రవితేజ పోటీని యష్ తట్టుకోవాలంటే

ఒకపక్క ఇరుముడి విరగాడేస్తోంది. వీకెండ్ టికెట్లు దొరక్క అల్లాడిపోతున్న ప్రేక్షకులు లక్షల్లో ఉన్నారు. ఇచ్చిన థియేటర్లు సరిపోక వేరే సినిమాలవి తీసి మరీ సర్దాల్సి వస్తోంది. అయినా సరే తక్కువ స్క్రీన్లు ఉన్న బిసి సెంటర్ల లో ఈ సమస్య తీవ్రంగానే ఉంది. ఇంత సునామిని ఊహించలేని బయ్యర్లు ఒప్పేసుకుంటున్నారు. ఏదో హిట్ అనుకున్నాం కానీ బ్లాక్ బస్టర్ మించిపోయే రేంజ్ లో పెర్ఫార్మ్ చేయడం మాటలకు అందటం లేదు. కనీసం రెండు వారాలు ఈ జోరు కొనసాగేలా ఉంది.

ఇలాంటి టైంలో వారం తిరక్కుండానే టాక్సిక్ ఆగస్ట్ 26 వచ్చేస్తోంది. శుక్రవారం సంప్రదాయానికి భిన్నంగా బుధవారం విడుదలని ఎంచుకోవడం ద్వారా నిర్మాతలు లాంగ్ వీకెండ్ ని టార్గెట్ చేశారు. అయితే ఇరుముడి ఊపులో అందులోనూ ముత్యాల పల్లకి పాట కోసమే మళ్ళీ చూస్తున్న ఆడియన్స్ ప్రవాహంలో వాళ్ళను టాక్సిక్ వైపు తిప్పడం అంత సులభంగా ఉండదు. ముఖ్యంగా వయొలెన్స్ ఎక్కువగా ఉన్న టాక్సిక్ వైపు రెగ్యులర్ ఆడియన్స్ ని టర్న్ చేయాలంటే యష్ వాడుకోవాల్సిన ఆయుధం టాక్.

పబ్లిక్ యునానిమస్ గా ఉంటేనే టాక్సిక్ కు సపోర్ట్ దక్కుతుంది. ఒకవేళ టికెట్ రేట్ల పెంపు తీసుకొచ్చి వారం పది రోజులు హైక్స్ తెచ్చుకుంటే కనక అది ఇరుముడికే ప్లస్ అయ్యే ఛాన్స్ లేకపోలేదు. ఎందుకంటే పెద్ది తర్వాత ఏ ఒక్క టాలీవుడ్ సినిమా ఏపీ తెలంగాణలో పెంపుకు వెళ్ళలేదు. అలాంటిది ఒక డబ్బింగ్ మూవీ తీసుకుంటే ఎంతో కొంత ప్రతికూలత అయితే వస్తుంది. దాన్ని తట్టుకోవాలన్నా టాక్సిక్ అదిరిపోయిందనే మాట కన్నా తక్కువ తెచ్చుకోకూడదు.

ఇరుముడిలోనూ క్రైమ్ ఎలిమెంట్స్, రివెంజ్ ఉన్నప్పటికీ తండ్రి కూతురి సెంటిమెంట్, రెండు అయ్యప్ప పాటలు, ఎమోషన్లు బాగా వర్కౌట్ అయ్యాయి. అందుకే సిల్లీ అనిపించే కొన్ని లాజిక్స్ ని దర్శకుడు శివ నిర్వాణ క్రియేటివ్ లిబర్టీ పేరుతో వదిలేసినా జనం పట్టించుకోలేదు. గన్నులు, రక్తపాతం, రొమాన్స్ తో నిండిపోయిన టాక్సిక్ ముఖ్యంగా మాస్, యూత్ ని మెప్పించగలిగితే ఇరుముడి వేవ్ లోనూ నిలబడొచ్చు. ఎర్లీ ప్రీమియర్లు వేస్తారని టాక్ ఉంది. రేపు క్లారిటీ రావొచ్చు.