తమిళ సినిమాల్లో నంబర్ వన్ స్థాయిలో ఉంటూ రాజకీయాల వైపు అడుగులేసిన విజయ్ సినీ రంగాన్ని ఖాళీ చేస్తూ చేసిన చివరి చిత్రం.. జననాయగన్. ఆయనకు ఎవరు సలహా ఇచ్చారో ఏమో కానీ.. లాస్ట్ మూవీ కోసం ఒక రీమేక్ను ఎంచుకున్నారు. ఎంచుకుంటే ఎంచుకున్నాడు దాన్ని ఉన్నదున్నట్లుగా తీసి ఉన్నా బాగుండేది. కానీ భగవంత్ కేసరి లాంటి మంచి కథను చెడగొట్టి అర్థం పర్థం లేని పాత్రలు, ట్రాక్లు జోడించారు. వాటి వల్ల సినిమా పేలవంగా తయారైంది.
అసలే సినిమా బాలేదంటే.. అది విపరీతంగా ఆలస్యం అయింది. పైగా ఆన్ లైన్లో ముందే లీక్ అయింది. ఇవన్నీ చాలవన్నట్లు ఫ్యామిలీ ఆడియన్స్ను నిరుత్సాహపరిచేలా సినిమాకు ఎ సర్టిఫికెట్ ఇచ్చారు. ఇన్ని ప్రతికూలతను అధిగమించి సినిమా రిలీజైతే బ్యాడ్ టాక్ వచ్చింది. అయినా సరే.. కేవలం విజయ్ స్టార్ పవర్ సినిమాను కాపాడుతోంది.
వీకెండ్లో ఈ సినిమా వరల్డ్ వైడ్ రూ.200 కోట్లకు దగ్గరగా గ్రాస్ వసూళ్లు రాబట్టింది. ఎన్నో ప్రతికూలతల మధ్య రిలీజై, బ్యాడ్ టాక్ తెచ్చుకున్న సినిమాతో ఇలాంటి వసూళ్లు రాబట్టడం విజయ్కే చెల్లింది.
ఒకవేళ విజయ్ తన చివరి చిత్రం కోసం రీమేక్ మీద ఆధారపడకుండా, స్ట్రెయిట్ మూవీ చేసి ఉంటే, అందులో బలమైన కంటెంట్ ఉండుంటే.. ఆ చిత్రం బాక్సాఫీస్ ఎలాంటి అద్భుతాలు చేసేదో ఊహించడం కూడా కష్టమే.
‘జననాయగన్’ తీసిన హెచ్.వినోద్ మంచి విషయం ఉన్న దర్శకుడే. కెరీర్ ఆరంభంలో శతురంగ వేట్టై, ఖాకి చిత్రాలతో అతను గొప్ప పేరు సంపాదించాడు. విజయ్ అభిరుచికి, రాజకీయ ప్రయోజనాలకు తగ్గట్లుగా ‘భగవంత్ కేసరి’ని రీమేక్ చేయడంలో అతను తీవ్రంగా తడబడ్డాడు.
వినోద్కు స్వేచ్ఛనిచ్చి స్ట్రెయిట్ మూవీనే చేయించి ఉంటే కచ్చితంగా విజయ్ వీడ్కోలు సినిమాను మరపురానిదిగా మార్చేవాడే.
తుపాకి, కత్తి, మెర్సల్ స్థాయిలో విజయ్ బలమైన కంటెంట్ ఉన్న సినిమా చేసి ఉంటే మాత్రం తమిళ సినిమాల కలెక్షన్ల రికార్డులన్నీ బద్దలైపోయేవి. కోలీవుడ్కు తొలి వెయ్యి కోట్ల సినిమా కూడా దక్కి ఉన్నా ఆశ్చర్యం లేదు. ‘లియో’ లాంటి మూవీతోనూ రూ.600 కోట్ల వసూళ్ల మార్కును అందుకున్న ఫాలోయింగ్ విజయ్ది. అలాంటిది సినీ రంగానికి గుడ్బై చెబుతూ ఒక బ్లాక్బస్టర్ మూవీ చేసి ఉంటే ఆ చిత్రం మామూలు సంచలనం అయ్యేది కాదు.
This post was last modified on July 27, 2026 10:43 am
చిరంజీవి పుట్టినరోజు ఇంకో ఆరు రోజుల్లో రానుంది. రెండు కీలక అప్డేట్స్ కోసం అభిమానులు ఎదురు చూస్తున్నారు. మెగా 158…
ఇంకో పది రోజుల్లో టాక్సిక్ విడుదల కానుంది. కెజిఎఫ్ తర్వాత సుమారు నాలుగేళ్ల విలువైన కాలాన్ని దీని కోసమే ఖర్చు…
ఏపీలో వచ్చే సెప్టెంబరులో నిర్వహించాలని భావిస్తున్న స్థానిక సంస్థల ఎన్నికలను బ్యాలెట్ విధానంలోనే నిర్వహించాలని రాష్ట్ర ఎన్నికల సంఘం నిర్ణయించింది. దీంతో…
తెలంగాణాలో స్థానిక ఎన్నికలు దగ్గర పడుతున్న కొద్ది అధికార, ప్రతిపక్ష పార్టీల మధ్య విమర్శలు జోరందుకుంటున్నాయి. దీంతో రాజకీయ వేడి రాజుకుంటుంది.…
విజయనగరం జిల్లాలోని భోగాపురంలో అధునాతన వసతులతో నిర్మించిన అల్లూరి సీతారామరాజు అంతర్జాతీయ గ్రీన్ ఫీల్డ్ విమానాశ్రయం కార్యకలాపాలు ఆదివారం అర్ధరాత్రి…
బండ్ల గణేష్ అనే నటుడు ఎప్పుడూ తెలుగులో పెద్ద పాత్రలు చేసింది లేదు. నటుడిగా అతడిది గొప్ప కెరీర్ కాదు.…