అందాల శ్రీదేవికి మళ్ళీ ఆఫర్లు వస్తాయా?

తెలుగు ప్రేక్షకులకు శ్రీదేవి విజయ్‌కుమార్ గురించి ప్రత్యేకంగా పరిచయం అవసరం లేదు. ఈ సీనియర్ నటి వెండితెరపై ఒకప్పుడు తనకంటూ ఒక సెపరేట్ ఇమేజ్ క్రియేట్ చేసుకుంది. అయితే కొంతకాలం గ్యాప్ తర్వాత ఆమె చేసిన కమ్‌బ్యాక్ ప్రయత్నాలు పెద్దగా వర్కౌట్ కాలేదు. ఆమె కీలక పాత్రల్లో నటించిన ‘సుందరాకాండ’, ‘బ్యాడ్ బాయ్ కార్తీక్’ సినిమాలు బాక్సాఫీస్ దగ్గర ఆశించిన స్థాయిలో సక్సెస్ సాధించలేకపోయాయి. దీంతో ఆమెకు రాబోయే రోజుల్లో ఎలాంటి అవకాశాలు వస్తాయనే డౌట్స్ హైలెట్ అవుతున్నాయి.

శ్రీదేవి విజయ్‌కుమార్ ఫ్యామిలీ బ్యాక్‌గ్రౌండ్ చూస్తే ఇండస్ట్రీలో చాలా పెద్ద చరిత్రే ఉంది. ఆమె ప్రముఖ సీనియర్ నటుడు విజయ్‌కుమార్, నటి మంజుల దంపతుల కుమార్తె. సినిమా వాతావరణం ఉన్న కుటుంబం నుంచి రావడం వల్ల ఆమెకు నటనపై చిన్నప్పటి నుంచే మంచి పట్టుంది. ఈ బ్యాక్‌గ్రౌండ్ ఆమెకు కెరీర్ ప్రారంభంలో బాగా ప్లస్ అయింది. పెళ్లి తరువాత కొన్నాళ్ళు వెండితెరకు దూరంగానే ఉంది.

అయితే ఇప్పుడు సెకండ్ ఇన్నింగ్స్ లో సినిమాలు సరిగ్గా ఆడకపోయినా, నటిగా ఆమె టాలెంట్ ని తక్కువ చేయలేం. సినిమాల రిజల్ట్ ఎలా ఉన్నా సోషల్ మీడియాలో మాత్రం శ్రీదేవి హవా అస్సలు తగ్గట్లేదు. తన ఇన్ స్టాగ్రామ్ అకౌంట్ లో గ్లామరస్ పోస్టులు షేర్ చేయడం ఆమె ఎప్పుడూ ఆపలేదు. లేటెస్ట్ గా ఆమె పెట్టిన కొన్ని ఫొటోస్ నెట్టింట తెగ వైరల్ అవుతున్నాయి. ఆ పిక్స్ లో ఆమె స్టైలిష్ లుక్స్ చూస్తుంటే వయసు పెరుగుతున్నా కొద్దీ అందం కూడా పెరుగుతుందా అనే రేంజ్ లో నెటిజన్లు కామెంట్స్ చేస్తున్నారు. 

ఇప్పటికీ తన ఫిట్ నెస్ అండ్ చార్మ్ ని పర్ఫెక్ట్ గా మెయింటైన్ చేస్తూ యంగ్ హీరోయిన్లకు సైతం గట్టి పోటీ ఇస్తోంది. ప్రస్తుతం ఆమె టెలివిజన్ లో బిజీగా ఉంటూనే, వెండితెరపై క్యారెక్టర్ డ్రివెన్ రోల్స్ కోసం స్క్రిప్టులు వింటున్నారు. శ్రీదేవికి సరైన పవర్ ఫుల్ క్యారెక్టర్ పడితే మాత్రం నటిగా తనను తాను మళ్ళీ ప్రూవ్ చేసుకోవడం పెద్ద కష్టమేమీ కాదు.

కమ్‌బ్యాక్ మూవీస్ నిరాశ పరిచినా, తన గ్లామర్ అండ్ సోషల్ మీడియా క్రేజ్ తో ఆమె ఎప్పుడూ లైమ్ లైట్ లోనే ఉంటోంది. టాలెంట్ తో పాటు మంచి గ్లామర్ ప్రెజెన్స్ ఉన్న ఇలాంటి నటీమణులకు టాలీవుడ్ లో ఎప్పుడూ డిమాండ్ ఉంటుంది. మరి రాబోయే రోజుల్లో ఈ అందాల శ్రీదేవి ఎలాంటి డిఫరెంట్ రోల్స్ అందుకుంటుందో వేచి చూడాలి.