నాగచైతన్య నటిస్తున్న మిథికల్ అడ్వెంచర్ ‘వృషకర్మ’ రిలీజ్ డేట్ మీద గత కొద్ది రోజులుగా రకరకాల వార్తలు వినిపిస్తున్నాయి. ఈ సినిమా దసరా బరిలో ఉంటుందని ఒకసారి, కాదు వాయిదా పడిందని మరోసారి టాక్ నడిచింది. అయితే ఇప్పుడు ఈ కన్ఫ్యూజన్కు దర్శకుడు కార్తీక్ వర్మ దండు ఓ ఎండ్ కార్డ్ పెట్టేశాడు. వైజాగ్లో షూటింగ్ జరుగుతున్న గ్యాప్లో అక్కినేని ఫ్యాన్స్ను కలిసిన డైరెక్టర్.. సినిమా రిలీజ్ మీద ఓపెన్ గా క్లారిటీ ఇచ్చేశాడు.
టీమ్ ముందున్న మెయిన్ టార్గెట్ దసరానే అని కార్తీక్ చెప్పాడు. అయితే అది ముందే ఫిక్స్ చేసుకున్న డేట్ ఏమీ కాదు. మిథికల్ కథ కావడంతో సినిమాలో గ్రాఫిక్స్ చాలా కీలకం. ఆ వీఎఫ్ఎక్స్ వర్క్ అనుకున్న క్వాలిటీతో టైమ్కి పూర్తయితే 90 శాతం దసరాకే వస్తామని స్పష్టం చేశాడు. ఒకవేళ విజువల్స్ విషయంలో ఇంకా టైమ్ పడుతుంది అనుకుంటే మాత్రం సినిమాను డిసెంబర్కు షిఫ్ట్ చేస్తామని ఎలాంటి దాపరికాలు లేకుండా ఫ్యాన్స్కు చెప్పేశాడు.
మామూలుగా అయితే పెద్ద సినిమాలకు ముందే డేట్ లాక్ చేసి పోస్ట్ ప్రొడక్షన్ మీద ప్రెజర్ పెడుతుంటారు. కానీ ‘వృషకర్మ’ టీమ్ మాత్రం విజువల్స్ క్వాలిటీ చూసుకున్నాకే డేట్ ఫైనల్ చేయాలని ఫిక్స్ అయ్యారు. ఆల్రెడీ రిలీజ్ చేసిన గ్లింప్స్లో ఒక భారీ సెటప్, మిస్టరీ టోన్ చూపించారు. ఆ మ్యాజిక్ థియేటర్లలో వర్కవుట్ అవ్వాలంటే గ్రాఫిక్స్ పర్ఫెక్ట్ గా ఉండాలి. అందుకే డేట్ కోసం సినిమా అవుట్ పుట్ ను పాడుచేసుకునే ఉద్దేశం మేకర్స్ కు లేదని ఈ మాటలతో అర్థమైపోతోంది.
ఇదే ఫ్యాన్స్ మీటింగ్ లో కార్తీక్ సినిమా స్కేల్ మీద చాలా కాన్ఫిడెంట్ గా కనిపించాడు. ముఖ్యంగా నాగచైతన్య అభిమానులకు కావాల్సిన ఒక కిక్కిచ్చే అప్డేట్ కూడా ఇచ్చాడు. సినిమాలో చైతూ టైటిల్ కార్డ్ పడేటప్పుడు ‘యువసామ్రాట్’ అనే ట్యాగ్ కచ్చితంగా ఉంటుందని కన్ఫర్మ్ చేశాడు. స్క్రీన్ ప్లే చాలా కొత్తగా ఉంటుందని, అజనీష్ లోకనాథ్ బ్యాక్ గ్రౌండ్ స్కోర్ సినిమాను వేరే లెవెల్ కు తీసుకెళ్తుందని చెప్పుకొచ్చాడు.
ప్రస్తుతం ‘వృషకర్మ’ షూటింగ్ వైజాగ్ లో ఫుల్ స్వింగ్ లో జరుగుతోంది. ఈ సినిమాలో చైతూ అర్జున్ అనే ట్రెజర్ హంటర్ పాత్రలో నటిస్తుండగా, స్పర్శ్ శ్రీవాస్తవ ఒక ఇంపార్టెంట్ రోల్ ప్లే చేస్తున్నాడు. బీవీఎస్ఎన్ ప్రసాద్ ఈ భారీ చిత్రాన్ని నిర్మిస్తున్నాడు. ఇక ‘వృషకర్మ’ దసరాకి వస్తుందా అంటే.. రావాలనే టీమ్ గట్టిగా ట్రై చేస్తోంది. కానీ ఫైనల్ డెసిషన్ మాత్రం గ్రాఫిక్స్ అవుట్ పుట్ మీదే డిపెండ్ అయి ఉంది. లేదంటే డిసెంబర్.
This post was last modified on August 16, 2026 10:47 am
నిన్న స్వాతంత్ర దినోత్సవ సందర్భంగా వచ్చిన నేషనల్ హాలిడే బాక్సాఫీస్ కు సూపర్ గా కలిసి వచ్చింది. మాములుగానే వీకెండ్…
'ఫౌజీ' సినిమా నుంచి ఇప్పటిదాకా వచ్చిన పోస్టర్లు చూస్తుంటే మేకర్స్ ఇంటెన్షన్ క్లియర్ గా అర్థమవుతోంది. ప్రభాస్ ను సాఫ్ట్…
ఎన్నికల్లో నోట్లు పంపిణీ చేస్తేనే ఓట్లు వేయడం మామూలైపోయింది. గత కొన్నేళ్లుగా ఈ దుస్సాంప్రదాయం పెరిగిపోయింది. దీంతో నిజంగా ప్రజలకు…
స్వాతంత్ర్య దినోత్సవ వేడుకల్లో ఢిల్లీలోని కాంగ్రెస్ పార్టీ కార్యాలయం నుంచి వచ్చిన ఒక వీడియో ఇప్పుడు వివాదానికి కేంద్రంగా మారింది.…
కాక్రోచ్ జనతా పార్టీ(సీజేపీ) అధినేత అభిజిత్ దీప్కే ఇటీవల ప్రకటించిన `పాఠశాలల అభివృద్ధి` కార్యక్రమానికి 80వ స్వాతంత్ర దినోత్సవం వేడుకలే…
స్వాతంత్ర్య దినోత్సవాన్ని పురస్కరించుకొని దేశమంతా జాతీయ పతాకాన్ని ఎగరేయడం జరిగింది. ఆంధ్రప్రదేశ్ ముఖ్యమంత్రి చంద్రబాబు అమరావతి లోని రాయపూడి గ్రౌండ్స్…