టైటిల్ లో బ్యాడ్ అని పెట్టుకున్నారు కానీ దానికి తగ్గట్టే ప్రమోషన్లలో బాగా వెనుకబడిపోయింది బ్యాడ్ బాయ్ కార్తీక్. శుక్రవారం విడుదల కాబోతున్న ఈ సినిమాకు సంబంధించి ప్రీ రిలీజ్ ఈవెంట్ చేశారు తప్పించి ఇంకెలాంటి పబ్లిసిటీ లేకపోవడంతో జనంలో దీని మీద అటెన్షన్ రావడం లేదు. రంగబలి తర్వాత రెండేళ్లకు పైగా కనిపించకుండా పోయిన నాగశౌర్యకు ఇది కంబ్యాక్ అవుతుందా లేదానే అనుమానాలు అభిమానుల్లో కాసింత ఎక్కువగానే ఉన్నాయి.
నిర్మాతలు చెబుతున్న దాని ప్రకారం దీని బడ్జెట్ ముప్పై కోట్ల దాకా అయ్యింది. అంత మొత్తం థియేట్రికల్ గా రావడం చాలా కష్టం. యునానిమస్ బ్లాక్ బస్టర్ అనిపించుకుంటే కొంతమేర గట్టెక్కే ఛాన్స్ ఉంది కానీ ట్రైలర్ చూస్తే ఆ నమ్మకం రాలేదు. నాగ శౌర్య కూడా దీని పట్ల ముభావంగానే కనిపిస్తున్నాడు. నిర్మాతతో ఏవో విభేదాలు వచ్చిన వైనం మాటల్లో చేతల్లో కనిపిస్తోంది. హారిస్ జైరాజ్ సంగీతం అందించినా అది ప్రేక్షకులకు రిజిస్టర్ కాలేదంటే ఏమనుకోవాలి.
బ్యాడ్ బాయ్ కార్తీక్ కన్నా చాలా చిన్న సినిమాలైన తిమ్మరాజుపల్లి టీవీ, పాపం ప్రతాప్ నువ్వా నేనాని ప్రమోషన్లలో పోటీ పడుతున్నాయి. ఇవి చూసి మొదటి రోజే జనం థియేటర్లను హౌస్ ఫుల్ చేయలేరు కానీ కనీసం రిలీజ్ రోజు టాక్ ఎలా ఉందో తెలుసుకునే ప్రయత్నమైతే చేస్తారు. బాగుందనే మాట వస్తే ఆటోమాటిక్ గా టికెట్లు కొంటారు. ఇలాంటివి నాగ శౌర్య టీమ్ చేయడం లేదు. సినిమానే మాట్లాడుతుందనే తరహాలో నెమ్మదిగా ఉన్నారు.
సరే మూడు రోజుల్లో ఫలితం ఎలాగూ తేలనుంది కానీ బాక్సాఫీస్ పరంగా చూస్తే ఏప్రిల్ లో రిలీజవుతున్న సినిమాలకు స్టార్ల తాకిడి లేకుండా మంచి గ్రౌండ్ దొరుకుతోంది, డెకాయిట్ ఓ మోస్తరుగా వాడుకుంది కానీ యునానిమస్ అయ్యుంటే అడివి శేష్ ని పట్టడం కష్టమయ్యేది. నాగ శౌర్య ఇంటర్వ్యూలు కూడా ఇవ్వడం లేదు. ఎలాగూ కాంట్రావర్సీ ప్రశ్నలు అడుగుతారు కాబట్టి స్మూత్ గా తప్పుకున్నారనే టాక్ మీడియాలో ఉంది. ఏమో బ్యాడ్ బాయ్ తనకు గుడ్ లక్ అవుతాడేమో చూడాలి.
This post was last modified on April 14, 2026 10:38 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…