Movie News

అనంత శ్రీరామ్… ఇదేం లాజిక్?

ప్రస్తుతం తెలుగులో ఉన్న ఉత్తమ గేయ రచయితల్లో అనంత శ్రీరామ్ ఒకరు. టీనేజీలో ఇంజినీరింగ్ చదువుతూ లిరిసిస్టుగా మారిన అనంత.. తక్కువ సమయంలోనే బిజీ లిరిసిస్ట్ అయ్యారు. ప్రస్తుతం చంద్రబోస్, రామజోగయ్య శాస్త్రి తర్వాత అంత విద్వత్తు ఉన్న గేయరచయిత ఆయనే. ఆయన సాహిత్యంలో గొప్పదనం గురించి చెప్పడానికి చాలా ఉంది. కానీ అనంత మాట తీరు మాత్రం ఇటీవల తరచుగా వివాదాస్పదం అవుతోంది.

స్టేజ్ ఎక్కి మైక్ అందుకుంటే ఆయన మాటలు హద్దులు దాటిపోతున్నాయి. ఇటీవల ‘పెద్ది’ సినిమాలో ఐటెం సాంగ్ సాహిత్యం మీద విమర్శలు గుప్పించిన వాళ్ల మీద ‘ఐటెం గాళ్లు’ అనే పదప్రయోగం చేశారాయన. అంతటితో ఆగకుండా ఇప్పుడు ‘పెద్ది’ సక్సెస్ మీట్లో మాట్లాడుతూ.. ఈ సినిమాను విమర్శించన వాళ్లను ‘దురదగాళ్లు’ అని తీర్మానించేశారు. అసలు విమర్శ అన్నదే ఉండకూడదన్నట్లుగా ఆయన మాట్లాడుతున్న తీరు విడ్డూరంగా ఉంటోంది.

‘పెద్ది’ ఈవెంట్లో ఈ ‘దురదగాళ్లు’ అనే పద ప్రయోగంతో ఆగిపోలేదాయన. వందల మందిని ఊచకోత కోస్తే.. సుమోలు గాల్లోకి లేస్తే.. అంటూ తెలుగులో వచ్చే కమర్షియల్ సినిమాల మీద పరోక్షంగా కౌంటర్లు వేశారు. ఇలాంటి సన్నివేశాలున్న సినిమాల్లో నటించిన హీరోల మీద కౌంటర్ వేస్తున్నట్లు ఆయన వ్యాఖ్యలుండడంతో దుమారం రేగింది. ఐతే ‘పెద్ది’ ఈ తరహా కమర్షియల్ సినిమా కాదని.. ఇదో అద్భుత ప్రయోగం అన్నట్లు మాట్లాడుతూ.. ఇలాంటి సినిమాలే గొప్ప అన్నట్లుగా ఆయన మాట తీరు సాగింది.

కానీ ఇలాంటి సినిమాలో కమర్షియల్ హంగుల్లో భాగంగా హీరోయిన్‌ పాత్రను ప్రెజెంట్ చేసిన విధానం.. సమయం సందర్భం లేకుండా ‘వారానికి వేయి’ అంటూ ఐటెం సాంగ్ పెట్టడం గమనార్హం. అక్కడ కమర్షియల్ హంగుల్లో భాగంగా వాటిని పెట్టినపుడు.. వందమందిని ఊచకోత కోయడం.. సుమోలు గాల్లోకి లేవడం అలాంటి హంగుల్లో భాగమే కదా. మరి ‘పెద్ది’లోని కమర్షియల్ అంశాలు తప్పు కానప్పుడు.. మిగతా వాటి మీద కౌంటర్లు దేనికి?

అసలు ‘పెద్ది’లో సందర్భం లేకున్నా ఐటెం సాంగ్ క్రియేట్ చేయడమే కాక.. అందులో ‘వారానికి వేయి.. నాకోసం దాయి.. నెలకోసారైనా నీకిస్తా ఈ హాయి’ అంటూ సాగే సాహిత్యాన్ని జోడించారు. ఈ లిరిక్స్ గురించి విమర్శలు వస్తే వాటిని తీసుకోలేక.. ఐటెం సాంగ్‌లో అలాంటి సాహిత్యమే ఉంటుందని.. దాన్ని అర్థం చేసుకోలేని వాళ్లు ‘ఐటెం గాళ్లు’ అన్న ఆయన.. వేరే సినిమాల్లో కమర్షియల్ సన్నివేశాల గురించి కౌంటర్ వేయడం ఏం లాజిక్కో?

This post was last modified on June 24, 2026 3:28 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

34 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

48 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

1 hour ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

1 hour ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago