తమిళంలో రెండేళ్ల కిందట వచ్చిన ‘తడమ్’ అనే సూపర్ హిట్ సినిమాను ఎంచుకుని దాని రీమేక్లో నటించాడు టాలీవుడ్ యువ కథానాయకుడు రామ్. ఆ చిత్రమే.. రెడ్. రామ్తో ఇంతకుముందు నేను శైలజ, ఉన్నది ఒకటే జిందగీ లాంటి క్లాస్ లవ్ స్టోరీలు తీసిన కిషోర్ తిరుమల.. ఈ యాక్షన్ థ్రిల్లర్ను డైెరెక్ట్ చేశాడు. రామ్ నుంచి ‘ఇస్మార్ట్ శంకర్’ లాంటి మాస్ మూవీ తర్వాత వస్తున్న చిత్రమిది.
దాని తర్వాత మాస్ ప్రేక్షకుల్లో రామ్ మీద ఉన్న అంచనాలను అందుకునేలా తమిళ వెర్షన్కు కొంచెం మాస్ టచ్ ఇచ్చినట్లున్నారు తెలుగులో. ఒరిజినల్లో కథ ప్రధానంగా సినిమా నడుస్తుంది. కానీ తెలుగులోకి వచ్చేసరికి మంచి మసాలా ఉన్న ఐటెం సాంగ్ జోడించారు. హెబ్బా పటేల్తో కలిసి దించక్ దించక్ అంటూ రామ్ వేసిన నాటు స్టెప్పులు ఈ పాటలో బాగా హైలైట్ అయ్యాయి. ఇప్పుడు ఒక రొమాంటిక్ సాంగ్ గ్లింప్స్ రిలీజ్ చేసి యూత్ను ఆకర్షించే ప్రయత్నం చేసింది ‘రెడ్’ టీమ్.
నువ్వే నువ్వే అంటూ సాగే పాటలో ఒకటిన్నర నిమిషం నిడివితో వీడియో రిలీజ్ చేశారు. ఇందులో హీరోయిన్ మాళవిక శర్మ హాట్ లుక్స్, రామ్ డ్యాన్సులతో పాటు.. చివర్లో కొసమెరుపులా ఉన్న లిప్ లాక్ అందరి దృష్టినీ ఆకర్షించింది. రామ్ ఇంతకుముందు జగడం, ఇస్మార్ట్ శంకర్ సినిమాల్లో హీరోయిన్లతో కిస్ సీన్లు చేశాడు కానీ.. అవి లైట్గా ఉంటాయి. కానీ ‘రెడ్’ కోసం మాళవికతో కొంచెం ఘాటుగానే లిప్ లాక్ చేశాడని ‘నువ్వే నువ్వే’ పాట టీజర్ చూస్తే అర్థమవుతోంది. ఇంతకుముందు ‘నేల టిక్కెట్టు’ సినిమాలో మాళవిక బాగానే అందాలు ఆరబోసింది. కానీ ఆ చిత్రం డిజాస్టర్ కావడంతో ఆమెకు అవకాశాలు లేకుండా పోయాయి.
ఇప్పుడు ఆమె ఆశలన్నీ ‘రెడ్’ మీదే ఉన్నాయి. ఇందులో ఆమెది మరీ పెద్ద పాత్రేమీ కాకపోయినా సినిమాలో కీలకంగా ఉంటుంది. ఈ పాత్రతో సాధ్యమైనంతగా ఆకట్టుకోవడానికి తనకున్న ఒక్క పాటలోనే హాట్ హాట్గా కనిపించినట్లుంది మాళవిక. ‘రెడ్’ ఈ నెల 14న సంక్రాంతి కానుకగా విడుదల కానున్న సంగతి తెలిసిందే.
This post was last modified on January 6, 2021 4:19 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…