Movie News

చెన్నై లవ్ స్టోరీ… ‘సమ్’తృప్తేనా?

డివైడ్ టాక్ తెచ్చుకున్న చిన్న సినిమాలు థియేటర్లలో బలంగా నిలబడ్డం అంటే చిన్న విషయం కాదు. చెన్నై లవ్ స్టోరీ ఈ జాబితాలోకే చేరింది. రెండు వారాల ముందు ఈ చిత్రానికి రిలీజ్‌ ముందు రోజే పెయిడ్ ప్రిమియర్స్ వేశారు. ఆ షోల నుంచి అంత గొప్ప టాకేమీ రాలేదు. సెకండాఫ్ విషయంలో బాగా నెగెటివ్ టాక్ వచ్చింది. ఓవరాల్‌గా సినిమా యావరేజ్ అనే అన్నారు. కానీ ఈ చిత్రం డివైడ్ టాక్‌ను తట్టుకుని బలంగానే నిలబడింది.

తొలి వీకెండ్లో అంచనాలను మించి వసూళ్లు రాబట్టింది. తర్వాత కలెక్షన్లు కొంచెం తగ్గుముఖం పట్టినా.. రెండో వీకెండ్లో పుంజుకుంది. ‘స్పైడర్ మ్యాన్’ పోటీని కూడా తట్టుకుని మంచి షేర్ కలెక్ట్ చేసింది. ఇప్పుడీ సినిమా థియేట్రికల్ రన్ దాదాపుగా ముగింపుకి వచ్చేసింది. ఈ వారం ‘కొరియన్ కనకరాజు’ లాంటి క్రేజీతో పాటు ఇంకో రెండు సినిమాలు వస్తున్నాయి కాబట్టి.. ‘చెన్నై లవ్ స్టోరీ’కి చెప్పుకోదగ్గ వసూళ్లు రాకపోవచ్చు.

‘చెన్నై లవ్ స్టోరీ’ ఇప్పటికే రూ.50 కోట్ల గ్రాస్ మార్కును టచ్ చేసినట్లు మేకర్స్ ప్రకటించారు. ఈ సినిమా రూ.25 కోట్ల మేర షేర్ రాబట్టిందని ట్రేడ్ వర్గాల అంచనా. ఈ సినిమా రేంజికి అది డీసెంటే. సినిమాను కొన్ని బయ్యర్లందరూ బ్రేక్ ఈవెన్ అయ్యారు. కొంత లాభాలూ అందుకున్నారు. నిర్మాతలకూ లాభాలు వచ్చాయి.

కొన్ని ఏరియాలను అమ్మేసి, కొన్ని ఏరియాల్లో సొంతంగా రిలీజ్ చేసుకుని ఓవరాల్‌గా రూ.10 కోట్లకు తక్కువ కాకుండా లాభం అందుకున్నారు. కానీ ‘బేబి’ కాంబినేషన్ నుంచి వచ్చిన సినిమాతో ఇంకా మంచి ఫలితం అందుకోవాల్సిందనే అభిప్రాయం వ్యక్తమవుతోంది.

ఒక బ్లాక్ బస్టర్ మూవీ తీసిన మేకర్స్ నుంచి వచ్చిన సినిమా ఇది. పైగా హీరో మార్కెట్ కూడా యాడ్ అయింది. అంటే సినిమా ఇంకా పెద్ద రేంజికి వెళ్లాలి. లేదా ‘బేబి’కి దగ్గరగా అయినా వసూళ్లు రాబట్టాలి. కానీ అలా జరగలేదు.

మేకర్స్ ‘కల్ట్ క్లాసిక్’ అంటూ ఊదరగొట్టారు కానీ.. ఆ స్టేటస్‌కు దగ్గర్లో కూడా గుర్తింపు తెచ్చుకోలేదు. వచ్చిన టాక్‌తో పోలిస్తే మెరుగైన వసూళ్లు సాధించిందన్న మాటే కానీ.. మేకర్స్ అంచనా వేసినట్లు ఈ చిత్రం బాక్సాఫీస్ దగ్గర అద్భుతాలు చేయలేదు. అలాగే ఒక మరపురాని చిత్రంగానూ గుర్తింపు తెచ్చుకోలేదు. ఫైనల్‌గా చెప్పాలంటే.. ‘చెన్నై లవ్ స్టోరీ’ మేకర్స్‌కు ‘సమ్’తృప్తే మిగిల్చింది.

This post was last modified on August 5, 2026 11:18 pm

Share

Recent Posts

2018 టాంపరింగ్ గొడవ… వార్నర్ ఒకవైపు, కమిన్స్ మరోవైపు!

ఆస్ట్రేలియా క్రికెట్‌ను కుదిపేసిన శాండ్‌పేపర్ వివాదం ఎనిమిదేళ్ల తర్వాత మళ్లీ మొదలైంది. 2018లో జరిగిన బాల్ ట్యాంపరింగ్ గురించి మాజీ…

1 hour ago

దేవాంశ్‌ సినిమాల్లోకి వెళతాడేమో అని భయంగా వుంది

తన తాత ముత్తాతల ప్రభావంతో దేవాంశ్‌ కూడా సినిమాల వైపు వెళతాడేమోనని భయంగా వుందని మంత్రి నారా లోకేష్ చెప్పిన…

2 hours ago

ఒక మగాడి బలహీనత వల్ల లక్షల కోట్ల సామ్రాజ్యం కుదేలు

ఏఐ రంగంలో ఎన్విడియా పేరు తెలియనివాళ్లు ఉండరు. ప్రపంచంలోని పెద్ద పెద్ద టెక్నాలజీ కంపెనీలకు అవసరమైన చిప్స్ అందిస్తున్న ఈ…

2 hours ago

అందరూ చేయందించడం అర్జున అదృష్టం

నిన్న రాత్రి హైదరాబాద్ ఏఎంబీ మల్టీప్లెక్సులో వేసిన ఇట్లు అర్జున ప్రీమియర్ షోకు దాదాపు టాలీవుడ్ మొత్తం హాజరయ్యిందేమో అన్నంత…

2 hours ago

రామసీత రావణుల్లో ఎవరికి లాభం

రామాయణ పార్ట్ 1 బాక్సాఫీస్ వద్ద స్టడీగా ఉంది. వీక్ డేస్ లో నెమ్మదించినప్పటికీ వెయ్యి కోట్ల మార్కు అందుకుంది.…

3 hours ago

స్టూడియో కూర్చుని సినిమా తీసేశారా?

దేశభక్తి సినిమాలు బాగా సేల్ అవుతున్నాయని ఏ ముహూర్తాన సల్మాన్ ఖాన్ ‘బ్యాటిల్ ఆఫ్ గాల్వాన్’ సినిమా చేద్దామనుకున్నాడో కానీ.. అది…

3 hours ago