కళ్యాణ్ రామ్ మీద నవ్వించే బరువు

వెంకటేష్, అనిల్ రావిపూడి అయిదోసారి చేతులు కలిపిన మల్టీస్టారర్ ఇటీవలే ప్రారంభమైన సంగతి తెలిసిందే. వెంకీకి తోడుగా కళ్యాణ్ రామ్ చేరడం నందమూడి అభిమానుల్లో ఆసక్తి పెంచింది. అయితే అంతకన్నా బరువు మరొకటి ఉంది. వాళ్లతో పాటు దగ్గుబాటి ఫ్యాన్స్ అంచనాలు అందుకోవాల్సిన బాధ్యత కళ్యాణ్ రామ్ మీద ఉంది. అదెలాగో చూద్దాం. వెంకటేష్ టైమింగ్ ఎలా ఉంటుందో ప్రత్యేకంగా చెప్పనక్కర్లేదు. ఆయన పక్కన కామెడీ పండించడం అంత ఈజీగా కాదు.

కళ్యాణ్ రామ్ చూస్తేనేమో మాస్ హీరో. తన మీద ఫుల్ కామెడీ ఎవరూ ప్లే చేయలేదు. రావిపూడి మొదటి సినిమా పటాస్ లో అక్కడక్కడా జోకులు ఉంటాయి కానీ తన పాత్ర వరకు అధిక శాతం కమర్షియల్ కలర్ లో సీరియస్ గా సాగుతుంది. సో వెంకీని మ్యాచ్ చేస్తూ మేజిక్ చేయాలి. మాటల్లో చెప్పినంత సులభంగా అయితే ఉండదు. ఎఫ్2, ఎఫ్ 3లో వరుణ్ తేజ్ తో ఎలా అయితే అనిల్ రావిపూడి మేనేజ్ చేయించారో ఈ సినిమాలో అదే చేయొచ్చు.

ఇందులో కళ్యాణ్ రామ్, కృతి శెట్టి మీద విడిగా పాటలు కూడా పెట్టారు. ప్రస్తుతం ఒకటి షూట్ లో ఉంది. రాయలసీమ బ్యాక్ డ్రాప్ లో బావ బావమరిది కాన్సెప్ట్ తో హిలేరియస్ ఫన్ రాసుకున్నట్టు అంతర్గతంగా వినిపిస్తున్న సమాచారం. సో వెంకటేష్ తో సమానంగా హాస్యాన్ని పండించడం కళ్యాణ్ రామ్ కో సవాల్ అనే చెప్పాలి. మొన్న అనౌన్స్ మెంట్ వీడియోలో ఎవరి డామినేషన్ ఉందో అందరూ చూశారు. సో ఈ సవాల్ ని స్వీకరించి గెలవాల్సి ఉంటుంది.

ఇక వ్యక్తిగత కెరీర్ చూసుకుంటే చాలా ఆశలు పెట్టుకున్న అర్జున్ సన్నాఫ్ వైజయంతి తీవ్రంగా నిరాశ పరచడం కళ్యాణ్ రామ్ కు పెద్ద షాక్ అయ్యింది. బింబిసార 2 ప్రకటించి సంవత్సరం దాటినా దాన్ని సెట్స్ పైకి తీసుకెళ్లేంత బడ్జెట్ ప్రస్తుతం లేదట. అందుకే వేచి చూసే ధోరణిలో ఉన్నారు. ఇప్పుడీ సినిమా కనక హిట్ అయితే కళ్యాణ్ రామ్ కు తిరిగి కొత్త ఉత్సాహం వస్తుంది. ఫ్లాపుల్లో ఉన్నప్పుడు రావిపూడే పటాస్ రూపంలో సూపర్ హిట్ ఇచ్చారు. ఇప్పుడూ రిపీట్ చేస్తారేమో చూడాలి.