సినిమా పిచ్చిలో ఇది వేరే లెవెల్

సినిమా పిచ్చిలో ఎన్నో రకాలు చూశాం. కానీ ఇది వేరే లెవెల్ అని చెప్పాలి. ప్రస్తుతం వరల్డ్ నంబర్ వన్ డైరెక్టర్ అనే విషయంలో భిన్నాభిప్రాయాలు లేని క్రిస్టోఫర్ నోలన్ నుంచి వచ్చిన కొత్త సినిమా ‘ది ఒడిస్సీ’ కోసం సినీ ప్రపంచం ఎంత ఉత్కంఠగా ఎదురు చూస్తోందో తెలిసిందే.

ఆ ప్రపంచంలో భాగమైన ఒక వీరాభిమాని.. నోలన్ సినిమా కోసం ఏకంగా తన ప్రెగ్నెన్సీనే వాయిదా వేసుకుందట. ఈ విషయం ఇప్పుడు మీడియాలో వైరల్ అవుతోంది. ఆ అభిమాని పేరు.. ఆంబర్ కనాగన్. 29 ఏళ్ల ఈ టెక్ ఎడిటర్.. కాలిఫోర్నియా నివాసి. ఆమెకు ఇప్పటికే ఒక బిడ్డ ఉండగా.. రెండో సంతానం కోసం ప్లాన్ చేస్తున్న టైంలో నోలన్ కొత్త చిత్రం ‘ది ఒడిస్సీ’ రాబోతుండడంతో ప్రెగ్నెన్సీని వాయిదా వేసుకుందట.

ది ఒడిస్సీని తొలి రోజే భారీ ఐమాక్స్ తెరలో చూడాలన్నది ఆంబర్ ఆశ. తాను ప్రెగ్నెంట్ అయితే తాను ఉంటున్న ప్రాంతం నుంచి మూడు గంటలు ప్రయాణించి ఐమాక్స్ 70 ఎంఎం థియేటరుకు వెళ్లి ‘ది ఒడిస్సీ’ సినిమాను చూడలేనన్న ఉద్దేశంతో ఆమె ప్రెగ్నెన్సీని వాయిదా వేసుకుందట. తనే స్వయంగా డ్రైవ్ చేసుకుని వెళ్లి ఐమాక్స్ 70 ఎంఎం థియేటర్లో తన అభిమాన దర్శకుడి సినిమాను ఫస్డ్ డే ఫస్ట్ షో చూడాలన్నది ఆంబర్ ఆశ.

అందుకోసమే ఆమె ప్రెగ్నెన్సీని వాయిదా వేసుకుందట. ఈ విషయం మీడియాలోకి రావడంతో అభిమానంలో ఇది వేరే లెవెల్ అని నెటిజన్లు కామెంట్లు చేస్తున్నారు. ఈ రోజు ఉదయం ప్రపంచవ్యాప్తంగా భారీ అంచనాల మధ్య విడుదలైన ‘ది ఒడిస్సీ’కి పాజిటివ్ రివ్యూలు, టాక్ వస్తున్నాయి. ఇండియాలో కూడా ఈ సినిమా భారీ స్థాయిలో విడుదలైంది. ఇక్కడి సూపర్ స్టార్ల సినిమాల స్థాయిలో దీనికి ఓపెనింగ్స్ రాబోతున్నాయి