పుష్ప సినిమా మొదలైనపుడు దాన్ని ఒక్క పార్ట్గానే రిలీజ్ చేయాలనుకున్నారు. కానీ సినిమా మధ్యలో ఉండగా దాన్ని రెండు భాగాలు చేశారు. ఇక పుష్ప-2 మేకింగ్ దశలో ఉండగా మూడో భాగం గురించి చర్చ మొదలైంది. ఈ సినిమా చివర్లో ‘పుష్ప: ది రాంపేజ్’ పేరుతో మూడో పార్ట్కు లీడ్ ఇవ్వడంతో అల్లు అర్జున్ అభిమానులు వెర్రెత్తిపోయారు.
ఐతే ‘పుష్ప-2’ రిలీజై ఏడాదిన్నర కావస్తుండగా.. మూడో భాగం దిశగా చిన్న అడుగు కూడా పడలేదు. బన్నీ ‘రాకా’ సినిమా చేస్తూ.. దీని తర్వాత లోకేష్ కనకరాజ్ సినిమాను కూడా అనౌన్స్ చేశాడు. సుకుమారేమో ఇప్పటిదాకా తన తర్వాతి సినిమానే మొదలుపెట్టలేదు.
రామ్ చరణ్తో ఆయన చేయాల్సిన కొత్త సినిమా పూర్తి కావడానికి ఇక్కడి నుంచి మినిమం రెండేళ్లు పట్టే సంకేతాలు కనిపిస్తున్నాయి. బన్నీ చేతిలో ఉన్న రెండు సినిమాలు.. సుకుమార్ కొత్త చిత్రం పూర్తయ్యాక అయినా ఈ ఇద్దరూ ‘పుష్ప-3’ కోసం జట్టు కడతారని పక్కాగా చెప్పలేని పరిస్థితి.
‘పుష్ప’, ‘పుష్ప-2’ చిత్రాలకు పని చేసిన టీం సభ్యులు చెబుతున్న సమాచారం ప్రకారం ‘పుష్ప-3’కి అసలు కథే సిద్ధంగా లేదట. కానీ ఆ రెండు చిత్రాల్లో కీలక పాత్ర పోషించిన జగపతిబాబేమో ‘పెద్ది’ ప్రమోషన్లలో భాగంగా ఇచ్చిన ఇంటర్వ్యూలో ‘పుష్ప-3’ ఉంటుందని, అందులో తన పాత్ర కీలకమని చెప్పుకొచ్చారు.
పార్ట్-2లో తన పాత్రను బాగా తగ్గించేయడం గురించి సుకుమార్ తనకు సర్దిచెప్పే క్రమంలో, పార్ట్-3లో తన పాత్రకు మంచి ప్రయారిటీ ఉంటుందని హామీ ఇచ్చినట్లు జగపతి చెప్పాడు. పుష్ప-3 విషయంలో ఆయన ఎంతో ఉత్సాహం ప్రదర్శించారు. కానీ ఈ సినిమా నిజంగా ఉంటుందా అన్నది మాత్రం సందేహంగానే ఉంది.
పుష్ప2 మేకింగ్ చాలా ఆలస్యం అయి.. ఒక దశలో బన్నీ, సుకుమార్ మధ్య అభిప్రాయ భేదాలు వచ్చే పరిస్థితి తలెత్తింది. ముఖ్యంగా బన్నీ అయితే బాగా విసుగెత్తిపోయి ఇంకో పార్ట్ వద్దే వద్దు అన్న అభిప్రాయానికి వచ్చినట్లు వార్తలు వచ్చాయి.
పుష్ప 3 కోసం స్క్రిప్ట్ రెడీ చెయ్యడం కూడా తీవ్ర ఒత్తిడితో కూడిన పని కాబట్టి సుకుమార్ కూడా ఆ టాస్క్ ఎంచుకుంటాడా అన్నది సందేహం. జగపతి ఆశ బాగానే ఉంది కానీ భవిష్యత్తులో సమీకరణాలన్నీ కలిసొచ్చి, సరైన కథ రెడీ అయితే తప్ప ఈ ప్రాజెక్టు ముందుకు కదిలే అవకాశాలు తక్కువే. మరి ఏం జరుగుతుందో చూడాలి.
ఇప్పుడు టాలీవుడ్లో ఏదైనా సినిమా వేడుక జరిగిందంటే చాలు.. అందులో పరిశ్రమ కష్టాల గురించి తప్పకుండా ప్రస్తావన ఉంటుంది. తెలుగు…
ఏపీ రాజధాని అమరావతిలో పనుల నిర్మాణం వేగంగా జరుగుతోందని మంత్రి నారాయణ తెలిపారు. ఇక్కడ సంస్థలను ఏర్పాటు చేసేందుకు అనేక…
సంచలన తీర్పును వెలువరించింది దేశ అత్యున్నత న్యాయస్థానం సుప్రీంకోర్టు. వేశ్యావృత్తికి సంబంధించి చట్టపరమైన స్థితిని.. సెక్స్ వర్కర్ల ప్రాథమిక హక్కులపై…
తెలుగు సినీ పరిశ్రమలో ఘనమైన వారసత్వం ఉన్న కుటుంబాల్లో నందమూరి వారిది ముందు వరుసలో ఉంటుంది. సీనియర్ ఎన్టీఆర్ లెగసీని…
సనాతన ధర్మం అంటే అదేదో పెద్ద బూతు అన్నట్లుగా కొందరు నాయకులు చేసే కామెంట్లు హిందువులకు తీవ్ర ఆగ్రహమే తెప్పిస్తుంటాయి.…
వైసీపీ అధికారంలో ఉండగా.. ఆపార్టీకి చెందిన నాయకులు అనేక అక్రమాలకు పాల్పడ్డారన్న విమర్శలు ఉన్నాయి. మద్యం నుంచి ఇసుక దాకా,…