వకీల్‍ సాబ్‍లో చాలా షాక్‍లున్నాయ్‍!

‘వకీల్‍ సాబ్‍’ టీజర్‍ వస్తుందంటే కోర్టులో పవన్‍ వాదించే సీన్లు, హీరోయిన్లను వేధించే సన్నివేశాలకు సంబంధించిన సీన్లు వుంటాయని అనుకున్న వాళ్లకు టీజర్‍తో షాక్‍ తగిలింది. అసలు ‘పింక్‍’ను గుర్తు చేసే షాట్‍ ఒక్కటి కూడా లేకుండా పూర్తిగా పవన్‍ కళ్యాణ్‍ని మాత్రమే చూపించారు. ఇందులో మూడు, నాలుగు ఫైట్లు కూడా వుంటాయని తేల్చేసారు. శృతిహాసన్‍తో కలిసి పవన్‍ బైక్‍లో వెళుతోన్న పోస్టర్‍తో ఫ్లాష్‍బ్యాక్‍ కూడా బలంగానే వుంటుందని చూపించారు.

ఈ మార్పులు పవన్‍ క్యారెక్టర్‍ వరకే కాదు… ఇంకా ఎన్నో మార్పులు కూడా దర్శకుడు శ్రీరామ్‍ వేణు చేసాడట. పింక్‍లో హీరోయిన్ల నేపథ్యం ఏమీ చూపించరు. కానీ ఈ సినిమాలో మాత్రం అమ్మాయిలు అందరికీ ఒక నేపథ్యం, వాళ్ల స్థితిగతులు చూపిస్తారట. దాని వల్ల ఆ అమ్మాయిలు ఇలాంటి కేసులో ఇరుక్కున్నపుడు వాళ్ల ఇళ్లల్లో పెద్దవాళ్లు పడే మనోవేదన ఎలా వుంటుందనేది కూడా చూపించి ఎమోషనల్‍ డెప్త్ పెంచారట.

అమ్మాయిల తరఫున వాళ్ల తల్లిదండ్రులు కూడా మాట్లాడకపోతే వారి వైపు పవన్‍ మాట్లాడడం, అలా పేరెంట్స్లో కనువిప్పు తేవడం లాంటి సీన్లు బాగా పండాయట. పింక్‍ అనే కథను పవన్‍కళ్యాణ్‍ లాంటి సూపర్‍స్టార్‍ చేస్తే ఎలా వుండాలో ఆ విధంగా దర్శకుడు మార్చేసాడని, అందుకే ఒరిజినల్‍ చూసిన వాళ్లకు కూడా ఇది కొత్తగా అనిపించేలా వుంటుందని శ్రీ వెంకటేశ్వర క్రియేషన్స్ కాంపౌండ్‍లో వేణుని ఆకాశానికి ఎత్తేస్తున్నారు.