సినిమాకు హైప్ తీసుకురావడంలో ఒక్కో దర్శకుడిది ఒక్కో స్టైల్. ముఖ్యంగా పాన్ ఇండియా స్థాయిలో గుర్తింపు తెచ్చుకున్న దర్శకులు తమ సినిమాల అప్‌డేట్స్ ఇచ్చే విషయంలో రకరకాల వ్యూహాలు ఫాలో అవుతుంటారు. అమెరికా చార్లెట్ నగరంలో జరిగిన తెలంగాణ అమెరికన్ తెలుగు అసోసియేషన్ (TTA) మెగా కన్వెన్షన్ లో సందీప్ రెడ్డి వంగా మాట్లాడిన తీరు ఇండస్ట్రీలో హాట్ టాపిక్ గా మారింది. ఎలాంటి హడావుడి లేకుండా సినిమా స్టేటస్ ను ఆయన ఓపెన్ గా చెప్పేయడం అందరినీ ఆశ్చర్యపరిచింది.
అయితే దర్శకధీరుడు రాజమౌళి సినిమా అప్‌డేట్స్ విషయంలో చాలా పక్కాగా ఉంటారు. ఒక ప్రాజెక్ట్ నడుస్తున్నప్పుడు వేరే ఈవెంట్లలో లేదా ఇతర సినిమాల వేడుకల్లో అసలు విషయాలు రివీల్ చేయడానికి ఆయన అస్సలు ఇష్టపడరు. ఎవరైనా అప్‌డేట్ గురించి ప్రశ్నిస్తే టాపిక్ డైవర్ట్ చేస్తూ సమాధానాలు ఇస్తుంటారు. సినిమా ప్రమోషన్స్ కోసం ప్రత్యేకంగా ప్రెస్ మీట్లు పెట్టినప్పుడు మాత్రమే అధికారికంగా వివరాలు వెల్లడించడం రాజమౌళి అనుసరించే ఒక ప్రత్యేకమైన స్ట్రాటజీ. ముఖ్యంగా ఆయన సినిమాలో నటించే వారు, వర్క్ చేసేవారికి కూడా ముందే లీక్స్ ఇవ్వకండి అంటూ రూల్స్ పెట్టేస్తారు.
కానీ సందీప్ రెడ్డి వంగా రూట్ దీనికి పూర్తిగా భిన్నంగా ఉంటుంది. ఆయన ఎక్కడికి వెళ్లినా, ఏ సందర్భంలోనైనా సరే అభిమానులు అడగ్గానే కాదు లేదు అనకుండా సూటిగా సమాధానం చెప్పేస్తున్నారు. గతంలో కూడా షూటింగ్ ఎప్పుడు స్టార్ట్ అవుతుంది, స్టార్ కాస్ట్ ఎవరనే విషయాలను చాలా నార్మల్ గా వేరే ఈవెంట్స్ లోనే షేర్ చేసుకున్నారు. ఈ అమెరికా ఈవెంట్ లో కూడా ప్రభాస్ స్పిరిట్ సినిమాకు సంబంధించి 40 శాతం షూటింగ్ అయిందని, అక్టోబర్ లేదా నవంబర్ లో 10 రోజుల పాటు యాక్షన్ బ్లాక్స్ తీయబోతున్నారనే క్రేజీ డీటెయిల్స్ ను సింపుల్ గా చెప్పేశారు.
సినిమా అనేది కంటెంట్ తోనే క్లిక్ అవ్వాలని, దానికి అనవసరమైన సస్పెన్స్ లు అవసరం లేదని నమ్మే వ్యక్తి వంగా. అందుకే అడిగిన వెంటనే ఎలాంటి దాపరికం లేకుండా అప్‌డేట్స్ ఇస్తూ ఆడియన్స్ లో క్యూరియాసిటీ పెంచుతుంటారు. రాజమౌళి ఒక పద్ధతి ప్రకారం పబ్లిసిటీని బిల్డ్ చేస్తే, వంగా మాత్రం కన్వెన్షనల్ పద్ధతులకు దూరంగా తనదైన ఓపెన్ టాక్ తో హైప్ క్రియేట్ చేస్తారు. ఏదేమైనా ఈ ఇద్దరిదీ సక్సెస్ ఫుల్ స్ట్రాటజీనే అనడంలో ఎలాంటి సందేహం లేదు. రాజమౌళి ఫాలో అయ్యే సీక్రెట్ మైంటైన్ చేసే విధానం ఒక రకమైన క్రేజ్ తెస్తే, వంగా ఫాలో అయ్యే బోల్డ్ అప్రోచ్ డిఫరెంట్ వైబ్ ను క్రియేట్ చేస్తుంది.
This post was last modified on July 21, 2026 9:37 am
రాప్తాడు జడ్పీ హైస్కూల్లో ఓ బాలికపై ఒక ఉన్మాది పాశవికంగా దాడి చేసిన వైనం సంచలనం రేపిన సంగతి తెలిసిందే.…
గత శుక్రవారం రిలీజైన ‘ఆదర్శ కుటుంబం’ సినిమా యావరేజ్ టాక్ తెచ్చుకున్నప్పటికీ వీకెండ్లో మంచి వసూళ్లే రాబట్టింది. ఐతే ఈ…
వైసీపీ మాజీ రాజ్యసభ సభ్యుడు విజయసాయి రెడ్డి పార్టీ ఏర్పాటు ముహూర్తం చర్చగా మారడం తెలిసిందే. విజయసాయి వైసీపీలోనూ, జగన్…
సంతోషంలో చాలా మంది చుట్టూ చేరుతారు, ఆపదలో వున్నప్పుడు అండగా నిలబడేది స్నేహితుడు ఒక్కడే. ఆ సత్యాన్ని అక్షరాలా నిరూపించింది…
మురసు తుఫాన్ ముప్పు పొంచి ఉన్న నేపథ్యంలో ముఖ్యమంత్రి నారా చంద్రబాబు ముందస్తు చర్యలపై దృష్టి సారించారు. ఈ నేపథ్యంలో…
70 ఏళ్లు పైబడ్డా సరే, ఈ వయసులోనూ మెగాస్టార్ చిరంజీవి చాలా ఉత్సాహంగా సినిమాలు చేస్తున్నారు. ఈ తరం దర్శకులతోనూ…