ఉంది కానీ రోమాంచకం కనక పాజిటివ్ టాక్ తెచ్చుకుంటే ఈజీగా నిలదొక్కుకోగలదు. సెన్సార్ సమస్య వల్ల రంభ ఊర్వశి మేనక వస్తుందో రాదోననే అనుమానం ఇవాళ తీరనుంది. మలయాళ డబ్బింగ్ బెత్లేహమ్ కుటుంబ యూనిట్ మనోళ్లు ఎలా రిసీవ్ చేసుకుంటారో చూడాలి. దుల్కర్ సల్మాన్ ఐమ్ గేమ్ తో పాటు సౌండ్ చేయడానికి ట్రై చేస్తున్న సహ ఇప్పుడీ సెప్టెంబర్ మొదటి వారం రేసులో ఉన్నాయి. మరి రోమాంచకం ఈ ఛాన్స్ ఎలా వాడుకుంటుందో చూడాలి.
This post was last modified on August 31, 2026 10:17 am
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…