చీరకే అందం తీసుకొచ్చిన శృతి

వెండితెరపై ఎప్పుడూ కాస్త బోల్డ్, వెస్ట్రన్ లుక్స్‌తో ట్రెండ్ క్రియేట్ చేసే శ్రుతి హాసన్ ఈసారి పూర్తిగా రూట్ మార్చేసింది. ఎప్పుడూ ఒకే స్టైల్‌లో కనిపిస్తే బోర్ కొడుతుందనుకుందో ఏమో గానీ, అచ్చమైన సాంప్రదాయ అవతారంలోకి మారిపోయి నెటిజన్లకు ఒక క్రేజీ షాక్ ఇచ్చింది. ట్రెడిషనల్ వేర్‌లో కూడా తనదైన ముద్ర వేయవచ్చని నిరూపిస్తూ ఆమె ఇన్ స్టాగ్రామ్‌లో షేర్ చేసిన ఫోటోలు ఇప్పుడు సోషల్ మీడియాలో విపరీతంగా చక్కర్లు కొడుతున్నాయి.

ఈ స్పెషల్ షూట్ కోసం శ్రుతి హాసన్ డిఫరెంట్ షేడ్ ఉన్న సిల్వర్ గ్రీన్ పట్టుచీరను సెలెక్ట్ చేసుకుంది. మోడ్రన్ ట్రెండ్‌కు తగ్గట్టుగా హెవీ జ్యువెలరీ జోడించి ఈ లుక్‌ను మరింత ఇంట్రెస్టింగ్‌గా ప్లాన్ చేసింది. వీటన్నింటికీ మించి తన లాంగ్ కర్లీ హెయిర్‌ను వెనుక భాగంలో ఒక వింటేజ్ క్లిప్‌తో అలంకరించిన విధానం ఈ ఫోటోషూట్‌కే హైలైట్‌గా నిలిచింది. సినిమాల విషయానికి వస్తే శ్రుతి హాసన్ ప్రస్తుతం సౌత్ ఇండస్ట్రీతో పాటు పలు పాన్ ఇండియా ప్రాజెక్టులతో తన కెరీర్‌ను చాలా బ్యాలెన్స్‌డ్‌గా ముందుకు తీసుకెళ్తోంది.

కేవలం కమర్షియల్ హీరోయిన్ పాత్రలకే పరిమితం కాకుండా నటనకు ప్రాధాన్యత ఉన్న విభిన్నమైన రోల్స్ వైపు మొగ్గు చూపుతోంది. పెద్ద పెద్ద స్టార్ హీరోల సినిమాల్లో నటిస్తూనే, మరోవైపు కంటెంట్ ఓరియెంటెడ్ చిత్రాల్లో భాగం అవుతోంది. ఆమధ్య వారణాసి సినిమా కోసం సంచారి అంటూ పాట పాడి హై వోల్టేజ్ వైభ్ తీసుకు వచ్చింది. అలాగే పెద్ది సినిమాలో కూడా స్పెషల్ సాంగ్ తో సర్ ప్రైజ్ ఇచ్చింది.

ప్రస్తుతం దుల్కర్ సల్మాన్ ఆకాశంలో ఒక తార అనే సినిమాలో ఒక స్పెషల్ పాత్రలో నటిస్తోంది. అలాగే మరో తమిళ సినిమా లైన్ లో ఉంది. ఇక ఎంత బిజీగా ఉన్నా డిజిటల్ ప్లాట్‌ఫామ్స్ ద్వారా ఫ్యాన్స్‌తో ఇలాంటి కొత్త కొత్త ప్రయోగాలు పంచుకోవడం ఈమెకు అలవాటే. శ్రుతి అనగానే మైండ్‌లోకి వచ్చే రాక్ స్టార్ ఇమేజ్‌ను పక్కనపెట్టి, ఇలా పద్ధతిగా హోమ్లీ లుక్‌లో కనిపించడం నిజంగా ఒక మంచి చేంజ్ ఓవర్ అనే చెప్పాలి. పెళ్లిళ్లు లేదా పండగల సీజన్‌లో ఎలాంటి స్టైలింగ్ ఇష్టపడే వారికైనా ఈ లుక్ ఒక పర్ఫెక్ట్ ఇన్‌స్పిరేషన్‌గా నిలుస్తుంది. ఏదేమైనా రొటీన్ గ్లామర్ షో కంటే ఇలాంటి సరికొత్త మేకోవర్స్ ద్వారానే శ్రుతి హాసన్ ఇటు యూత్‌ను, అటు ఫ్యామిలీ ఆడియన్స్‌ను ఈజీగా మెప్పించగలదని ఈ ఫోటోలు చూస్తే అర్థమవుతోంది.