వరస డిజాస్టర్లతో మార్కెట్ నే రిస్కులో పెట్టుకున్న మెగా ప్రిన్స్ వరుణ్ తేజ్ ఈసారి కొరియన్ కనకరాజుగా వస్తున్నాడు. ఆగస్ట్ 7 విడుదల కాబోతున్న ఈ హారర్ కామెడీ ఇప్పటికే పలు వాయిదాలు చవి చూసింది. యువి క్రియేషన్స్ బ్యానర్ మీద రూపొందిన ఈ సినిమాలో రితిక నాయక్ హీరోయిన్ గా నటించగా కమెడియన్ సత్య మరోసారి నవ్వులు పూయించేందుకు రెడీ అవుతున్నాడు. హీరోలాగే దర్శకుడు మేర్లపాక గాంధీకి ఈ మూవీ సక్సెస్ చాలా కీలకం. ఇవాళ టీజర్ లాంచ్ జరిగింది.
రాయలసీమ పెనుగొండ ప్రాంతంలో జల్సాగా తిరిగే కుర్రాడు కనకరాజు (వరుణ్ తేజ్). ఓసారి సీమకు వచ్చిన ఓ అమ్మాయి (రితిక నాయక్) ని చూసి మనసు పారేసుకుంటాడు. కానీ ఆమె కొరియా దేశం నుంచి వచ్చి ఉంటుంది. ఎప్పుడైతే తనతో పరిచయం మొదలయ్యిందో అక్కడి నుంచి కనకరాజులో విపరీతమైన మార్పులు వస్తాయి. అర్థం కాని వేషభాషల్లో విన్యాసాలు చేస్తుంటాడు. ఏకంగా సూటు బూటు వేసుకుని కొరియాలో ప్రత్యక్షమవుతాడు. ఎందుకనేది తెరమీద చూడాలి.
మొన్నటిదాకా ప్రయోగాలంటూ తనకు నప్పని జానర్లు ఎంచుకున్న వరుణ్ తేజ్ ఈసారి పూర్తిగా రూటు మార్చేశాడు. మాస్ తో పాటు క్లాస్ టచ్ ఉన్న వెరైటీ సబ్జెక్టు ఎంచుకున్నాడు. హాస్యానికి ఎక్కువ అవకాశం ఉండటంతో గద్దలకొండ గణేష్ తరహాలో ఇందులో కూడా మంచి ఫన్ ప్లస్ యాక్షన్ ఉండొచ్చేమో. అయితే హారర్ సబ్జెక్టు కాబట్టి దెయ్యాలు సంబంధించిన అంశాలతో పాటు మేర్లపాక గాంధీ మార్కు ఎంటర్ టైన్మెంట్ ఇందులో ఉంటాయని యూనిట్ టాక్.
ఈ వారం నుంచి ప్రమోషన్ల స్పీడ్ పెంచబోతున్నారు. తమన్ సంగీతం ప్రధాన ఆకర్షణగా నిలుస్తున్న కొరియన్ కనకరాజు ఖచ్చితంగా వరుణ్ తేజ్ కి కంబ్యాక్ అవ్వాల్సిందే. ఘాటీ డిజాస్టర్, కపుల్ ఫ్రెండ్లి డీసెంట్ ఫలితం, బైకర్ కమర్షియల్ ఫైయిల్యూర్ చూసిన యువి సంస్థకు ఈ ప్రాజెక్టు చాలా కీలకం. సక్సెస్ అయ్యిందా నెక్స్ట్ లైన్ లో ఉన్న చిరంజీవి విశ్వంభరకు మరింత బూస్ట్ దక్కుతుంది. రెండు మెగా ఫ్యామిలీ మూవీస్ వరసగా లైన్ లో పెట్టిన యువి ఎలాంటి ఫలితాలు అందుకోనుందో చూడాలి.
This post was last modified on July 13, 2026 5:46 pm
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
రాష్ట్ర వ్యాప్తంగా కాదుకానీ.. ప్రస్తుతం జరుగుతున్న గ్రామ పంచాయతీ ఎన్నికల విషయంలో వైసీపీ స్థానిక నేతలు పన్నిన వ్యూహానికి టీడీపీ…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…