Movie News

మస్సా మస్సా… లెక్క సరిపోయింది

పెద్ది నుంచి ఏదైనా బ్యాంగర్ లాంటి కంటెంట్ కావాలని ఎదురు చూస్తున్న అభిమానులకు అది మస్సా మస్సా వీడియో సాంగ్ రూపంలో వచ్చేసింది. ఆడియో జ్యుక్ బాక్స్, భోపాల్ ఈవెంట్ లో రెహమాన్ అద్భుతంగా పాడి వినిపించినా విజువల్ చూడాలనే కోరిక ఫ్యాన్స్ లో బలంగా ఉంది. దాన్ని తీర్చే ఉద్దేశంతో ప్రీ రిలీజ్ ఈవెంట్ సమయంలో వదిలాడు దర్శకుడు బుచ్చిబాబు. ట్రైలర్ కట్ లో చూసిన ఎన్నో సీన్ల వెనుక ఎంత కష్టం ఉందో పరిచయం చేశాడు.

రామ్ చరణ్ చాలా ఇంటర్వ్యూలలో అన్నట్టు పెద్ది కోసం శారీరకంగా ఎంత కష్టపడాల్సి వచ్చిందో ఈ మస్సా పాటలో చూడొచ్చు. ఒళ్ళంతా బురద పూసుకోవడం, మన్ను రాసుకోవడం, కేవలం పైల్వాన్ లంగోటాతో ఫైట్లు చేయడం వగైరాలన్నీ ఓ రేంజ్ లో పేలాయి. ముఖ్యంగా చివరి షాట్ లో అందరూ మూకుమ్మడిగా చరణ్ మీద పడితే వాళ్ళ మధ్యలో చేయి బయటికి చూపించి శివరాజ్ కుమార్ ని పిలవడం హైలైట్ అయ్యేలా ఉంది. అంత గొప్పగా కుదిరింది.

ఆ మధ్య మన శంకరవరప్రసాద్ గారుకి చివరి నిమిషంలో హుక్ స్టెప్ పాట ఎలా అయితే హెల్ప్ అయ్యిందో అచ్చం అదే తరహాలో పెద్దికి ఈ మస్సా మస్సా మైలేజ్ ఇవ్వడం ఖాయం. చరణ్, శివరాజ్ కుమార్ తప్ప ఇతర ఆర్టిస్టులను రివీల్ చేయలేదు. కేవలం సెట్స్ లో ఉన్న జూనియర్ ఆర్టిస్టులు, టెక్నికల్ టీమ్ మాత్రమే కనిపించారు. ఏఆర్ రెహమాన్ స్కోర్ కి చరణ్ బాడీ బిల్డప్ కి బాగా మ్యాచ్ అయ్యాయి. బుచ్చిబాబు కష్టం కనిపించింది.

ఇక రోజుల నుంచి గంటల్లోకి కౌంట్ డౌన్ మారిపోయాక పెద్ది హైప్ క్రమంగా నెక్స్ట్ లెవెల్ కు వెళ్తోంది. టాలీవుడ్ బాక్సాఫీస్ పరిస్థితి అంతంత మాత్రంగా ఉన్న టైంలో పెద్ది లాంటి స్టార్ హీరో సినిమా ఇప్పుడు అత్యవసరం. దానికి తగ్గట్టే మంచి అంచనాలు నెలకొనడంతో టాక్ బాగా వస్తే మాత్రం రికార్డులకు ఆకాశమే హద్దవుతుంది. జాన్వీ కపూర్ హీరోయిన్ గా నటించిన ఈ స్పోర్ట్స్ విలేజ్ డ్రామాలో దివ్యెందు శర్మ, జగపతిబాబు తదితరులు ఇతర పాత్రలు పోషించారు.

This post was last modified on June 2, 2026 9:28 am

Share

Recent Posts

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

31 minutes ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

7 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

8 hours ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

9 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

9 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

10 hours ago