1997 వినీత్, సౌందర్య జంటగా ఆరో ప్రాణం అనే సినిమా వచ్చింది. మంచి హిట్. చక్కని పాటలతో పాటు క్లిష్టమైన పాయింట్ ని హ్యాండిల్ చేసిన విధానం జనాలకు నచ్చింది. అందులో హీరో కన్నా హీరోయిన్ వయసు పెద్దది. అందుకే కుటుంబాల వైపు నుంచి అభ్యంతరాలు వస్తాయి. వాటిని దాటుకుని ప్రేమకథ ఎలా గెలిచిందనేది అసలు పాయింట్. అప్పట్లో సచిన్ టెండూల్కర్ దంపతులను చూసే దర్శకుడు వీరు ఈ కథను రాసుకున్నారని మీడియా కథనాలు వచ్చాయి.
తర్వాత ఈ బ్యాక్ డ్రాప్ లో వచ్చిన చిత్రాలు చాలా తక్కువ. ఆగస్ట్ 14 దీనికి వేదిక కానుంది. ఆ రోజు విడుదల కానున్న విశ్వనాథ్ అండ్ సన్స్ లో నలభై వయసు దాటిన సూర్యని పాతికేళ్ల అమ్మాయి మమిత బైజు ప్రేమిస్తుంది. ఏ మాత్రం కన్విన్సింగ్ గా అనిపించని ఈ సబ్జెక్టుని దర్శకుడు వెంకీ అట్లూరి చాలా సెన్సిబుల్ గా తెరకెక్కించారని ఇన్ సైడ్ టాక్. 1991 అనిల్ కపూర్, శ్రీదేవి జంటగా వచ్చిన లమ్హే దీనికి స్ఫూర్తిగా చెప్పుకోవచ్చు. ఒక ఇంటర్వ్యూలో వెంకీ స్వయంగా ఆ విషయాన్ని పంచుకున్నారు.
సరిగ్గా అదే రోజు తమిళ హీరో కెవిన్, నయనతార జంటగా హాయ్ రాబోతోంది. చిన్న టీజర్ ద్వారా డేట్ కన్ఫర్మ్ చేశారు. ఇందులో కెవిన్, నయన్ మధ్య ఏజ్ డిఫరెన్స్ ఉంటుంది. అయినా సరే ఇద్దరూ ఎలా లవ్ లో పడ్డారు, లేదా వేరే ఏదైనా ట్విస్టు ఉందానేది తెర మీద చూడాలి. రెండు సినిమాలు ఫ్యామిలీ బ్యాక్ డ్రాప్ లో రామ్ కామ్స్ గా రూపొందటం విశేషం. కమర్షియల్ అంశాలకు దూరంగా ఎమోషన్స్ కు పెద్ద పీఠ వేస్తూ వీటిని ఒకేసారి రిలీజ్ చేయనుండటం కాకతాళీయం.
ఒకవేళ ఇవి విజయం సాధిస్తే ఇలాంటి ప్రయత్నాలు మరిన్ని జరుగుతాయని చెప్పొచ్చు. తెరమీద జంటగా కనిపించే హీరో హీరోయిన్ మధ్య ఎంతైనా వయసు వ్యత్యాసం ఉండొచ్చు. ఆడొచ్చు, పాడొచ్చు, పెళ్లి చేసుకోవచ్చు. కానీ పాత్రల మధ్య సంబంధాల పరంగా ఏజ్ డిఫరెన్స్ చూపిస్తేనే ప్రేక్షకులు అంత సులభంగా రిసీవ్ చేసుకోలేరు. లమ్హే అందుకే ఫ్లాప్ అయ్యింది. మరి ఆగస్ట్ 14 వీటిని సక్సెస్ చేయించడం ద్వారా ఒక కొత్త జానర్ కి దారి వేస్తుందేమో చూడాలి.
This post was last modified on July 21, 2026 1:03 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…