Movie News

టాక్సిక్ ఓపెనింగ్స్ ఏ స్థాయిలో ఉంటాయి

రేపు విడుదల కాబోతున్న టాక్సిక్ మీద అభిమానుల అంచనాలు ఓ రేంజ్ లో ఉన్నాయి. ఆశ్చర్యకరంగా హిందీ వెర్షన్ అమ్మకాలు బాగుండగా తర్వాతి స్థానాల్లో కన్నడ, తమిళం నిలుస్తున్నాయి. అయితే టికెట్ ధరల సందిగ్దత వల్ల ఇరవై నాలుగు గంటల ముందు కూడా ఏపీ తెలంగాణ బుకింగ్స్ మొదలుపెట్టకపోవడం ఆశ్చర్యం కలిగిస్తోంది. ఏ నిమిషమైనా ఓపెన్ చేస్తారు కానీ కనీసం రెండు మూడు రోజుల ముందే పెడితే రెవిన్యూ పరంగా ప్లస్ అయ్యేదన్న కామెంట్స్ ని కొట్టిపారేయలేం.

ఉదయం అయిదు గంటల నుంచే షోలు మొదలుపెట్టేలా ప్లానింగ్ జరుగుతోందని ట్రేడ్ టాక్. ఇరుముడి చాలా బలంగా ఉన్న టైంలో కేవలం అయిదు రోజుల గ్యాప్ తో టాక్సిక్ రావడం, పెద్ద ఎత్తున థియేటర్లను లాక్ చేసుకోవడం పట్ల సోషల్ మీడియాలో కొంత ప్రతికూలత కనిపిస్తోంది. ఏ భాషా సినిమాకైనా తెలుగు జనాల మద్దతు చాలా కీలకం. విశ్వనాథ్ అండ్ సన్స్, డిసి తమిళనాడు కంటే మన దగ్గర బాగా పెర్ఫార్మ్ చేసిన విషయాన్ని గుర్తు చేసుకోవాలి. కెజిఎఫ్ కూడా ఇంతే స్థాయిలో ఆడింది.

మొదటి రోజు ఎంత లేదన్నా ఎనభై నుంచి వంద కోట్ల దాకా టాక్సిక్ గ్రాస్ నమోదయ్యే అవకాశాలు పుష్కలంగా ఉన్నాయి. కాకపోతే టాక్ చాలా కీలకం కానుంది. యానిమల్, పుష్ప, దురంధర్ కు ఏ మాత్రం తగ్గకుండా ఉందనిపించుకుంటేనే బాక్సాఫీస్ అద్భుతాలు జరుగుతాయి. టీమ్ హైదరాబాద్ తో సహా అన్ని ప్రధాన నగరాల్లో ఈవెంట్లు పూర్తి చేసింది. యష్ తన శాయశక్తులా పబ్లిసిటీలో పాల్గొన్నాడు. కియారా అద్వానీ, రుక్మిణి వసంత్ ప్రతి చోటా కనిపిస్తున్నారు.

టాక్సిక్ కి డైరెక్టర్ బ్రాండ్ ఉపయోగపడటం లేదు. గీతూ మోహన్ దాస్ అవార్డు విన్నింగ్ దర్శకురాలే అయినప్పటికీ కమర్షియల్ సినిమాల పరంగా తను ఇంకా ప్రూవ్ చేసుకోలేదు. ఇప్పుడు ఏకంగా వందల కోట్ల ప్రాజెక్టు డీల్ చేసే అవకాశం దక్కింది. దీన్ని ఏ మేరకు సద్వినియోగం చేసుకుంటారనేది రేపు ఈపాటికి తెలిసిపోతుంది. యష్ డ్యూయల్ రోల్ చేసిన ఈ గ్యాంగ్ స్టర్ డ్రామాలో నయనతార మరో ముఖ్యమైన పాత్ర పోషిస్తోంది. బాలీవుడ్ లో ఆవారాపన్ 2 నెమ్మదించడం టాక్సిక్ కి ప్లస్ కానుంది.  

This post was last modified on August 25, 2026 10:22 am

Share

Recent Posts

బ్రిటిష్ పౌరసత్వం వచ్చినా… ఇక్కడ కేసులు పోవు లలిత్ మోదీ

ఒకప్పుడు భారత క్రికెట్‌లో లలిత్ మోదీ మాటకు ఎంతో విలువ ఉండేది. ఐపీఎల్‌ను ప్రారంభించి బీసీసీఐకి భారీ ఆదాయం వచ్చేలా…

59 minutes ago

రమ్యకృష్ణ, కృష్ణవంశీ విడిపోలేదు కానీ..

లెజెండరీ డైరెక్టర్ కృష్ణవంశీ, సీనియర్ నటి రమ్యకృష్ణల వివాహ బంధం గురించి జనాలకు అనేక సందేహాలున్నాయి. వీళ్లిద్దరూ కలిసి జీవిస్తున్న…

1 hour ago

క్యాన్సర్ ఫైట్‌లో కొత్త టెక్నాలజీ.. 95 వేల ఖర్చు!

క్యాన్సర్ చికిత్సలో దశాబ్దాలుగా కొనసాగుతున్న పరిశోధనలు ఇప్పుడు సరికొత్త మలుపు తిరుగుతున్నాయి. వ్యాధిని గుర్తించడం, కణితులను తొలగించడం, కీమోథెరపీ, రేడియేషన్…

2 hours ago

కీర్తి సురేష్‌కు మళ్ళీ సావిత్రి కలిసి వస్తుందా

మహానటి వచ్చి ఎనిమిది సంవత్సరాలు గడిచిపోయాయి. అయినా సరే దాని ప్రభావం ఇండస్ట్రీ మీద ఇంకా చూస్తూనే ఉంటాం. ఆ…

3 hours ago

బన్నీతో బోయపాటి… మాస్టర్ ప్లాన్ అంటే ఇది

ఐకాన్ స్టార్ అల్లు అర్జున్, దర్శకుడు బోయపాటి శీను కలయికతో గతంలో సరైనోడు వచ్చింది. బన్నీ మాస్ ఇమేజ్ అమాంతం…

3 hours ago

వామ్మో… ఇన్ని తుఫానులను తట్టుకునేది ఎలా?

ఆంధ్రప్రదేశ్ ప్రజలకు ప్రకృతి మరోసారి పరీక్ష పెట్టబోతోందా? ఇప్పటికే రెండు తుఫానుల ప్రభావంతో అతలాకుతలమైన రాష్ట్రానికి ఇప్పుడు మూడో తుఫాను…

4 hours ago