Movie News

తెలంగాణలో అదనపు రేట్లు… ఇక కలేనా?

ఇప్పుడు టాలీవుడ్లో ఏదైనా సినిమా వేడుక జరిగిందంటే చాలు.. అందులో పరిశ్రమ కష్టాల గురించి తప్పకుండా ప్రస్తావన ఉంటుంది. తెలుగు సినిమా పరిస్థితి ఏమీ బాగా లేదని.. సినిమాలు చూసేందుకు థియేటర్లకు జనం రావట్లేదని ఆవేదన వ్యక్తం చేస్తారు సినీ జనాలు. కానీ జనం థియేటర్లకు రావడానికి ఉత్సాహం చూపించే సినిమాకేమో రేట్లు పెంచేస్తారు.

దేశంలో అత్యధిక టికెట్ల రేట్లు ఉన్న రాష్ట్రాల్లో తెలంగాణ, ఏపీ ముందు వరుసలో ఉన్నా సరే.. కాస్త క్రేజున్న పెద్ద సినిమా ఏది రిలీజైనా అదనపు రేట్లు వడ్డించడం రివాజు అయిపోయింది. ఐతే ఏపీలో ఇందుకు ఈజీగా అనుమతులు వచ్చేస్తున్నాయి కానీ.. తెలంగాణలో మాత్రం పరిస్థితి సంక్లిష్టంగా మారింది.

‘పుష్ప-2’కు సంబంధించిన సంధ్య థియేటర్ విషాదం తర్వాత టికెట్ల రేట్ల పెంపు విషయంలో ప్రభుత్వం వ్యతిరేక వైఖరి తీసుకుంది. దీనికి తోడు ఏదైనా సినిమాకు రేట్లు పెంచితే కోర్టుల్లో కేసులు పడిపోతున్నాయి. ఈ ఏడాది సంక్రాంతి సినిమా ‘మన శంకర వరప్రసాద్ గారు’ టైంలో పడ్డ కోర్టు కేసుతో పీటముడి బిగుసుకుంది. కొత్త సినిమాలకు రేట్లు పెంచాలంటే 90 రోజుల ముందే దరఖాస్తు చేసుకుని, జీవో తెచ్చుకోవాలంటూ కోర్టు పెట్టిన మెలికతో టాలీవుడ్‌కు పెద్ద షాక్ తప్పలేదు.

అప్పట్నుంచి ఏ సినిమాకూ రేట్ల పెంపు లేదు. వేసవి ఆరంభంలో పవన్ కళ్యాణ్ సినిమా ‘ఉస్తాద్ భగత్ సింగ్’కు రేట్ల పెంపు కోసం గట్టిగా ప్రయత్నించినా ఫలితం లేకపోయింది. దీంతో నార్మల్ రేట్లతోనే ఆ సినిమాను రిలీజ్ చేశారు. ఇప్పుడు ‘పెద్ది’ సినిమా కోసం ఇంకొంచెం గట్టిగా ప్రయత్నించారు. ప్రభుత్వం రేట్ల పెంపుకు సుముఖంగా ఉన్నప్పటికీ, గత ఆదేశాలపై స్టే విధించేందుకు హైకోర్టు నిరాకరించడంతో పెద్ది నిర్మాతలు తమ పిటిషన్‌ను వెనక్కి తీసుకున్నారు.

వరుసగా రెండు పెద్ద సినిమాలకు నిర్మాతలు ఎంత ప్రయత్నించినా రేట్ల పెంపు సాధ్యం కాని పరిస్థితుల్లో.. ఇక ఇలాంటి ప్రయత్నాలు ఆపేయడం బెటర్ అనే అభిప్రాయాలు ఇండస్ట్రీలో వ్యక్తమవుతున్నాయి. ఈ విషయంలో రేవంత్ రెడ్డి ప్రభుత్వం తటస్థ వైఖరిని అవలంబిస్తున్న సంకేతాలు కనిపిస్తున్నాయి. ప్రభుత్వం రేట్ల పెంపుకు నిరాకరించట్లేదు. అదే సయమంలో అందుకోసం తమ వంతుగా పుష్ చేసే ప్రయత్నమూ చేయట్లేదు.

ఏ సినిమాకు ఆ సినిమాకు జీవో ఇచ్చేలా కాకుండా.. ఈ విషయంలో న్యాయపరమైన చిక్కులు రాకుండా, పాలసీ మారిస్తే తప్ప రేట్ల పెంపు సాధ్యమయ్యేలా కనిపించడం లేదు. ఆయా సినిమాల నిర్మాతలు వ్యక్తిగతంగా ప్రభుత్వాన్ని విజ్ఞప్తి చేయడం కాకుండా.. ఇండస్ట్రీ అంతా కలిసి వెళ్లి ప్రభుత్వానికి విన్నవించుకుంటేనే ఇది సాధ్యపడొచ్చు. అది జరిగేలా కనిపించడం లేదు. కాబట్టి తెలంగాణలో టికెట్ల రేట్ల పెంపు మీద ఇండస్ట్రీ ఆశలు వదులుకోవడం బెటరేమో.

This post was last modified on May 30, 2026 10:55 am

Share

Recent Posts

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

10 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

27 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

36 minutes ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

40 minutes ago

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

1 hour ago

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

2 hours ago